- વડાપ્રધાન નરેન્દ્ર મોદી જમ્મુ-કાશ્મીરના નેતાઓ સાથે યોજી શકે છે બેઠક
- 24 જૂને તમામ રાજકીય પક્ષો સાથે બેઠકની અધ્યક્ષતા કરે તેવી સંભાવના
- જમ્મુ-કાશ્મીરના વિશેષ દરજ્જાને રદ કરવાની ઘોષણા બાદ પહેલી કવાયત
નવી દિલ્હી:કેન્દ્ર શાસિત પ્રદેશ જમ્મુ-કાશ્મીરમાં વિધાનસભાની ચૂંટણીઓ યોજવા સહિતની રાજકીય પ્રક્રિયાઓને મજબૂત બનાવવાની કેન્દ્રની પહેલના ભાગ રૂપે વડાપ્રધાન નરેન્દ્ર મોદી 24મી જૂને તમામ રાજકીય પક્ષો સાથે બેઠકની અધ્યક્ષતા કરી શકે છે. આ માહિતી અધિકારીઓએ આપી હતી.
જમ્મુ-કાશ્મીરના વિશેષ દરજ્જાને રદ કરવાની ઘોષણા બાદ પહેલી કવાયત
આ બેઠક કેન્દ્ર સરકાર દ્વારા ઓગસ્ટ 2019 માં જમ્મુ-કાશ્મીરના વિશેષ દરજ્જાને રદ કરવાની અને બે કેન્દ્રશાસિત પ્રદેશોમાં વિભાજનની ઘોષણા કરી ત્યારબાદ આ પ્રકારની પહેલી કવાયત હશે. આ બેઠકમાં કેન્દ્રીય ગૃહ પ્રધાન અમિત શાહ અને અન્ય કેન્દ્રીય નેતાઓ ભાગ લે તેવી સંભાવના છે.
અધિકારીઓએ કહ્યું કે, કેન્દ્રીય નેતૃત્વ દ્વારા નેશનલ કોન્ફરન્સના વડા ફારૂક અબ્દુલ્લા, પીડીપી પ્રમુખ મહેબૂબા મુફ્તી, જમ્મુ-કાશ્મીર અપની પાર્ટી (જેકેએપી) અલ્તાફ બુખારી અને પીપલ્સ કોન્ફરન્સના વડા સજ્જાદ લોનને ચર્ચા માટે આમંત્રણ આપવાની પ્રક્રિયા શરૂ કરી છે.
24 જૂને મીટિંગ માટે મહેબૂબાને કેન્દ્રનો આવ્યો હતો ફોન
મહેબૂબાએ શુક્રવારે રાત્રે પીટીઆઈને જણાવ્યું હતું કે, 24 જૂને મીટિંગ માટે તેમને કેન્દ્રનો ફોન આવ્યો હતો. તેણે કહ્યું, મેં હજી સુધી નિર્ણય લીધો નથી. હું મારા પક્ષના સભ્યો સાથે ચર્ચા કર્યા પછી અંતિમ નિર્ણય લઈશ. અબ્દુલ્લા અને મહેબૂબા બંને જમ્મુ-કાશ્મીરના પૂર્વ રાજ્યના મુખ્ય પ્રધાન તરીકે રહી ચૂક્યા છે.
નવી દિલ્હી તરફથી કોઈ સંદેશ નહિ
કેન્દ્ર સાથે વાતચીતની સંભાવના વિશે પૂછવામાં આવતા માકપા નેતા અને પીપલ્સ અલાયન્સ ફોર ગુપ્કર ઘોષણા (પીએજીડી) ના પ્રવક્તા એમ વાય તરિગામીએ કહ્યું કે, નવી દિલ્હી તરફથી કોઈ સંદેશ આવ્યો નથી, પરંતુ જો તેમ થાય તો તેનું સ્વાગત કરવામાં આવશે.
તારિગામીએ કહ્યું કે, અમે કેન્દ્ર સાથે અર્થપૂર્ણ જોડાણ માટે અમારા દરવાજા ક્યારેય બંધ કર્યા નથી. તેમ છતાં હું કોઈપણ વાટાઘાટથી વાકેફ નથી, જો તે થાય તો તે પણ આવકાર્ય છે.
પીએજીડી જમ્મુ-કાશ્મીરના કેટલાક પક્ષોનું ગઠબંધન
પીએજીડી જમ્મુ-કાશ્મીરના કેટલાક પક્ષોનું ગઠબંધન છે, જેમાં નેશનલ કોન્ફરન્સ અને પીડીપીનો સમાવેશ થાય છે, જે કેન્દ્રના ઓગસ્ટ 2019 ના નિર્ણયો પછી રચાયો હતો.
