Petrol Diesel Price : છેલ્લા પાંચ દિવસમાં આજે ચોથી વખત પેટ્રોલ ડીઝલના ભાવમાં વધારો

છેલ્લા 5 દિવસમાં દેશમાં 4થી વખત પેટ્રોલ અને ડીઝલના (Petrol Diesel Price) ભાવમાં વધારો કરવામાં આવ્યો છે. દિલ્હીમાં આજે પેટ્રોલ અને ડીઝલના ભાવ અનુક્રમે રૂપિયા 98.61 પ્રતિ લિટર અને રૂપિયા 89.87 પ્રતિ લિટર (80 પૈસાનો વધારો) વધ્યા છે.

નવી દિલ્હીઃશનિવારે પેટ્રોલ અને ડીઝલના (Petrol Diesel Price) ભાવમાં પ્રતિ લીટર 80 પૈસાનો વધારો કરવામાં આવ્યો હતો. ઓઈલ કંપનીઓ કાચા માલના ભાવ વધારાનો બોજ ગ્રાહકો પર નાખી રહી છે, જેના કારણે છેલ્લા પાંચ દિવસમાં ચોથી વખત ભાવ વધારો કરવામાં આવ્યો છે. સાર્વજનિક ક્ષેત્રની પેટ્રોલિયમ માર્કેટિંગ કંપનીઓ દ્વારા જારી કરાયેલા પ્રાઇસ નોટિફિકેશન મુજબ રાષ્ટ્રીય રાજધાની દિલ્હીમાં પેટ્રોલની કિંમત હવે 97.81 રૂપિયા પ્રતિ લિટરથી વધીને 98.61 રૂપિયા પ્રતિ લિટર અને ડીઝલની કિંમત 89.07 રૂપિયા પ્રતિ લિટરથી વધીને 89.87 રૂપિયા પ્રતિ લિટર થઈ ગઈ છે.

પેટ્રોલ અને ડીઝલના ભાવમાં વધારો : સાડા ​​ચાર મહિના સુધી સ્થિર રહ્યા બાદ 22 માર્ચે પેટ્રોલ અને ડીઝલના (Petrol Diesel Price) ભાવમાં 80 પૈસાનો વધારો કરવામાં આવ્યો હતો. ત્યારથી તેમની કિંમતોમાં ત્રણ વખત પ્રતિ લિટર 80-80 પૈસાનો વધારો કરવામાં આવ્યો છે. આ કુલ ચાર વખત પેટ્રોલ અને ડીઝલના ભાવમાં પ્રતિ લિટર કુલ 3.20નો વધારો કરવામાં આવ્યો છે. ઉત્તર પ્રદેશ અને પંજાબ સહિત પાંચ રાજ્યોમાં વિધાનસભાની ચૂંટણીની પ્રક્રિયા શરૂ થઈ તે પહેલાં 4 નવેમ્બર, 2021થી પેટ્રોલિયમ ઉત્પાદનોની કિંમતો સ્થિર રહી હતી. જો કે આ સમયગાળા દરમિયાન ક્રૂડ ઓઈલની કિંમત વધીને 30 ડોલર પ્રતિ બેરલ થઈ ગઈ હતી.

આ પણ વાંચો:Petrol Diesel Prices up : સતત બીજા દિવસે પેટ્રોલ ડીઝલના ભાવ વધ્યા

પેટ્રોલિયમ માર્કેટિંગ કંપનીઓ નુકસાનની ભરપાઈ કરી રહી છે :10 માર્ચે વિધાનસભા ચૂંટણીના પરિણામોની જાહેરાત સાથે જ પેટ્રોલ અને ડીઝલના (Petrol Diesel Price) ભાવમાં વધારો થવાની સંભાવના હતી, પરંતુ પેટ્રોલિયમ કંપનીઓએ હજુ થોડા દિવસો રાહ જોઈ હતી. એવું કહેવામાં આવી રહ્યું છે કે, હવે પેટ્રોલિયમ માર્કેટિંગ કંપનીઓ તેમના નુકસાનની ભરપાઈ કરી રહી છે. ભારત તેની તેલની જરૂરિયાતને પહોંચી વળવા માટે આયાત પર 85 ટકા નિર્ભર છે.

