કોવિડ પછી નવી વિશ્વ વ્યવસ્થાની સંભાવના, ભારતીય અર્થવ્યવસ્થા સતત વિસ્તરી રહી છે : PM મોદી

વડાપ્રધાન નરેન્દ્ર મોદીએ આજે બુધવારે કહ્યું હતું કે, જેમ બીજા વિશ્વ યુદ્ધ પછી આખું વિશ્વ બદલાઈ ગયું હતું, તેવી જ રીતે કોરોના સંક્રમણ પછી પણ વિશ્વમાં ઘણા ફેરફારો થવાની સંભાવના છે અને નવી વિશ્વ વ્યવસ્થા તૈયાર (new world order will be ready) થશે.

નવી દિલ્હી: વર્ષ 2022-23ના સામાન્ય બજેટ (Union Budget 2022) પર ભારતીય જનતા પાર્ટી (BJP) દ્વારા આયોજિત 'આત્મનિર્ભર અર્થતંત્ર' કાર્યક્રમને સંબોધિત કરતી વખતે, વડાપ્રધાને કહ્યું કે, કોરોનાનો આ સમયગાળો સમગ્ર વિશ્વ માટે એક પ્રકારનો ક્રાંતિકારી પરિવર્તન છે.

કોરોના પછી વિશ્વમાં ઘણા ફેરફારો થવાની સંભાવના: PM મોદી

વડાપ્રધાને કહ્યું કે, 'આપણે જે વિશ્વને આગળ જોવાના છીએ તે કોરોના સમયગાળા પહેલા જેવું નહીં હોય. જેમ બીજા વિશ્વયુદ્ધ પછી આખું વિશ્વ બદલાઈ ગયું હતું, તેવી જ રીતે કોરોના પછી વિશ્વમાં ઘણા ફેરફારો થવાની સંભાવના છે. નવી વિશ્વ વ્યવસ્થાની સંભાવના છે. વીડિયો કોન્ફરન્સ દ્વારા આ કાર્યક્રમને સંબોધિત કરતી વખતે વડાપ્રધાને કહ્યું હતું કે, છેલ્લા સાત વર્ષમાં સરકાર દ્વારા લેવામાં આવેલા નિર્ણયો અને અગાઉની નીતિઓમાં કરવામાં આવેલી નીતિઓ અને સુધારાઓને કારણે ભારતીય અર્થવ્યવસ્થા સતત વિસ્તરી રહી છે.

આ પણ વાંચો:લોક મૈત્રીપૂર્ણ અને આત્મનિર્ભર ભારતનું બજેટ, પીએમ મોદીએ કહ્યું

આજે ભારતની અર્થવ્યવસ્થા 2 લાખ 30 હજાર કરોડની આસપાસ છે

વડાપ્રધાને વધુમાં જણાવ્યું હતું કે, 'સાત-આઠ વર્ષ પહેલા ભારતનું ગ્રોસ ડોમેસ્ટિક પ્રોડક્ટ (GDP) 1 લાખ 10 હજાર કરોડ રૂપિયા હતું. આજે ભારતની અર્થવ્યવસ્થા 2 લાખ 30 હજાર કરોડની આસપાસ છે. આ સમય ભારત માટે નવેસરથી તૈયારી કરવાનો છે. 'ભારત આત્મનિર્ભર બને તે ખૂબ જ મહત્વપૂર્ણ છે અને તે આત્મનિર્ભર ભારતના પાયા પર આધુનિક ભારતનું નિર્માણ થવું જોઈએ.' બજેટની જાહેરાતની વિવિધ જોગવાઈઓનો ઉલ્લેખ કરતા વડાપ્રધાને કહ્યું કે, સરકારના પ્રયાસોને કારણે આજે દેશના લગભગ 9 કરોડ ગ્રામીણ ઘરો સુધી પાણી પહોંચવાનું શરૂ થયું છે અને તેમાંથી 5 કરોડથી વધુ પાણીના જોડાણો કરવામાં આવ્યા છે.

PM મોદી આજે બજેટના વિષય પર વિગતવાર વાત કરશે

વડાપ્રધાન નરેન્દ્ર મોદી મંગળવારે જણાવ્યું હતું કે, "ગઈકાલે (સોમવારે) ભારતીય જનતા પાર્ટીએ મને સવારે 11 વાગ્યે બજેટ અને આત્મનિર્ભર ભારત વિષય પર વાત કરવા આમંત્રણ આપ્યું હતું. જે આજે બુધવારે 11 વાગ્યે બજેટના વિષય પર વિગતવાર વાત કરવામાં આવી હતી."

આ પણ વાંચો:RBI લોન્ચ કરશે Digital Currency, નાણાં પ્રધાને કરી જાહેરાત

બજેટ અર્થવ્યવસ્થાને મજબૂત કરશે: PM મોદી

આ પહેલા વડાપ્રધાને બજેટને પીપલ ફ્રેન્ડલી અને પ્રગતિશીલ ગણાવ્યું હતું અને કહ્યું હતું કે, આ બજેટ સો વર્ષની ભયાનક આફત વચ્ચે વિકાસનો નવો આત્મવિશ્વાસ લઈને આવ્યો છે. એક વીડિયો સંદેશ દ્વારા પોતાના સંબોધનમાં તેમણે કહ્યું કે, આ બજેટ અર્થવ્યવસ્થાને મજબૂત કરશે અને સામાન્ય માણસ માટે ઘણી નવી તકો ઊભી કરશે.