Pegasus Case : સ્વતંત્ર તપાસની માંગ કરતી અરજીઓ પર આજે SCની સુનાવણી

સુપ્રીમ કોર્ટ આજે પેગાસસ જાસૂસી કેસની સ્વતંત્ર તપાસની માંગ કરતા નવ અલગ અરજીઓ પર સુનાવણી કરશે. તેમાં એડિટર્સ ગિલ્ડ ઓફ ઇન્ડિયા અને વરિષ્ઠ પત્રકારો એન. રામ અને પ્રાંજય ગુહા ઠકુરતાની અરજીઓનો પણ સમાવેશ થાય છે.

• રાજકારણીઓ અને પત્રકારોની કથિત જાસૂસીના અહેવાલો સંબંધિત અરજીઓ પર સુનવણી
• માહિતી અને ખુલાસાઓ માંગીને રાજ્યની સફળતા અને નિષ્ફળતાનું સતત વિશ્લેષણ કર્યું
• સર્વોચ્ચ અદાલત કેન્દ્ર સરકારને તપાસ સંબંધિત તમામ સામગ્રી જાહેર કરવાનો નિર્દેશ આપ્યો

નવી દિલ્હી : સુપ્રીમ કોર્ટની વેબસાઈટ પર અપલોડ કરેલી યાદી અનુસાર, ચીફ જસ્ટિસ્ટ એન.વી. રમના અને જસ્ટિસ સૂર્યકાંતની ખંડપીઠ ઈઝરાયેલી ફર્મ NSOના સ્પાયવેયર પેગાસસની મદદથી સરકારી એજન્સીઓ દ્વારા જાણીતા લોકો, રાજકારણીઓ અને પત્રકારોની કથિત જાસૂસીના અહેવાલો સંબંધિત અરજીઓ પર સુનવણી કરશે.

300 ભારતીય મોબાઇલ ફોન નંબરો પેગાસસ સ્પાયવેર દ્વારા જાસૂસીની સંભાવના

એક આંતરરાષ્ટ્રીય મીડિયા સંગઠને એક અહેવાલમાં દાવો કર્યો હતો કે, 300 ચકાસાયેલા ભારતીય મોબાઇલ ફોન નંબરો પેગાસસ સ્પાયવેર દ્વારા જાસૂસીના સંભવિત નિસાનાની સૂચીમાં સમાવેશ થાય છે. એડિટર્સ ગિલ્ડ ઓફ ઇન્ડિયાએ તેની અરજીમાં વિનંતી કરી છે કે, પત્રકારો અને અન્ય લોકોની દેખરેખની તપાસ માટે ખાસ તપાસ ટીમ (SIT)ની રચના કરવામાં આવી છે.

સફળતા અને નિષ્ફળતાનું વિશ્લેષણ કરીને સરકારના અંગોને જવાબદાર બનાવે

ગિલ્ડે પોતાની અરજીમાં જેમાં વરિષ્ઠ પત્રકાર મૃણાલ પાંડે પણ અરજદાર છે. તેમાં જણાવ્યું હતું કે, તેના સભ્યો અને તમામ પત્રકારોનું કામ છે કે, તેઓ માહિતી અને ખુલાસાઓ માંગીને રાજ્યની સફળતા અને નિષ્ફળતાનું સતત વિશ્લેષણ કરીને સરકારના તમામ અંગોને જવાબદાર બનાવે.

વરિષ્ઠ પત્રકાર પ્રાંજય ગુહા ઠકુરાતા દ્વારા દાખલ કરાયેલી અરજી પર સુનાવણી

સુપ્રીમ કોર્ટે વરિષ્ઠ પત્રકાર પ્રાંજય ગુહા ઠકુરાતા દ્વારા દાખલ કરવામાં આવેલી અરજી પર સુનાવણી કરશે. તેનું નામ એવા લોકોની કથિત યાદીમાં સામાવેશ થાય છે કે, જેમની પેગાસસની મદદથી જાસૂસી થઈ શકે છે. પત્રકારે પોતાની અરજીમાં વિનંતી કરી છે કે, સર્વોચ્ચ અદાલત કેન્દ્ર સરકારને તપાસ સંબંધિત તમામ સામગ્રી જાહેર કરવાનો નિર્દેશ આપે.

પેગાસસના અસ્તિત્વથી ભારતમાં અભિવ્યક્તિની સ્વતંત્રતા પર વિપરીત અસર

ઠાકુરતાએ પોતાની અરજીમાં જણાવ્યું છે કે, પેગાસસના અસ્તિત્વથી ભારતમાં અભિવ્યક્તિની સ્વતંત્રતા પર વિપરીત અસર પડશે. સ્પાયવેર અથવા માલવેરના ઉપયોગને ગેરકાયદેસર અને ગેરબંધારણીય જાહેર કરવા કોર્ટને વિનંતી કરી છે.

આ પણ વાંચો -