પેટ્રોલ અને ડીઝલના ભાવમાં અધધ.. વધારો, જાણો તમારા શહેરમાં શું છે રેટ

દેશમાં આજે ગુરૂવારે પેટ્રોલ અને ડીઝલના ભાવ (petrol diesel price)માં 35-35 પૈસા પ્રતિ લીટરનો વધારો (Petrol Diesel Price Hike ) કરવામાં આવ્યો છે. પેટ્રોલિયમ પેદાશોની કિંમતોમાં વધારાને કારણે લોકો ખૂબ પરેશાન છે.

• બે દિવસ બાદ ફરી આજે પેટ્રોલ અને ડીઝલના ભાવમાં વધારો
• પેટ્રોલ અને ડીઝલના ભાવમાં 35-35 પૈસાનો વધારો
• મુંબઈમાં પેટ્રોલની કિંમત 110.75 રૂપિયા પ્રતિ લીટર થઈ

નવી દિલ્હી : દેશમાં પેટ્રોલ અને ડીઝલના ભાવ(petrol diesel price) દિવસેને દિવસે સતત વધી રહ્યા છે, ત્યારે બે દિવસ બાદ ગુરુવારે પેટ્રોલ અને ડીઝલના ભાવમાં ફરી વધારો (Petrol Diesel Price Hike ) નોંધાયો છે. અગાઉ મંગળવાર અને બુધવારે પેટ્રોલિયમ ઘટકોના ભાવ સ્થિર હતા.

દેશમાં સૌથી વધુ ભાવ મુંબઈમાં

મળતી માહિતી મુજબ પેટ્રોલ અને ડીઝલના ભાવમાં 35-35 પૈસાનો વધારો કરવામાં આવ્યો છે. ગુરુવારે દેશની રાજધાનીમાં પેટ્રોલની કિંમત 104.79 રૂપિયા પ્રતિ લીટર અને ડીઝલની કિંમત 93.54 રૂપિયા પ્રતિ લીટર થઈ છે. તે દરમિયાન, મુંબઈમાં પેટ્રોલની કિંમત 110.75 રૂપિયા પ્રતિ લીટર અને ડીઝલની કિંમત 101.40 રૂપિયા પ્રતિ લિટર છે.

પેટ્રોલના ભાવની પાછળ ડિઝલ પણ

કોલકાતામાં પેટ્રોલનો દર 105.43 રૂપિયા પ્રતિ લીટર છે, જ્યારે ડીઝલ 96.63 રૂપિયા પ્રતિ લીટર વેચાય છે. ચેન્નઈમાં પેટ્રોલ 102.10 રૂપિયા પ્રતિ લીટરના ભાવે વેચવામાં આવી રહ્યું છે, જ્યારે ડીઝલ અહીં 97.93 રૂપિયા પ્રતિ લીટરના દરે ઉપલબ્ધ છે. ચંદીગઢમાં પેટ્રોલ 100.86 રૂપિયા પ્રતિ લીટર મળી રહ્યું છે, જ્યારે ડીઝલની કિંમત 93.34 રૂપિયા પ્રતિ લીટર પર વેચાઈ રહી છે.

આ રાજ્યોમાં પેટ્રોલ 100 રૂપિયાથી વધુ

ભારતની ઔદ્યોગિક રાજધાની મુંબઈ એ શહેર છે જ્યાં પેટ્રોલની કિંમત સૌથી વધુ 107 રૂપિયા પ્રતિ લિટર છે. આ સિવાય, આવા ઘણા રાજ્યો છે જ્યાં પેટ્રોલની કિંમત સદીનો આંકડો પાર કરી ગઈ છે. આ રાજ્યોમાં બિહાર, મધ્યપ્રદેશ, રાજસ્થાન, મહારાષ્ટ્ર, આંધ્રપ્રદેશ, તેલંગાણા, કર્ણાટક, ઓડિશા, જમ્મુ -કાશ્મીર અને લદ્દાખનો સમાવેશ થાય છે. આ તમામ રાજ્યોમાં તેની કિંમત 100થી આગળ વધી ગઈ છે.

પેટ્રોલ અને ડીઝલની કિંમત આ રીતે જાણો

હવે તમે ઘરે બેઠા પેટ્રોલ અને ડીઝલની કિંમત જાણી શકો છો. આ માટે, તમારે ઇન્ડિયન ઓઇલની વેબસાઇટ પર જવું પડશે, તે બાદ તમારે RSP અને તમારો શહેર કોડ લખીને 9224992249 નંબર પર મોકલવો પડશે. દરેક શહેરનો કોડ અલગ છે, જે તમને IOCL ની વેબસાઇટ પર મળશે.

આ પણ વાંચો: