નવી દિલ્હી: કેન્દ્રીય ટેલિકોમ મંત્રી અશ્વિની વૈષ્ણવે કહ્યું કે સાયબર ફ્રોડને રોકવા માટે સરકારે સિમ કાર્ડ ડીલરોનું પોલીસ વેરિફિકેશન ફરજિયાત બનાવ્યું છે. તેમજ હવે બલ્કમાં 'કનેક્શન' આપવાની જોગવાઈ બંધ કરી દેવામાં આવી છે. કેન્દ્રીયપ્રધાને કહ્યું કે સરકારે 52 લાખ મોબાઈલ કનેક્શન બંધ કર્યા છે. 67,000 ડીલરોના નામ બ્લેક લિસ્ટમાં મૂકવામાં આવ્યા છે. મે 2023થી સિમ કાર્ડ ડીલરો સામે 300 ફર્સ્ટ ઇન્ફર્મેશન રિપોર્ટ્સ (FIRs) નોંધવામાં આવ્યા છે.
કેન્દ્રીયપ્રધાન અશ્વિની વૈષ્ણવે કહ્યું -“હવે અમે છેતરપિંડી રોકવા માટે સિમ કાર્ડ ડીલરનું પોલીસ વેરિફિકેશન ફરજિયાત બનાવ્યું છે. નિયમોનું ઉલ્લંઘન કરનાર વેપારી પર 10 લાખ રૂપિયાનો દંડ ફટકારવામાં આવશે.
વેરિફિકેશન માટે સમય મળશે:વૈષ્ણવે કહ્યું કે વોટ્સએપે પોતે જ લગભગ 66,000 એકાઉન્ટ્સને બ્લોક કરી દીધા છે. જે ગેરકાયદેસર પ્રવૃત્તિઓમાં સામેલ હતા. મંત્રીએ વધુમાં કહ્યું કે દેશભરમાં 10 લાખ સિમ ડીલરો છે અને તેમને પોલીસ વેરિફિકેશન માટે પૂરતો સમય આપવામાં આવશે. આ સિવાય તેમણે કહ્યું કે ટેલિકોમ વિભાગે જથ્થાબંધ 'કનેક્શન' આપવાની સેવા પણ બંધ કરી દીધી છે. તેના બદલે બિઝનેસ કનેક્શનનો નવો કોન્સેપ્ટ રજૂ કરવામાં આવશે.
KYC વેચનાર અને ખરીદનાર બંને માટે જરૂરી: વૈષ્ણવે કહ્યું કે આ સિવાય વ્યવસાયોનું KYC (તમારા ગ્રાહકને જાણો) અને સિમ લેનાર વ્યક્તિનું કેવાયસી પણ કરવામાં આવશે. KYC સંસ્થા અથવા રોકાણકારની ઓળખ અને સરનામું પ્રમાણિત કરવામાં મદદ કરે છે. નિયમોનું ઉલ્લંઘન કરનાર વેપારી પર ભારે દંડ પણ વસૂલવામાં આવશે.
- SC On Narmada Project : SCએ ગુજરાત સરકારને નર્મદા પ્રોજેક્ટમાં જમીન ગુમાવનારાઓને વધુ વળતર ચૂકવવાનો કર્યો નિર્દેશ
- Madhyapradesh Assembly Election: કમલનાથે શિવરાજ સરકાર વિરૂદ્ધ આરોપપત્ર જાહેર કર્યું છે, હું 2023નું કમલનાથ મોડલ છુઃ કમલનાથ
