Cruise Drugs Case : આર્યન ખાન સહિત 8 આરોપીઓને કસ્ટડી મોકલાયા

આર્યન ખાન, અરબાઝ મર્ચન્ટ અને મુનમુન ધામેચાની કસ્ટડી આજે (7 ઓક્ટોબર) પૂરી થઈ રહી છે. આવી સ્થિતિમાં NCB ત્રણેય સાથે મુંબઈ કોર્ટમાં તેમના જામીન પર સુનાવણી માટે પહોંચી હતી. આર્યન ખાનના વકીલ સતીશ મણેશીંદેએ તેમની જામીન અરજી દાખલ કરી છે. મળતી માહિતી પ્રમાણે, કોર્ટે NCB એ આર્યન અને તેના સહયોગીઓની કસ્ટડી 14 દિવસ વધારી દીધી છે.

• આર્યન ખાન ડ્રગ્સ પાર્ટીને લઈને કોર્ટમાં સુનાવણી હાથ ધરાઈ
• આજે 7 ઓક્ટોબરના રોજ NCBની કસ્ટડીમાં પુરી થતી હતી
• NCB એ આર્યનની કસ્ટડી 4 દિવસ વધારવાની માંગ કરી

મુંબઈ, મહારાષ્ટ્ર : ક્રૂઝ રેવ પાર્ટી(Mumbai Cruise Rave Party) કેસમાં બોલીવુડ સ્ટાર શાહરૂખ ખાન (Shah Rukh Khan)ના પુત્ર આર્યન ખાન (Aryan khan)ની કસ્ટડી આજે ગુરુવારે પૂરી થાય છે. આ કેસમાં મુંબઈની કોર્ટે આર્યનને 7 ઓક્ટોબર સુધી NCBની કસ્ટડીમાં મોકલવાનો આદેશ આપ્યો હતો, જેને લઈને જામીન અરજીની સુનાવણી માટે આર્યન કોર્ટ પહોંચ્યો હતો. સુનાવણી દરમિયાન ડ્રગ વિરોધી એજન્સી NCB વતી કહેવામાં આવ્યું કે, આ મામલાની તપાસ માટે અમને સોમવાર સુધી આર્યન ખાનની કસ્ટડીની જરૂર છે, ત્યારે આર્યન સહિત 7 આરોપીઓને કોર્ટે 14 દિવસની કસ્ટડીમાં મોકલવા આદેશ કર્યો છે.

સીઆર 94/2021 સાથે સંબંધિત

ASG અનિલ સિંહે કહ્યું હતું કે, 'આ તમામ સીઆર 94/2021 સાથે સંબંધિત છે. પ્રથમ નજરમાં એવું લાગે છે કે આ બધુ એક ષડયંત્રનો ભાગ છે. આ કેસમાં કુલ 17 લોકોની ધરપકડ કરવામાં આવી છે. NCB એ ડ્રગ્સ સાથે અચિત કુમાર નામની વ્યક્તિની ધરપકડ પણ કરી છે. આ આરોપી આર્યન ખાન સાથે સંબંધિત હતો. અરબાઝની તપાસમાં તે વ્યક્તિનું નામ પણ સામે આવ્યું હતું.