Meghalaya CM on PM Rally : મેઘાલયના મુખ્યપ્રધાને કહ્યું વડાપ્રધાનની રેલીની પરવાનગી નકારવામાં પાર્ટીની ભૂમિકા નથી

મેઘાલયના મુખ્યપ્રધાન કોનરાડ સંગમાએ કહ્યું કે વડાપ્રધાન મોદીની ચૂંટણી રેલીને મંજૂરી ન આપવા પાછળ તેમની કોઈ ભૂમિકા નથી. મુખ્યપ્રધાને વધુમાં કહ્યું કે, મારી ઘણી રેલીઓમાં મને પણ મંજૂરી આપવામાં આવી ન હતી. ભાજપે તેને મોટો મુદ્દો બનાવી દીધો છે.

શીલ્લોંગ :મેઘાલયના મુખ્યપ્રધાન અને નેશનલ પીપલ્સ પાર્ટીના (NPP) સુપ્રીમો કોનરાડ કે સંગમાએ જણાવ્યું હતું કે, તુરાના પીએ સંગમા સ્પોર્ટ્સ કોમ્પ્લેક્સમાં વડાપ્રધાન નરેન્દ્ર મોદીની ચૂંટણી રેલીને મંજૂરી ન આપવા પાછળ તેમની કે તેમની પાર્ટીની કોઈ ભૂમિકા નથી.

ભાજપની લહેરને રોકવાનો પ્રયાસ : રમત ગમત વિભાગે પશ્ચિમ ગારો હિલ્સ જિલ્લા સત્તાવાળાઓને જાણ કરી છે કે ત્યાં વડાપ્રધાનની રેલી માટે પરવાનગી આપી શકાતી નથી. કારણ કે, બાંધકામનો કાટમાળ સુરક્ષા માટે ચિંતા પેદા કરી શકે છે. 27 ફેબ્રુઆરીની વિધાનસભાની ચૂંટણી પહેલા સાથી NPP સાથે ગયા મહિને અલગ થઈ ગયેલા ભગવા પક્ષે હવે આરોપ લગાવ્યો છે કે, શાસક પક્ષ રાજ્યમાં ભાજપની લહેરને રોકવાનો પ્રયાસ કરી રહ્યો છે.

ભાજપે તેને મોટો મુદ્દો બનાવી દીધો :એક નિવેદનમાં મુખ્યપ્રધાને સોમવારે કહ્યું હતું કે, ભાજપ દ્વારા લગાવવામાં આવેલા આક્ષેપો ખોટા છે. કારણ કે, રેલીઓની પરવાનગી ચૂંટણી પંચ દ્વારા આપવામાં આવે છે અને જિલ્લા વહીવટીતંત્ર હવે તેનો એક ભાગ છે. સંગમાએ કહ્યું, તમામ પરવાનગીઓ ભારતના ચૂંટણી પંચ તરફથી આવે છે. તેથી, NPP અથવા મારા પક્ષ તરફથી કંઈ કહી શકાય નહીં. આમાં આપણું નામ ખેંચવું તદ્દન ખોટું છે. મારી ઘણી રેલીઓમાં મને પણ મંજૂરી આપવામાં આવી ન હતી. તેમણે કહ્યું કે, ચૂંટણી દરમિયાન આવી વસ્તુઓ થાય છે, પરંતુ ભાજપે તેને મોટો મુદ્દો બનાવી દીધો છે.

આ પણ વાંચો :PM Modi Degree Controversy : વડાપ્રધાન નરેન્દ્ર મોદીની શૈક્ષણિક લાયકાત અંગે ગુજરાત હાઈકોર્ટ આગામી દિવસોમાં ચુકાદો સંભાળવશે

પરવાનગી નકારવાની શક્યતા : તેણે કહ્યું, સ્ટેડિયમના બે ભાગ છે. પ્રથમ ભાગમાં ફૂટબોલ સ્ટેડિયમ છે, જેનું ઉદ્ઘાટન કરવામાં આવ્યું હતું. બીજો ભાગ જેમાં ઇન્ડોર સ્ટેડિયમ અને સ્વિમિંગ પૂલ છે, તે તૈયાર નથી અને અમે તેને સ્પષ્ટ કરી દીધું છે. સંગમાએ એમ પણ કહ્યું હતું કે, વડાપ્રધાનની રેલીમાં ભીડ ભેગી થવાને કારણે પરવાનગી નકારવાની શક્યતા હોય શકે છે.

આ પણ વાંચો :Government MoU: રાજ્યમાં 11 હજાર જેટલી રોજગારીની તકો થશે ઊભી, એક જ દિવસમાં 9852 કરોડના MoU

કુદરતી જમીનને નુકસાન : એ વાત સાચી છે કે વડાપ્રધાન મોદી જ્યારે કાર્યક્રમો કરે છે, ત્યારે ભીડ ભારે હોય છે. તેથી મને લાગે છે કે જિલ્લા વહીવટી તંત્રને લાગ્યું હશે કે તે કુદરતી મેદાન છે, અને જો ઘણા લોકો આવશે તો તે કુદરતી જમીનને નુકસાન કરશે. પાર્કિંગની પણ કોઈ સુવિધા નથી. ભાજપે આશ્ચર્ય વ્યક્ત કર્યું હતું કે, ઉદ્ઘાટનના બે મહિના પછી વડાપ્રધાનની રેલી માટે સ્ટેડિયમ કેવી રીતે અપૂર્ણ અને અનુપલબ્ધ જાહેર કરી શકાય. સ્ટેડિયમનું ઉદઘાટન ગયા વર્ષે 16 ડિસેમ્બરે કરવામાં આવ્યું હતું.