નવી દિલ્હીઃઆજે પણ રાહુલ ગાંધીના સભ્યપદને લઈને લોકસભા અને રાજ્યસભામાં હોબાળો થવાની શક્યતાઓ છે. બજેટ સત્રની કાર્યવાહી શરૂ થાય તે પહેલા કોંગ્રેસના સાંસદોએ આજે સવારે 10.30 વાગ્યે પાર્ટીના સંસદીય દળના કાર્યાલયમાં બેઠક બોલાવી છે.
ગૃહોમાં હોબાળો થવાની સંભાવના:કોંગ્રેસ નેતા રાહુલ ગાંધીને લઈને આજે પણ લોકસભા અને રાજ્યસભા બંને ગૃહોમાં હોબાળો થવાની સંભાવના છે. તે જ સમયે, આ પહેલા, કોંગ્રેસના સંસદીય દળના કાર્યાલયમાં સવારે 10.30 વાગ્યે સંસદમાં બંને ગૃહોના કોંગ્રેસના સાંસદો મળશે. કોંગ્રેસ સાંસદ મનીષ તિવારીએ રાહુલ ગાંધીને ગેરલાયક ઠેરવવા પર ચર્ચા કરવા માટે લોકસભામાં સ્થગિત પ્રસ્તાવની સૂચના આપી છે.
આ પણ વાંચો:Rahul Gandhi Disqualification: ડરાવી ધમકાવી ફરી સત્તા પર આવાની કોશિશ, 2024માં આવશે પરીવર્તન
સુપ્રીમ કોર્ટમાં અરજી દાખલ: તમને જણાવી દઈએ કે રાહુલ ગાંધીને અયોગ્ય ઠેરવ્યા બાદ શનિવારે સુપ્રીમ કોર્ટમાં અરજી દાખલ કરવામાં આવી છે. આ અરજીમાં ફોજદારી કેસમાં દોષિત જાહેર થયા બાદ સાંસદ કે ધારાસભ્યને ગેરલાયક ઠેરવવાની જોગવાઈઓને પડકારવામાં આવી છે. આ અરજીમાં લોકપ્રતિનિધિત્વ અધિનિયમ, 1951ની કલમ 8(3)ની બંધારણીય માન્યતાને પડકારવામાં આવી છે. આ અરજી એડવોકેટ મુરલીધરન દ્વારા દાખલ કરવામાં આવી છે. અરજીમાં જણાવાયું છે કે કલમ 8(3) હેઠળ સ્વચાલિત અયોગ્યતાની કોઈ જોગવાઈ નથી.
આ પણ વાંચો:બાહુબલી અતીક અહેમદ પહેલીવાર ડરમાં દેખાયો, વારંવાર વ્યક્ત કરી હત્યાની શક્યતા
દેશવ્યાપી સંકલ્પ સત્યાગ્રહ:ગત રોજ કોંગ્રેસે રાહુલ ગાંધીના સભ્યપદને લઈને દેશવ્યાપી સંકલ્પ સત્યાગ્રહ કર્યો હતો. આ સત્યાગ્રહમાં ખડકે અને પ્રિયંકા ગાંધી સહિત તમામ મોટા નેતાઓએ ભાગ લીધો હતો. વાયનાડના કોંગ્રેસના સાંસદ રાહુલ ગાંધીને 'મોદી સરનેમ' માનહાનિ કેસમાં ગુજરાતની અદાલતે દોષિત ઠેરવ્યા હતા. જે બાદ બે વર્ષની સજાની જાહેરાત કરી હતી. જો કે આ બાદ રાહુલ ગાંધીને તુરંત જામિન પણ મળી ગયા હતા.
આ પણ વાંચો:Umesh Pal Wife Reaction: અતીક અહેમદે મારા પરિવારને બરબાદ કરી દીધો
