મુંબઈ: ભારતીય મહિલા ક્રિકેટ ટીમની કેપ્ટન મિતાલી રાજની બાયોપિક 'શાબાશ મિથુ'નું ટીઝર(Teaser of 'Shabash Mithu') સોમવારે રિલીઝ કરવામાં આવ્યું છે. ટીઝરમાં પહેલીવાર અભિનેત્રી તાપસી પન્નુ(Actress Tapasi Pannu Lead) મિતાલી રાજના લુકમાં બેટ પકડીને જોવા મળી રહી છે. તાપસી ભારતીય ક્રિકેટરના રોલમાં ખૂબ જ સારી લાગી રહી છે. તેણે પોતે જ તેના સોશિયલ મીડિયા પર ટીઝર શેર કર્યું છે.
આ પણ વાંચો:WWC 2022: પાકિસ્તાને 13 વર્ષ પછી વર્લ્ડ કપ જીત્યો, નિદાની ધમાકેદાર બોલિંગ
ફિલ્મની રિલીઝ ડેટ બાકી:મિતાલી રાજે પોતે પણ આ જ કેપ્શન સાથે ટિ્વટર પર આ વીડિયો શેર કર્યો છે. આ ટીઝર વીડિયોના કેપ્શનમાં લખવામાં આવ્યું છે કે, ગેઈમ ઓફ જેન્ટલમેનમાં તેણે ઈતિહાસ રચ્યો અને પોતાની સ્ટોરી બનાવી. જો કે આ ફિલ્મની રિલીઝ ડેટ હજુ જાહેર કરવામાં આવી નથી. આ ટીઝર વીડિયોની વાત કરીએ તો તેમાં કોમેન્ટ્રી ચાલે છે અને મિતાલી રાજના રેકોર્ડ સ્ક્રીન પર બતાવવામાં આવે છે.
ટીઝરના અંતમાં તાપસી પન્નુ જોવા મળી:રમતના મેદાન પરના પ્રેક્ષકોની તાળીઓના ગડગડાટ સાથે વીડિયોની શરૂઆત થાય છે. સમગ્ર ટીઝર દરમિયાન અંગ્રેજી અને હિન્દી કોમેન્ટ્રી ચાલુ રહે છે અને મિતાલી રાજ ડ્રેસિંગ રૂમમાંથી તૈયાર થઈને મેદાનમાં બેટ પકડીને આવતી જોવા મળે છે. ટીઝરના અંતમાં તાપસી પન્નુ જોવા મળે છે, જે મિતાલી રાજનું પાત્ર ભજવી રહી છે. તેના હાથમાં બેટ છે અને તે ભારતીય જર્સીમાં હેલ્મેટ સાથે પ્રહાર કરતી જોવા મળે છે.