નવી દિલ્હી: કેન્દ્રીય પ્રધાન મનસુખ માંડવીયાએ ગુરુવારે કહ્યું કે, વડાપ્રધાન નરેન્દ્ર મોદી 2 માર્ચે બીજી મેરીટાઇમ ઇન્ડિયા સમિટ (MIS2021)નું ઉદ્ઘાટન કરશે. સંમેલનની આ બીજી આવૃત્તિ ઓનલાઇન હશે અને તેમાં 24 દેશો ભાગ લેશે.
લગભગ 20,000 પ્રતિનિધિઓ ભાગ લેશે
જે દેશની સીમા સમુદ્ર સાથે જોડાયેલી છે, તેવા દેશોને ભારતીય દૂતાવાસો દ્વારા સંમેલનમાં ભાગ લેવા આમંત્રણ અપાયું છે. જેમાં ચીનનો સમાવેશ નથી. કેન્દ્રીય પ્રધાન મનસુખ માંડવીયાએ કહ્યું કે, આ કાર્યક્રમમાં લગભગ 20,000 પ્રતિનિધિઓ ભાગ લેશે. MIS 2021 ની બીજી આવૃત્તિમાં 400 થી વધુ પ્રોજેક્ટ્સ પ્રદર્શિત કરવામાં આવશે. આ પરિષદનું આયોજન ઉદ્યાન, શિપિંગ અને જળમાર્ગ મંત્રાલય દ્વારા ઉદ્યોગ ભાગીદારો FICCI અને EY સાથે જ જ્ઞાન ભાગીદારો તરીકે કરવામાં આવ્યું છે.
MIS જ્ઞાન, વિનિમય અને તકોની દ્રષ્ટિએ આંતરરાષ્ટ્રીય સહયોગ માટે એક મહત્વપૂર્ણ મંચ બનશે
માંડવીયાએ કહ્યું કે MIS જ્ઞાન, વિનિમય અને તકોની દ્રષ્ટિએ આંતરરાષ્ટ્રીય સહયોગ માટે એક મહત્વપૂર્ણ મંચ બનશે. આ પ્રસંગે, તેમણે MIS 2021 માટે એક પુસ્તિકા બહાર પાડ્યું. www.maritimeindiasummit.in વેબસાઇટ શરૂ કરી હતી. કોવિડ -19 રોગચાળાને કારણે ઉદ્ભવેલી પરિસ્થિતિને ધ્યાનમાં રાખીને આ પરિષદ ઓનલાઇન રહેશે.
