મહારાષ્ટ્ર: મહારાષ્ટ્ર્ના રાજકારણમાં ઉથલપાથલ યથાવત છે તેવામાં NCPના સુપ્રીમો શરદ પવારે અચાનક નિવૃત્તિની જાહેરાત કરી છે. 4 દિવસ પહેલા ગુરુવારે શરદ પવારે કહ્યું હતું કે, રોટલા ફેરવવાનો સમય આવી ગયો છે. તેમને કોઈએ કહ્યું કે, રોટલા યોગ્ય સમયે ફેરવવા પડે છે. જો ઉલટાવી લેવામાં ન આવે તો તે કડવી બની જાય છે.
NCP નેતા અજિત પવાર પ્રતિક્રિયા આપતા જણાવ્યું હતું કે, 'પવાર સાહેબે પોતે થોડા દિવસો પહેલા નેતૃત્વમાં ફેરફારની આવશ્યકતા વિશે કહ્યું હતું. આપણે તેમના નિર્ણયને તેમની ઉંમર અને સ્વાસ્થ્યને ધ્યાને લઈને પણ જોવો જોઈએ. દરેક વ્યક્તિએ સમય અનુસાર નિર્ણય લેવો પડશે. પવાર સાહેબે નિર્ણય લીધો છે અને તે તેને પરત લેશે નહીં.'
કોંગ્રેસના મહારાષ્ટ્ર્ના અધ્યક્ષ નાના પટોલેની પ્રતિક્રિયા:મહારાષ્ટ્ર કોંગ્રેસના અધ્યક્ષ નાના પટોલેએ આ મામલે પ્રતિક્રિયા આપતા જણાવ્યું હતું કે શરદ પવાર તેમના છેલ્લા શ્વાસ સુધી જાહેર જીવનમાં રહેશે પરંતુ તેમણે આજે રાજીનામું કેમ આપ્યું તે વિષે કઈ ટિપ્પણી હાલ કરી શકાય તેમ નથી. તેઓનું રાજીનામુ મહા વિકાસ અઘાડી (MVA)ને અસર કરશે નહીં. અમે આશા રાખીએ છીએ કે એનસીપીના નવા પ્રમુખ એમવીએ સાથે રહેશે.