નવી દિલ્હી: વડાપ્રધાન નરેન્દ્ર મોદીએ મંગળવારે લાલ કિલ્લાની પ્રાચી પરથી દેશવાસીઓને સંબોધિત કર્યા હતા. તેમણે કહ્યું કે, તેમના નેતૃત્વમાં કેન્દ્ર સરકારે મોંઘવારીને અંકુશમાં લેવા માટે શ્રેષ્ઠ પ્રયાસો કર્યા અને પ્રજાને આ બોજ ઓછો થાય તેવા પ્રયાસો આગામી દિવસોમાં પણ ચાલુ રહેશે.
સમગ્ર વિશ્વ મોંઘવારીનાં સંકટનો સામનો કરી રહ્યું છેઃ દેશના 77માં સ્વતંત્રતા દિવસના અવસરે રાષ્ટ્રને સંબોધિત કરતા વડાપ્રધાન મોદીએ કહ્યું કે, આજે સમગ્ર વિશ્વ મોંઘવારીનાં સંકટનો સામનો કરી રહ્યું છે અને મોંઘવારીએ સમગ્ર વિશ્વની અર્થવ્યવસ્થાને જકડી લીધી છે. તેણે કહ્યું, 'અમે પણ દુનિયામાંથી જે સામાનની જરૂર છે તે લાવીએ છીએ. અમે માલની આયાત કરીએ છીએ, તેમજ આયાત ફુગાવો. મોંઘવારીએ સમગ્ર વિશ્વને ઝપટમાં લીધું છે.
પીએમ મોદીએ કહ્યું- 'ભારતે મોંઘવારી પર કાબૂ મેળવવા માટે તમામ પ્રયાસો કર્યા છે. અગાઉના સમયગાળાની સરખામણીએ અમને થોડી સફળતા પણ મળી છે. પણ આટલાથી સંતુષ્ટ નથી…. આપણી વસ્તુઓ દુનિયા કરતા સારી છે, આપણે ફક્ત આ વિચારીને જીવી શકતા નથી. મારા દેશવાસીઓ પર મોંઘવારીનો બોજ ઓછો કરવા મારે આ દિશામાં વધુ પગલાં ભરવા પડશે. અમે તે પગલાં લેતા રહીશું, મારા પ્રયત્નો ચાલુ રહેશે.
વિશ્વકર્મા યોજનાની જાહેરાત : પ્રધાનમંત્રી નરેન્દ્ર મોદીએ 13,000-15,000 કરોડના પ્રારંભિક ખર્ચ સાથે આવતા મહિને વિશ્વકર્મા યોજના શરૂ કરવાની જાહેરાત કરી હતી. આ યોજના પરંપરાગત કૌશલ્યો પર આધારિત એવા લોકો માટે છે જેઓ વાળંદ, સુથાર, ધોબી, લુહાર, સુવર્ણકાર, ચણતર વગેરે તરીકે કામ કરે છે. પ્રતિષ્ઠિત લાલ કિલ્લાની પ્રાચી પરથી રાષ્ટ્રને સંબોધતા વડાપ્રધાને કહ્યું કે સરકાર પરંપરાગત કૌશલ્ય ધરાવતા લોકો માટે આવતા મહિને 13,000 થી 15,000 કરોડ રૂપિયાની ફાળવણી સાથે 'વિશ્વકર્મા યોજના' શરૂ કરશે. વિશ્વકર્મા યોજનાની જાહેરાત બજેટ 2023માં કરવામાં આવી હતી.
આ પણ વાંચોઃ
- Independence Day 2023: 2047માં જ્યારે તિરંગો ફરકશે ત્યારે તે વિકસિત ભારતનો હશે - PM મોદી
- Independence Day 2023: PM મોદીએ દેશવાસીઓને ત્રણ ગેરંટી આપી, વિશ્વકર્મા યોજનાની કરી જાહેરાત
