નવી દિલ્હી: વડાપ્રધાન નરેન્દ્ર મોદી 30 માર્ચે 5મી BIMSTEC વર્ચ્યુઅલ સમિટમાં (PM Modi attend BIMSTEC Summit )ભાગ લેશે. તેની યજમાની વર્તમાન BIMSTEC પ્રમુખ શ્રીલંકા કરશે. ઉલ્લેખનીય છે કે, ચોથી BIMSTEC સમિટ વર્ષ 2018માં કાઠમંડુ (નેપાળ)માં યોજાઈ હતી.
આંતરરાષ્ટ્રીય આર્થિક સહકાર સંસ્થા : BIMSTEC એ બંગાળની ખાડીની સરહદ અથવા તેને અડીને આવેલા દેશોની આંતરરાષ્ટ્રીય આર્થિક સહકારસંસ્થા છે. તેની સ્થાપના વર્ષ 1997 માં કરવામાં આવી હતી. તેના 7 સભ્ય દેશોમાં બાંગ્લાદેશ, ભૂતાન, ભારત, મ્યાનમાર, નેપાળ, શ્રીલંકા અને થાઈલેન્ડનો સમાવેશ થાય છે. આ અગાઉ, વિદેશ પ્રધાન એસ જયશંકરે કહ્યું હતું કે, ભારત BIMSTEC માળખા હેઠળ પ્રાદેશિક સહકારને વેગ આપવા અને તેને મજબૂત, વૈવિધ્યસભર અને પરિણામલક્ષી જૂથ બનાવવા માટે પ્રતિબદ્ધ છે. એક સંબોધનમાં, જયશંકરે જણાવ્યું હતું કે, બહુ-ક્ષેત્રિક તકનીકી અને આર્થિક સહકાર પહેલ માટે બંગાળની ખાડી (BIMSTEC) દક્ષિણ અને દક્ષિણપૂર્વ એશિયાને જોડવાની અનન્ય શક્તિ ધરાવે છે.
આ પણ વાંચો :બિપ્લોબી ભારત ગેલેરી ઉદ્ઘાટન દરમિયાન બંગાળ હિંસા પર PM મોદીએ કર્યું દુ:ખ વ્યકત
BIMSTEC નેતાઓની ભાગીદારી : તેમણે કહ્યું કે, મે 2019માં અમારી સરકારના શપથ ગ્રહણ સમારોહમાં BIMSTEC નેતાઓની ભાગીદારી આ વાતની સાક્ષી આપે છે. વિદેશ પ્રધાને કહ્યું કે આંતરરાષ્ટ્રીય આતંકવાદ અને સંગઠિત અપરાધ અને માદક દ્રવ્યોની હેરાફેરી સામે લડવામાં સહકાર પર BIMSTEC સંધિ ગયા મહિને અમલમાં આવી હતી. તેમણે નોંધ્યું હતું કે, સભ્ય દેશોએ BIMSTEC ટ્રાન્સપોર્ટ લિન્કેજ માસ્ટર પ્લાનને અંતિમ સ્વરૂપ આપ્યું છે અને BIMSTEC ની પાંચમી સમિટ બેઠકમાં અપનાવવામાં આવશે.
આ પણ વાંચો :ભારતની વિદેશ નીતિના વખાણ ઘણા વિદેશી વડાપ્રધાનોએ કર્યા છે : શ્રિંગલા
લોકોની આકાંક્ષાઓને પૂર્ણ કરવાની દિશા : જયશંકરે મીટિંગમાં જણાવ્યું હતું કે, આપણા પ્રદેશમાં વધુ સારા સંપર્ક અને કનેક્ટિવિટી માટે લોકોની આકાંક્ષાઓને પૂર્ણ કરવાની દિશામાં આ એક મહત્વપૂર્ણ પગલું છે. ઉલ્લેખનીય છે કે, ભારત સિવાય બાંગ્લાદેશ, મ્યાનમાર, શ્રીલંકા, થાઈલેન્ડ, નેપાળ અને ભૂટાન બે ઓફ બંગાળ મલ્ટી-સેક્ટરલ ટેકનિકલ એન્ડ ઈકોનોમિક કોઓપરેશન ઈનિશિએટિવ (BIMSTEC)માં સામેલ છે. વિદેશ મંત્રાલયના નિવેદન અનુસાર, જયશંકરે એવા ક્ષેત્રોમાં ભારતની પ્રગતિને રેખાંકિત કરી જેમાં તેણે નોંધપાત્ર પ્રગતિ કરી છે. તેમણે સરહદ પારના આતંકવાદ, પરિવહન અને સંચાર, પ્રવાસન અને પર્યાવરણ અને આપત્તિ વ્યવસ્થાપન જેવા ક્ષેત્રોમાં BIMSTEC વચ્ચે સહકારને વધુ ગાઢ બનાવવા માટે ભારતની પ્રવૃત્તિઓનો ઉલ્લેખ કર્યો હતો.