ગડકરી પેટ્રોલ ડીઝલના ભાવ વધારાને યોગ્ય ઠેરવ્યો :કેન્દ્રીય પ્રધાન નીતિન ગડકરીએ શુક્રવારે એક કાર્યક્રમમાં પેટ્રોલ અને ડીઝલના દરોમાં સતત વધારાને યોગ્ય ઠેરવ્યું છે. તેમણે છેલ્લા ચાર દિવસમાં ત્રણ વખત ઈંધણના ભાવ વધારાને યોગ્ય ઠેરવતા કહ્યું હતું કે, રશિયા અને યુક્રેન વચ્ચે ચાલી રહેલા યુદ્ધને કારણે આંતરરાષ્ટ્રીય બજારમાં તેલના ભાવમાં વધારો થયો છે અને સ્થિતિ ભારત સરકારના નિયંત્રણની બહાર છે.

2004થી ભારતને આત્મનિર્ભર બનાવવા પર ભાર આપી રહ્યા છે : પેટ્રોલ અને ડીઝલના વધતા ભાવ વિશે પૂછવામાં આવ્યું ત્યારે તેમણે કહ્યું કે, “ભારતમાં 80 ટકા તેલની આયાત કરવામાં આવે છે. રુસો-યુક્રેન યુદ્ધ વચ્ચે આંતરરાષ્ટ્રીય બજારમાં તેલના ભાવ વધી ગયા છે અને અમે તેના વિશે કંઈ કરી શકીએ તેમ નથી. પ્રધાને કહ્યું કે, અમે 2004થી ભારતને આત્મનિર્ભર બનાવવા પર ભાર આપી રહ્યા છીએ, 'જેનાથી આપણે સ્વદેશી ઉર્જા ઉત્પાદન ક્ષમતાઓ વિકસાવવાની જરૂરિયાત પર ભાર મૂકતા આપણું પોતાનું બળતણ બનાવવાની જરૂર છે.'

પેટ્રોલ અને ડીઝલના ભાવમાં ત્રીજી વખત વધારો : શુક્રવારે પેટ્રોલ અને ડીઝલના ભાવમાં છેલ્લા ચાર દિવસમાં ત્રીજી વખત વધારો કરવામાં આવ્યો હતો. દેશના વિવિધ ભાગોમાં આ વધારો 80 પૈસાથી 85 પૈસા કરવામાં આવ્યો છે. દિલ્હીમાં પેટ્રોલ અને ડીઝલની કિંમત અનુક્રમે 97.81 રૂપિયા પ્રતિ લીટર અને 89.07 રૂપિયા પ્રતિ લીટર થઈ ગઈ છે (80 પૈસાનો વધારો). તે જ સમયે, મુંબઈમાં પેટ્રોલની કિંમત 112.51 રૂપિયા અને ડીઝલની કિંમત 96.70 રૂપિયા પ્રતિ લીટર થઈ ગઈ છે. અહીં પેટ્રોલ અને ડીઝલના ભાવમાં અનુક્રમે 84 પૈસા અને 85 પૈસાનો વધારો થયો છે.

ચેન્નાઈમાં પેટ્રોલનો ભાવ વધીને રૂપિયા 103.67 :ચેન્નાઈમાં પેટ્રોલનો ભાવ વધીને રૂપિયા 103.67 અને ડીઝલનો ભાવ રૂપિયા 93.71 (76 પૈસાનો વધારો) થયો છે. કોલકાતામાં, પેટ્રોલની કિંમત 106.34 રૂપિયા (84 પૈસાનો વધારો) અને ડીઝલની કિંમત 91.42 રૂપિયા પ્રતિ લિટર (80 પૈસાનો વધારો) પર પહોંચી ગઈ છે.