આ પણ વાંચોઃકશ્મીરમાં ફરવા માટે સૌથી વધુ ગુજરાતીઓ આવે છે: જમ્મુ-કાશ્મીર પિલગ્રિમ્સ એન્ડ લેજર ટૂર ઓપરેટર્સ ફોરમ
જમ્મુ-કાશ્મીરમાં લોકતંત્ર અને રાજ્યનો દરજ્જો પુનર્સ્થાપિત કરવા માટે સંવાદ એકમાત્ર ઉપાય
જેકેએપીના અધ્યક્ષ બુખારીએ કહ્યું હતું કે, જો ક્યારેક વાતચીત થાય છે તો હું તેનું સ્વાગત કરું છું. આ માર્ચ 2020માં આપણી સ્થિતિની પુષ્ટિ કરે છે જ્યારે અમે સ્પષ્ટ કર્યું કે, જમ્મુ-કાશ્મીરમાં લોકતંત્ર અને રાજ્યનો દરજ્જો પુનર્સ્થાપિત કરવા માટે સંવાદ એકમાત્ર ઉપાય છે. તેમણે કહ્યું, ‘देर आये दुरुस्त आये’ , કેમ કે આપણી બધી સમસ્યાઓનું સમાધાન નવી દિલ્હી પાસે છે અને બીજે ક્યાંય નથી.
કેન્દ્ર સરકાર મહિનાના અંત પહેલા જમ્મુ-કાશ્મીરના પક્ષો સાથે કરે તેવી સંભાવના
ભાજપ અને કોંગ્રેસના જમ્મુ-કાશ્મીર એકમો પણ આ ચર્ચાઓનો ભાગ બને તેવી સંભાવના છે, જે કેન્દ્રશાસિત ક્ષેત્રમાં સામાન્ય રાજકીય પ્રક્રિયાઓને મજબૂત બનાવવાના પ્રયત્નોના ભાગ રૂપે જોવામાં આવે છે. કેન્દ્ર સરકાર આ મહિનાના અંત પહેલા જમ્મુ-કાશ્મીરના તમામ પ્રાદેશિક પક્ષો સાથે વાતચીત કરે તેવી સંભાવના છે.
અધિકારીઓએ જણાવ્યું હતું કે, જસ્ટિસ (સેવાનિવૃત્ત) આર દેસાઇની અધ્યક્ષતાવાળી સીમાંકન પંચ, જે સંસદમાં જમ્મુ-કાશ્મીર પુનર્રચના બિલ પસાર થયા પછી તરત જ બનાવવામાં આવ્યું હતું, તે ઝડપથી કામ કરશે અને તેનો અહેવાલ રજૂ કરે તેવી સંભાવના છે. આ કમિશનની રચના ફેબ્રુઆરી 2020 માં કરવામાં આવી હતી અને આ વર્ષે માર્ચમાં એક વર્ષનો વધારો આપવામાં આવ્યો છે.
જમ્મુ-કાશ્મીરનો વિશેષ દરજ્જો રદ કરવા બુખારી સિવાય અન્ય નેતાઓની કરી હતી અટકાયત
બુખારીને બાદ કરતાં અન્ય નેતાઓ જમ્મુ-કાશ્મીરનો વિશેષ દરજ્જો રદ કરવા અને તત્કાલીન રાજ્યને બે કેન્દ્રશાસિત પ્રદેશો - જમ્મુ-કાશ્મીર અને લદ્દાખમાં વિભાજિત કરવાના કેન્દ્રના ઓગસ્ટ 2019ના નિર્ણય બાદ અટકાયત કરવામાં આવી છે.
આ પણ વાંચોઃજ્યાં સુધી કલમ 370 પુન: સ્થાપિત નહીં થાય ત્યાં સુધી ચૂંટણી નહીં લડું: ઉમર અબ્દુલ્લા
ગયા વર્ષે જિલ્લા વિકાસ પરિષદની ચૂંટણીમાં પીએજીડીએ ભાજપ અને તેના સાથી પક્ષોની આગળ 280 બેઠકોમાંથી 110 બેઠકો જીતી હતી. નેશનલ કોન્ફરન્સ ગઠબંધનની 67 બેઠકોથી મજબૂત થઈ હતી. ભાજપ 75 બેઠકો સાથે એકમાત્ર સૌથી મોટી પાર્ટી હતી.
