સરદાર પટેલની આજે પુણ્યતિથિ, વડાપ્રધાન સહિત અનેક નેતાઓએ કર્યા વંદન

ભારતના લોખંડી પુરૂષ સરદાર વલ્લભભાઈ પટેલની આજે પુણ્યતિથિ છે. વડાપ્રધાન નરેન્દ્ર મોદીએ દેશના સૌથી પહેલા ગૃહપ્રધાન સરદારક વલ્લભભાઈ પટેલને તેમની પુણ્યતિથિ પર શત શત નમન કર્યા છે. તેમણે ટ્વિટ કરી જણાવ્યું કે સરદાર ચિંધ્યા માર્ગે દેશની એકતા, અખંડતા અને સંપ્રભુતાની રક્ષા કરવા માટે પ્રેરિત રહેશે.

• લોખંડી પુરૂષ સરદાર પટેલની આજે પુણ્યતિથિ
• વડાપ્રધાન સહિત અનેક નેતાઓએ કર્યા વંદન
• સરદાર પટેલ ભારતના પહેલા ગૃહપ્રધાન હતાં

નવી દિલ્હીઃ ભારતના લોખંડી પુરૂષ સરદાર વલ્લભભાઈ પટેલની આજે પુણ્યતિથિ છે. વડાપ્રધાન નરેન્દ્ર મોદીએ દેશના સૌથી પહેલા ગૃહપ્રધાન સરદારક વલ્લભભાઈ પટેલને તેમની પુણ્યતિથિ પર શત શત નમન કર્યા છે. તેમણે ટ્વિટ કરી જણાવ્યું કે સરદાર ચિંધ્યા માર્ગે દેશની એકતા, અખંડતા અને સંપ્રભુતાની રક્ષા કરવા માટે પ્રેરિત રહેશે.

વડાપ્રધાન નરેન્દ્ર મોદીએ કર્યા યાદ

વડાપ્રધાન નરેન્દ્ર મોદીએ ટ્વિટ કરી કહ્યું કે, 'સશક્ત, સુદ્રઢ અને સમૃદ્ધ ભારતનો પાયો નાખનાર લોખંડી પુરૂષ સરદાર વલ્લભ ભાઈ પટેલને તેમની પુણ્યતિથિ પર શત શત નમન. તેમણે દેખાડેલા માર્ગ આપણને દેશની એકતા, અંખડતા અને સંપ્રભુતાની રક્ષા કરવા માટે હંમેશા પ્રેરિત કરશે.'

સરદાર પટેલનો જન્મ 31 ઓક્ટોબર, 1875માં નડિયાદમાં થયો હતો. સરદાર પટેલ ભારતના પહેલા ગૃહપ્રધાન હતા અને સ્વતંત્રતા મળ્યા બાદ દેશની 560 રજવાડાઓનું એકીકરણ કરી અખંડ ભારતના નિર્માણનો શ્રેય તેમની રાજનીતિ અને કુટનીતિક ક્ષમતાને ફાળે જાય છે.

કેન્દ્રિય પ્રધાન પ્રકાશ જાવડેકરે કહ્યું કે ભારતને એકતાના સુત્રમાં પરોવનાર લોખંડી પુરૂષ સરદાર વલ્લભભાઈ પટેલને તેમની પુણ્યતિથિ પર કોટિ કોટિ વંદન.

લોકસભા અધ્યક્ષ ઓમ બિરલાએ પણ ટ્વિટ કરી સરદાર પટેલને વંદન કર્યા છે. તેમણે ટ્વિટ કરી કહ્યું કે આઝદી પછી રજવાડાઓમાં વહેંચાયેલા ભારતને એક કરવું એક પડકાર હતો, જે કામ તેમણે સિદ્ધ કરી બતાવ્યું.

ગૃહપ્રધાન અમિત શાહે પણ સરદાર પટેલને તેમની પુણ્યતિથિના દિવસે યાદ કરી શત શત નમન કર્યા છે.