મુંબઈ (મહારાષ્ટ્ર): રાજ્યમાં કોરોના કહેરને કારણે આંશિક લોકડાઉનનો માહોલ જોવા મળી રહ્યો છે. ત્યારે, મુંબઇમાં રાજ્યમાં આજે કોરોનાના 16 હજારથી વધુ નવા કેસ નોંધાયા છે. આ મામલે, સેન્ટ્રલ રેલવેએ પણ ભાર મૂક્યો છે.
આ પણ વાંચો:મહારાષ્ટ્રમાં કોરોનાના કેસ વધતા ગુજરાત-મહારાષ્ટ્ર બોર્ડર પર સઘન ચેકીંગ
ટિકિટમાં 5 ગણો ભાવ વધારો
સેન્ટ્રલ રેલવેએ મુંબઈના 7 મોટા રેલવે સ્ટેશનો પર પ્લેટફોર્મ ટિકિટની કિંમતમાં વધારો કર્યો છે. અગાઉ ટિકિટની કિંમત 10 રૂપિયા હતી. પરંતુ, ટિકિટના ભાવમાં 5 ગણો વધારો થતા 50 રૂપિયા થઈ ગઈ છે. આવુ કરવા પાછળના કારણને લઈને સેન્ટ્રલ રેલવેએ જણાવ્યું હતું કે, આ નિર્ણય કોરોનાને ડામવા માટે લેવામાં આવ્યો છે. વધુમાં, દલીલ કરી હતી કે જ્યારે પ્લેટફોર્મની ટિકિટ મોંઘી થશે, ત્યારે લોકોની પ્લેટફોર્મ પર બિનજરૂરી ભીડ થશે નહીં.
આ પણ વાંચો:CM ઉદ્ધવ ઠાકરેનું લોકડાઉનને લઈ નિવેદન કહ્યું, માસ્ક નહીં પહેરો તો ફરીથી લોકડાઉન લગાવાશે
ભાવમાં વધારાથી પ્રવાસીમાં નારાજગી
હાલમાં, આ નિર્ણય 15 જૂન સુધી અમલમાં રહેશે. મધ્ય રેલવેના મુખ્ય જનસંપર્ક અધિકારીએ આ માહિતી આપી. સાથે જ પ્લેટફોર્મ ટિકિટોના ભાવમાં વધારાને કારણે પ્રવાસીમાં ભારે નારાજગી જોવા મળી રહી છે.