વડાપ્રધાન મોદીએ બેઠકમાં રસીકરણ અને કોરોના પર ચર્ચા કરી

વડાપ્રધાન નરેન્દ્ર મોદીએ આજે શનિવારે ​​દેશમાં કોરોના મહામારીનેે લગતી પરિસ્થિતિ અને રસીકરણને લઈને ઉચ્ચ સ્તરીય બેઠક યોજી હતી.

• વડાપ્રધાન કોરોના સંક્રમણના કેસો પ્રત્યે ગંભીર
• કેન્દ્ર દ્વારા આ સંકટને પહોંચી વળવા રણનીતિ તૈયાર કરવામાં આવી
• ભારતીય તબીબી સંશોધન પરિષદના વૈજ્ઞાનિકો પણ બેઠકમાં હાજર રહ્યા

નવી દિલ્હી :વડાપ્રધાન નરેન્દ્ર મોદી દેશમાં વધી રહેલા કોરોના સંક્રમણના કેસો પ્રત્યે ગંભીર છે. કેન્દ્ર દ્વારા આ સંકટને પહોંચી વળવા તમામ સંભવિત પગલા લેવા રણનીતિ તૈયાર કરવામાં આવી રહી છે.

વડાપ્રધાને રસીકરણની નવીનતમ સ્થિતિને લઈને બેઠક યોજી
આ દરમિયાન વડાપ્રધાન મોદીએ દેશમાં કોરોના અને કોરોનાના રસીકરણની નવીનતમ સ્થિતિને લઈને બેઠક યોજી હતી. આ બેઠકમાં ગૃહપ્રધાન અમિત શાહ ઉપરાંત આરોગ્ય પ્રધાન ડૉ.હર્ષ વર્ધન પણ હાજર હતા. આ સિવાય વડાપ્રધાન કાર્યાલય, આરોગ્ય મંત્રાલય અને ભારતીય તબીબી સંશોધન પરિષદના વૈજ્ઞાનિકો પણ બેઠકમાં હાજર રહ્યા હતા.