Drugs Case: ધરપકડ બાદ શાહરૂખ પુત્ર આર્યનને કોર્ટ લઈને પહોંચી પોલીસ

મુંબઈથી ગોવા જઈ રહેલા એક ક્રુઝ શિપ પર ચાલી રહેલી ડ્રગ્સ પાર્ટીમાં ગઈકાલે રાત્રે (શનિવારે) નાર્કોટિક્સ કન્ટ્રોલ બ્યુરો (NCB)એ દરોડા પાડ્યા હતા. તે દરમિયાન NCBએ 10 લોકોને પકડ્યા હતા, જેમાંથી એક બોલિવુડના સુપરસ્ટાર અભિનેતા શાહરુખ ખાનના પુત્ર આર્યનની પૂછપરછ ચાલી રહી છે. છેલ્લા 8 કલાકથી વધુ સમયથી ક્રુઝ પર કાર્યવાહી કરવામાં આવી રહી છે. આ કેસમાં પકડાયેલા આઠમાંથી ત્રણને તબીબી તપાસ માટે મોકલવામાં આવ્યા છે. NCB ના અધિકારીઓ દ્વારા ત્રણ લોકોને મેડિકલ તપાસ માટે લઈ જવાયાનો એક વીડિયો સામે આવ્યો છે.

• મુંબઈથી ગોવા જઈ રહેલા એક ક્રુઝ શિપ પર ચાલતી ડ્રગ્સ પાર્ટીમાં NCBના દરોડા
• NCBએ દરોડા 10 લોકોને પકડ્યા, જેમાંથી એક અભિનેતા શાહરુખ ખાનનો પુત્ર આર્યન પણ સામેલ
• છેલ્લા 8 કલાકથી વધુ સમયથી ક્રુઝ પર કાર્યવાહી કરવામાં આવી રહી છે

હૈદરાબાદઃ મુંબઈથી ગોવા જઈ રહેલા એક ક્રુઝ શિપ પર ચાલી રહેલી ડ્રગ્સ પાર્ટીમાં ગઈકાલે રાત્રે (શનિવારે) નાર્કોટિક્ય કન્ટ્રોલ બ્યુરો (NCB)એ દરોડા પાડ્યા હતા. તે દરમિયાન NCBએ 10 લોકોને પકડ્યા હતા, જેમાંથી એક બોલિવુડના સુપરસ્ટાર અભિનેતા શાહરુખ ખાનના પુત્ર આર્યનની પૂછપરછ ચાલી રહી છે. છેલ્લા 8 કલાકથી વધુ સમયથી ક્રુઝ પર કાર્યવાહી કરવામાં આવી રહી છે. NCBએ પકડેલા લોકોનો ખુલાસો નથી થયો. જોકે, ધરપકડ કરાયેલા તમામ લોકોને મુંબઈ લાવવામાં આવી રહ્યા છે. આ કેસમાં પકડાયેલા આઠમાંથી ત્રણને તબીબી તપાસ માટે મોકલવામાં આવ્યા છે. NCB ના અધિકારીઓ દ્વારા ત્રણ લોકોને મેડિકલ તપાસ માટે લઈ જવાયાનો એક વીડિયો સામે આવ્યો છે. જેમાં આર્યન ખાન, અરબાઝ મર્ચન્ટ અને મુનમુન ધામેચા સામેલ છે. ધરપકડ કરાયેલા તમામ આરોપીઓને પોલીસ કોર્ટ લઈને પહોંચી છે.

આ પણ વાંચો-લક્ઝુરિયસ શિપમાં ચાલતી ડ્રગ્સ પાર્ટીમાં NCBનું અંડર કવર ઑપરેશન: બૉલીવુડ એક્ટરના પુત્ર સહિત 10 ઝડપાયા

NCB ક્રુઝ પર ડ્રગ્સ પાર્ટી મામલામાં શાહરુખ ખાનના પુત્ર આર્યનની પૂછપરછ કરી રહી છે

તો આવા ગંભીર મામલામાં સુપરસ્ટાર શાહરુખ ખાનના પુત્ર આર્યન ખાનનું નામ આવવાથી મામલો વધુ ચર્ચાસ્પદ બન્યો છે. એક રિપોર્ટ અનુસાર, NCB ક્રુઝ પર ડ્રગ્સ પાર્ટી મામલામાં શાહરુખ ખાનના પુત્ર આર્યનની પૂછપરછ કરી રહી છે. આર્યન ખાન સહિત ધરપકડ કરાયેલા તમામ 10 લોકોના ફોન જપ્ત કરી લેવાયા છે. તો NCBના ઝોનલ ડિરેક્ટર સમીર વાનખેડેએ જણાવ્યું હતું કે, આર્યન ખાન પર અત્યાર સુધી કોઈ કેસ નોંધાયો નથી અને ના આ મામલે તેની ધરપકડ કરવામાં આવી છે.

