Pegasus espionage case: સુપ્રીમ કોર્ટે સ્વતંત્ર તપાસની અરજીની સુનાવણી માટે સંમતિ આપી

સુપ્રીમ કોર્ટે (Supreme court) શુક્રવારે આવતા અઠવાડિયે વરિષ્ઠ પત્રકાર એન. રામની પેગાસસ જાસૂસી કેસમાં સીટીંગ અથવા નિવૃત્ત ન્યાયાધીશ દ્વારા સ્વતંત્ર તપાસની અરજીની સુનાવણી માટે સંમતિ આપી હતી.

• પેગાસસ જાસૂસી કેસની તપાસની માગ કરતી અરજી
• અરજી પર સુપ્રીમ કોર્ટ આવતા અઠવાડિયે સુનાવણી કરશે
• કથિત જાસૂસીના વ્યાપક અસરોને ધ્યાનમાં રાખીને અરજી દાખલ

નવી દિલ્હી: પેગાસસ જાસૂસી કેસની તપાસની માગ કરતી અરજી પર સુપ્રીમ કોર્ટ આવતા અઠવાડિયે સુનાવણી કરશે. મુખ્ય ન્યાયાધીશ એન. વી. રમણાની અધ્યક્ષતાવાળી ખંડપીઠે વરિષ્ઠ પત્રકારો એન રામ અને શશી કુમારની સામે ઉપસ્થિત વરિષ્ઠ વકીલ કપિલ સિબ્બલની રજૂઆતની નોંધ લીધી હતી કે કથિત જાસૂસીના વ્યાપક અસરોને ધ્યાનમાં રાખીને અરજી દાખલ, સૂચિબદ્ધ અને ધ્યાનમાં લેવામાં આવી હતી.

આ પણ વાંચો:Parliament Monsoon Session: પેગાસસ મામલે વિપક્ષોનો સતત 8માં દિવસે ભારે હંગામો

સૂચિમાં 300થી વધુ ચકાસાયેલા ભારતીય મોબાઇલ ફોન નંબરો મૂકવામાં આવ્યા

આ અંગે ચીફ જસ્ટિસે કહ્યું કે, અમે તેને આગામી સપ્તાહ માટે સૂચિબદ્ધ કરીશું. આ અરજીમાં કહેવામાં આવ્યું છે કે, કથિત જાસૂસીએ એજન્સીઓ અને સંગઠનો દ્વારા ભારતમાં વિરોધના મુક્ત અભિવ્યક્તિને દબાવવા અને નિરુત્સાહિત કરવાના પ્રયત્નોની નિશાની છે. નોંધપાત્ર વાત એ છે કે આંતરરાષ્ટ્રીય મીડિયા એસોસિએશને પોતાના અહેવાલમાં જણાવ્યું છે કે ઇઝરાઇલના પેગાસસ સ્પાયવેર દ્વારા સર્વેલન્સ માટેના સંભવિત લક્ષ્યોની સૂચિમાં 300થી વધુ ચકાસાયેલા ભારતીય મોબાઇલ ફોન નંબરો મૂકવામાં આવ્યા છે.

આ પણ વાંચો:Pegasus case: પેગાસસ પર શાહે આપ્યો વળતો જવાબ, સંસદમાં અવરોધ ઉભુ કરવાનાં દાવપેચ...ઘટનાક્રમ સમજો