નવી દિલ્હી: નિક્કી યાદવ મર્ડર કેસમાં દિલ્હી પોલીસે પોતાની કાર્યવાહી આગળ વધારી દીધી છે. 5 દિવસના રિમાન્ડ દરમિયાન પોલીસ ટીમ આરોપી બોયફ્રેન્ડ સાહિલ ગેહલોત પાસેથી સમગ્ર કેસનો પર્દાફાશ કરવાનો પ્રયાસ કરી રહી છે. ક્રાઈમ બ્રાન્ચના ડીસીપીએ જણાવ્યું કે સાહિલ તે રાત્રે નિક્કીને જે માર્ગ પર લઈ ગયો હતો તેના દરેક સીસીટીવી ફૂટેજની તપાસ કરવામાં આવી રહી છે, જેથી વધુમાં વધુ પુરાવા એકત્ર કરી શકાય.
35 કીમીના સીસીટીવીનું નિરીક્ષણ: સીસીટીવી ફૂટેજને સ્કેન કરવા માટે 250 પોલીસકર્મીઓ તૈનાત કરવામાં આવ્યા છે. આ ઉપરાંત આ તમામ માર્ગો પરથી મળેલા ફૂટેજ ઉપરાંત પોલીસ પ્રત્યક્ષદર્શીઓને શોધીને તેમની પૂછપરછ કરવાનો પ્રયાસ કરશે. આ સાથે જેણે પણ આ બંને વિશે કંઈપણ જોયું છે, તે વધુ કેસનો ખુલાસો કરવામાં પોલીસને મદદ કરી શકે છે. હાલ પોલીસ સાહિલની પૂછપરછ કરી રહી છે અને સમગ્ર મામલો શોધી રહી છે.
આ પણ વાંચોFIR against NCP leader : NCP નેતા સહિત 7 અન્ય લોકો વિરુદ્ધ FIR, આસિસ્ટન્ટ કમિશનર પર હુમલો કરવાનો આરોપ
શું છે સમગ્ર મામલો?:અત્યાર સુધી એ વાત સામે આવી રહી હતી કે 9 ફેબ્રુઆરીની રાત્રે જ નિક્કીની હત્યા કરવામાં આવી હતી. તે જ સમયે, સૂત્રોના જણાવ્યા અનુસાર, 10 ફેબ્રુઆરીની સવારે નિક્કીની હત્યા કરવામાં આવી હતી. હત્યા બાદ જ સાહિલ તેને સીટ બેલ્ટની મદદથી પોતાની કારની આગળની સીટ પર બેસાડીને તેના ગામ મિત્રાઓના ખેતરમાં બનેલા ઢાબા પર લઈ ગયો હતો. ત્યાં તેણે તેના બંધ ઢાબામાં ફ્રિજમાં તેની લાશ રાખી હતી. તમને જણાવી દઈએ કે, પોસ્ટમોર્ટમ રિપોર્ટમાં બહાર આવ્યું છે કે નિક્કીનું મોત ગળું દબાવવાના કારણે થયું હતું.
આ પણ વાંચોSurat Crime : સુરતમાં બાળકી હવસખોરીનો ભોગ બનતાં બચી, બિસ્કિટની લાલચ આપી લઇ જનાર આરોપીની ધરપકડ
પોલીસની તજવીજ તેજ: જો કે, નીક્કીની હત્યા 9મી ફેબ્રુઆરીની રાત્રે કે 10મી ફેબ્રુઆરીની સવારે કરવામાં આવી હતી કે કેમ તે અંગે પોલીસ તરફથી ચોક્કસ કંઈ કહેવામાં આવ્યું નથી. પૂછપરછ દરમિયાન પોલીસ એ રહસ્ય પણ કાઢવાનો પ્રયાસ કરશે કે મૃતદેહને ફ્રીજમાં રાખ્યા બાદ તેને છુપાવવા માટે સાહિલના મનમાં શું પ્લાન ચાલતો હતો.
