વડાપ્રધાન મોદી કોરોનાની પરિસ્થિતિ લઈને રાજ્યોના મુખ્યપ્રધાનો સાથે કરશે ચર્ચા

કોરોનાની વર્તમાન સ્થિતિ અને રસીકરણ અભિયાન અંગે વડાપ્રધાન નરેન્દ્ર મોદી આજે ગુરૂવારે મુખ્યપ્રધાનો સાથે વાતચીત કરશે. આ દરમિયાન, વડાપ્રધાન કોરોના મહામારીની સ્થિતિ અને રસીકરણ અભિયાનની સમીક્ષા પણ કરશે. એવું કહેવામાં આવી રહ્યું છે કે, કોરોનાની હાલની પરિસ્થિતિને પહોંચી વળવા માટે મોટો નિર્ણય લઈ શકાય છે.

• વડાપ્રધાન મહામારીની વર્તમાન સ્થિતિની સમીક્ષા કરશે
• મોદી ગુરૂવારે સાંજે 6.30 વાગ્યે મુખ્યપ્રધાનો સાથે કરશે સંવાદ
• અગાઉ, ડૉ. હર્ષ વર્ધને આરોગ્ય પ્રધાનો સાથે બેઠક કરી હતી

નવી દિલ્હી:દેશભરમાં કોરોનાના વધી રહેલા સંક્રમણને ધ્યાનમાં રાખીને વડાપ્રધાન મોદી આજે ગુરૂવારે મુખ્યપ્રધાનો સાથે ચર્ચાઓ કરશે. આ દરમિયાન, વડાપ્રધાન મહામારીની વર્તમાન સ્થિતિ તેમજ દેશભરમાં ચાલી રહેલા રસીકરણ અભિયાનની સમીક્ષા કરશે. સૂત્રોના જણાવ્યા અનુસાર, વડાપ્રધાન સાંજે 6.30 વાગ્યે મુખ્યપ્રધાનો સાથે સંવાદ કરશે. આ દરમિયાન, વડાપ્રધાન કોરોનાની વર્તમાન પરિસ્થિતિનો સામનો કરવા માટે મોટો નિર્ણય લઈ શકાય છે.

આ પણ વાંચો:વડાપ્રધાન મોદીએ AIIMSમાં કોરોના રસીનો બીજો ડોઝ લીધો, ટ્વિટ કરી આપી માહિતી

દેશવ્યાપી સંક્રમણની સ્થિતિ

આ પહેલા પણ વડાપ્રધાન મોદીએ 17 માર્ચે મુખ્યપ્રધાનો સાથે વાતચીત કરી હતી. ત્યારે, વડાપ્રધાને કહ્યું હતું કે, જો અહીં આ વધતી જતી મહામારીને રોકવામાં નહી આવે તો દેશવ્યાપી સંક્રમણની સ્થિતિ બની શકે છે.

આરોગ્ય પ્રધાન ડૉ. હર્ષ વર્ધને બેઠક કરી હતી

ઉલ્લેખનીય છે કે, આ અઠવાડિયે કેન્દ્રીય આરોગ્ય પ્રધાન ડૉ. હર્ષ વર્ધને 11 રાજ્યો અને કેન્દ્રશાસિત પ્રદેશોના આરોગ્ય પ્રધાનો સાથે બેઠક કરી અને કોરોના વાઇરસના કેસોમાં થયેલા વધારાની સમીક્ષા કરી હતી. આ રાજ્યોમાં મહારાષ્ટ્ર, છત્તીસગઢ, દિલ્હી, ગુજરાત, હરિયાણા, હિમાચલ પ્રદેશ, ઝારખંડ, કર્ણાટક, મધ્ય પ્રદેશ, પંજાબ અને રાજસ્થાનનો સમાવેશ કરવામાં આવ્યો હતો.

આ પણ વાંચો:ભારતમાં કોરોનાના કેસ 3 લાખને પાર, આગામી સપ્તાહે મુખ્યપ્રધાનો સાથે ચર્ચા કરશે PM મોદી

આ રાજ્યોની કેસોમાં 81.90 ટકા ભાગીદારી

આરોગ્ય મંત્રાલયના જણાવ્યા મુજબ, મહારાષ્ટ્ર, છત્તીસગઢ, કર્ણાટક, ઉત્તરપ્રદેશ, દિલ્હી, તમિળનાડુ, મધ્યપ્રદેશ અને પંજાબમાં કોરોનાના કેસોમાં ઝડપથી વધારો થયો છે. આમ, દેશના 1 દિવસમાં 1 લાખથી વધુ કેસોમાં તેમની ભાગીદારી 81.90 ટકા છે.