શાહડોલ (મધ્ય પ્રદેશ): સ્વચ્છતાનો સંદેશ આપવા માટે શિક્ષકે એક આદિવાસી વિદ્યાર્થિનીને કપડાં ઉતારીને લાંબા સમય સુધી અર્ધ નગ્ન કરીને ઊભી રાખી હતી. ગંદા કપડા ધોયા બાદ આ શિક્ષકે પોતાને સ્વચ્છતા મિત્ર ગણાવતો ફોટો ગ્રુપમાં ફોટો પણ શેર કર્યો હતો.(teacher got off girl student dirty uniform) આ ફોટો હાલ સોશિયલ મીડિયા પર વાયરલ થઈ રહ્યો છે.
સ્વચ્છતાના આગ્રહી શિક્ષકે વિદ્યાર્થિની પાસે કપડાં કઢાવ્યા, સ્કૂલમાં ધોયા - madhypradesh
આ દિવસોમાં શાહડોલ(shahdol) જિલ્લામાં શાળાઓ અને શિક્ષકોના વિચિત્ર કારનામા સામે આવી રહ્યા છે. થોડા સમય પહેલા જ શાળાના બાળકો ટોયલેટ સાફ કરતા હોવાનો વીડિયો વાયરલ થયો હતો. (teacher got off girl student dirty uniform)આટલું જ નહીં, તાજેતરમાં જ નિર્દોષ વિદ્યાર્થીઓને પાવડા મારતા અને સફાઈ કરતા હોવાનો વીડિયો વાયરલ થયો હતો. હવે શહડોલ જિલ્લાના જયસિંહ નગરની સરકારી શાળામાંથી એક શિક્ષકની ચોંકાવનારી તસવીર સામે આવી છે.
આ શિક્ષકે સ્વચ્છતા બતાવવા વિદ્યાર્થિનીના કપડાં ઉતરાવ્યા
છોકરી મેલો ગણવેશ પહેરીને આવી હતી: આ મામલો શહડોલ જિલ્લાના જયસિંહ નગરની એક સરકારી શાળાનો છે. જન શિક્ષા કેન્દ્ર પૌડી હેઠળની સરકારી પ્રાથમિક શાળા બારા ટોલામાં અભ્યાસ કરતી ધોરણ પાંચની એક આદિવાસી છોકરી મેલો ગણવેશ પહેરીને આવી હતી.(Shahdol district Teacher bad action ) શાળામાં આવ્યા બાદ એક શિક્ષકે આ બાળકીના કપડા ઉતરાવી અને પોતે જ ધોવા લાગ્યા હતા. આ દરમિયાન શિક્ષકે વિદ્યાર્થીનીને થોડા કલાકો સુધી અર્ધ નગ્ન રાખી હતી. ડ્રેસ સુકાઈ ગયા પછી, તેણીને વર્ગમાં અભ્યાસ માટે મોકલવામાં આવી હતી.
કલેકટરે કહ્યું-કડક કાર્યવાહી થશે: આ પછી, પોતાને સ્વચ્છતા મિત્ર ગણાવતા શિક્ષકે ફોટો પણ શેર કર્યો, જે હવે સોશિયલ મીડિયામાં વાયરલ થઈ રહ્યો છે. ગ્રામજનોએ આ બાબતે નારાજગી વ્યક્ત કરી છે અને શિક્ષક સામે કાર્યવાહી કરવાની માંગ કરી છે, શાહડોલ કલેક્ટર વંદના વૈદ્ય કહે છે કે આ બાબત તેમના ધ્યાન પર આવી છે. મામલાની તપાસ બાદ કડક કાર્યવાહી કરવામાં આવશે.