તેલની કિંમતો ફરીથી વધી : 23 માર્ચ 2022ના રોજ દેશમાં પેટ્રોલ અને ડીઝલના ભાવમાં વધારો કરવામાં આવ્યો હતો. લગભગ 4 મહિના સુધી સ્થિર રહ્યા પછી, 22 માર્ચ 2022 થી તેલની કિંમતો ફરીથી વધવા લાગી છે. સરકારી ઓઈલ કંપનીઓએ ફરી એકવાર પેટ્રોલ અને ડીઝલના ભાવમાં પ્રતિ લીટર 80 પૈસાનો વધારો કર્યો છે. દિલ્હીમાં પેટ્રોલની કિંમત 97.01 રૂપિયા પ્રતિ લિટર અને ડીઝલની કિંમત 88.27 રૂપિયા પ્રતિ લિટર થઈ ગઈ છે.

રાજ્ય સરકારોએ સ્થાનિક વેચાણ વેરો ઘટાડ્યો : 22 માર્ચે પેટ્રોલ અને ડીઝલના ભાવમાં પ્રતિ લિટર 80 પૈસાનો વધારો કરવામાં આવ્યો હતો. ભાવ વધારા બાદ દિલ્હીમાં પેટ્રોલની કિંમત હવે 95.41 રૂપિયા પ્રતિ લીટરથી 96.21 રૂપિયા થઈ જશે, જ્યારે ડીઝલની કિંમત 86.67 રૂપિયા પ્રતિ લીટરથી વધીને 87.47 રૂપિયા થઈ ગઈ છે. જૂન 2017 થી, છેલ્લા 15 દિવસના આંતરરાષ્ટ્રીય દર મુજબ પેટ્રોલ અને ડીઝલની કિંમતો દરરોજ ગોઠવવામાં આવી રહી છે. વડાપ્રધાન નરેન્દ્ર મોદીની આગેવાની હેઠળની સરકારે પેટ્રોલ પર પ્રતિ લિટર 5 રૂપિયા અને ડીઝલ પર પ્રતિ લિટર 10 રૂપિયાની એક્સાઇઝ ડ્યુટી ઘટાડ્યા પછી, 4 નવેમ્બર 2021 થી ઇંધણના દરમાં વધારો થયો નથી. આ પછી મોટાભાગની રાજ્ય સરકારોએ સ્થાનિક વેચાણ વેરો અથવા વેટ પણ ઘટાડ્યો છે.

આ પણ વાંચો:Petrol Diesel Price: પેટ્રોલ અને ડીઝલના કિંમતોમાં વધારો, જાણો કેટલો થયો ભાવ

તેલના ભાવમાં ફરી વધારો કરી શકે છે :યુક્રેન પર રશિયાના હુમલા બાદ આંતરરાષ્ટ્રીય સ્તરે તેલની કિંમતો વધી રહી છે. જોકે પશ્ચિમી દેશોએ અત્યાર સુધી ઉર્જા વેપારને પ્રતિબંધોથી દૂર રાખ્યો છે, પરંતુ રશિયન તેલ અને ઉત્પાદનો પર સંપૂર્ણ પ્રતિબંધની આશંકા આંતરરાષ્ટ્રીય તેલના ભાવમાં ફરી વધારો કરી શકે છે. ઈંધણના ભાવમાં વધારા બાદ તરત જ વિપક્ષોએ સરકાર પર પ્રહારો કર્યા હતા. કોંગ્રેસ, તૃણમૂલ કોંગ્રેસ અને ડાબેરી પક્ષોના હોબાળાને કારણે રાજ્યસભાની કાર્યવાહી સ્થગિત કરવી પડી હતી.