• https://publish.twitter.com/?query=https%3A%2F%2Ftwitter.com%2FANI%2Fstatus%2F1444563842894155783&widget=Tweet

આ પણ વાંચો-દુબઈથી અમદાવાદ આવેલો આફ્રિકન નાગરિક 6 કરોડના કોકેઈન સાથે એરપોર્ટ પરથી ઝડપાયો

2 અઠવાડિયાથી રખાઈ રહી હતી વોચ, હાલમાં 8 લોકોની પૂછપરછ

NCB દ્વારા પાડવામાં આવેલી રેડના સંદર્ભમાં હાલ શાહરૂખ ખાનના પુત્ર આર્યન ખાન, અરબાઝ મર્ચન્ટ, મુનમુન ધમેચા, નુપુર સારિકા, ઈસમિત સિંઘ, મોહક જસવાલ, વિક્રાંત ચોખર અને ગોમિત ચોપરાની પૂછપરછ ચાલી રહી છે. NCB મુંબઈના ડિરેક્ટર સમીર વાનખેડેના જણાવ્યા પ્રમાણે, આ પાર્ટીને લઈને છેલ્લા 2 અઠવાડિયાથી ઈન્વેસ્ટિગેશન ચાલી રહ્યું હતું. જ્યારે, NCBના વડા એસ. એન. પ્રધાનના જણાવ્યા પ્રમાણે, આ તપાસમાં ચોક્કસ બાતમી અને બોલીવૂડની કેટલીક લિંક્સ પણ કામ આવી હતી.

સમગ્ર મામલાની દેખરેખ દિલ્હી હેડ ક્વાર્ટરથી થઈ રહી છે

જોકે, આ કેસમાં દિલ્હીની ત્રણ છોકરીઓની પૂછપરછ કરવામાં આવી રહી છે. અહીં ત્રણ છોકરીઓ મોટા વેપારીઓની હોવાનું માનવામાં આવી રહ્યું છે. તો દિલ્હી હેડ ક્વાર્ટરથી સમગ્ર મામલાની દેખરેખ કરવામાં આવી રહી છે. NCBએ આ અંગે કહ્યું હતું કે, આ મામલામાં જે કોઈની પણ ભૂમિકા હશે. તેમની સામે કડક કાર્યવાહી કરવામાં આવશે. એક રિપોર્ટ અનુસાર, નમસ્ક્રય એક્સપિરિયન્સ (Namascray Experience) નામની એક કંપનીએ આ પાર્ટીનું આયોજન કર્યું હતું. આ પાર્ટીમાં સામેલ થવાની એક યાત્રીની ટિકિટ 80,000 રૂપિયા હતી. મુંબઈથી કોર્ડેલિયા ક્રુઝ શિપ (Cordelia Cruise Ship) પર આ હાઈપ્રોફાઈલ પાર્ટી ચાલી રહી હતી.

અસુવિધા માટે ખેદ અનુભવીએ છીએ: કોર્ડેલિઆ

ક્રૂઝની માલિક કંપની કોર્ડેલિઆએ પોતાના નિવેદનમાં જણાવ્યું છે કે, NCBએ કેટલાક પ્રવાસીઓના લગેજમાંથી ડ્રગ્સ પકડ્યું હતું. જેને તાત્કાલિક કોર્ડેલિઆના સ્ટાફ દ્વારા નિકાલ કરી દેવામાં આવ્યો હતો. આ ઘટનાને કારણે ક્રૂઝ પોતાના નિયત સમય કરતા મોડી ઉપાડવાની ફરજ પડી હતી. જેના માટે અમે (કોર્ડેલિઆ) ખેદ અનુભવીએ છીએ.