મુંબઈ: કસ્ટમ વિભાગના અધિકારીઓએ એરપોર્ટ પર બે કેસમાં 2.5 કરોડ રૂપિયાથી વધુની કિંમતનું કુલ 4712 ગ્રામ સોનું જપ્ત કર્યું છે.(Customs seized a total of 4712 grams of gold ) અધિકારીઓએ આ કેસમાં ત્રણ આરોપીઓની ધરપકડ કરી છે. આ સોનું ક્યાંથી લાવ્યું તે અંગે આરોપીઓની પૂછપરછ કરવામાં આવી રહી છે.
સોનું જપ્ત કર્યું:અગાઉ 13 નવેમ્બરના રોજ, કસ્ટમ અધિકારીઓએ મુંબઈના છત્રપતિ શિવાજી મહારાજ ઈન્ટરનેશનલ એરપોર્ટ પર અલગ-અલગ ઓપરેશનમાં રૂ. 32 કરોડની કિંમતનું 61 કિલો સોનું જપ્ત કર્યું હતું, જે એક જ દિવસમાં વિભાગ દ્વારા એરપોર્ટ પર જપ્ત કરવામાં આવેલી કિંમતી ધાતુની સૌથી વધુ રકમ હતી.
સૌથી વધુ જથ્થો:સોનાની જપ્તી સાથે બે મહિલાઓ સહિત ઓછામાં ઓછા સાત મુસાફરોની ધરપકડ કરવામાં આવી હતી, અધિકારીએ દાવો કર્યો હતો કે, મુંબઈ એરપોર્ટ પર કસ્ટમ્સ દ્વારા એક જ દિવસમાં જપ્ત કરવામાં આવેલ સોનાનો આ સૌથી વધુ જથ્થો છે. પ્રથમ ઓપરેશનમાં એક કિ.ગ્રા. તાંઝાનિયાથી પરત ફરતા ચાર ભારતીયો પાસેથી સોનું જપ્ત કરવામાં આવ્યું હતું, જેને ખાસ ડિઝાઇન કરાયેલા પટ્ટામાં છુપાવવામાં આવ્યું હતું.
ધરપકડ કરવામાં આવી:તેમણે કહ્યું કે, તેમની પાસેથી 28.17 કરોડ રૂપિયાની કિંમતની 53 કિલો યુએઈની બનેલી સોનાની લગડીઓ મળી આવી છે. એ જ રીતે કસ્ટમ અધિકારીઓએ દુબઈથી આવતા ત્રણ મુસાફરો પાસેથી રૂ. 3.88 કરોડની કિંમતનું 8 કિલો સોનું જપ્ત કર્યું હતું. તેમણે જણાવ્યું કે, ત્રણેય મુસાફરોની ધરપકડ કરવામાં આવી છે.(Mumbai Airport Customs )
