હરિદ્વાર ખાતે મહંત નરેન્દ્ર ગિરીના અનુગામીની પસંદગી માટે આજે બેઠક યોજાશે

મહંત નરેન્દ્ર ગિરીના નિધન બાદ તેમના અનુગામીની પસંદગી માટે આજે એક બેઠક આજે સવારે 11 વાગ્યે યોજાવાની છે. બેઠકમાં સાધું -સંતો અનુગામીની પસંદગી માટે તેમના સૂચનો રજૂ કરશે. મહંત નરેન્દ્ર ગિરીના નિધન બાદ હરિદ્વારમાં નિરંજની અખાડામાં આ પ્રથમ બેઠક હશે.

• બેઠકમાં સાધું -સંતો રહેશે હાજર
• સાધું -સંતો અનુગામીની પસંદગી માટે તેમના સૂચનો રજૂ કરશે
• બેઠક આજે સવારે 11 વાગ્યે શરૂ થશે
• નિરંજનની પંચોની બેઠક આજે નિરંજની અખાડામાં યોજાવાની છે

હરિદ્વાર: શ્રીપંચાયતી અખાડા નિરંજનની પંચોની બેઠક આજે નિરંજની અખાડામાં યોજાવાની છે. જેમાં નિરંજની અખાડાના તમામ મુખ્ય સાધુ-સંતો ઉપસ્થિત રહેશે. મહંત નરેન્દ્ર ગિરીના નિધન બાદ બેઠકમાં તેમના અનુગામી નક્કી થશે. બેઠક આજે સવારે 11 વાગ્યે શરૂ થશે.

મહંત નરેન્દ્ર ગિરીના નિધન બાદ નિરંજની અખાડામાં પ્રથમ બેઠક

મહંત નરેન્દ્ર ગિરીના નિધન બાદ હરિદ્વારમાં નિરંજની અખાડામાં આ પ્રથમ બેઠક હશે. નિરંજની અખાડાના સચિવ રવિન્દ્ર પુરીએ જણાવ્યું હતું કે, અખાડાના પંચો અને સંતોએ મળીને નક્કી કર્યું છે કે, આજે તમામ સંતોની બેઠક બોલાવવી જોઈએ. જેમાં મહંત નરેન્દ્ર ગિરીના અનુગામીની પસંદગી કરવી જોઈએ. બેઠકમાં તમામ સંતો તેમના સૂચનો રજૂ કરશે અને મહંત નરેન્દ્ર ગિરીના અનુગામી કોણ બનશે તે નક્કી કરશે. બેઠકમાં માહિતી આપતા રવિન્દ્ર પુરીએ જણાવ્યું હતું કે અમારા નિરંજની અખાડાના પંચોમાં આઠ અષ્ટ કૌશલ મહંતો અને આઠ ઉપ મહંતો સામેલ છે. બીજી તરફ, બલવીર ગિરીને અનુગામી જાહેર કરવાની સંમતિ આપવામાં આવી છે, પરંતુ તેની ઔપચારિક જાહેરાત બેઠક બાદ કરવામાં આવશે.

આ પણ વાંચો : પંજાબમાં રાજકીય ઉથલપાથલ વચ્ચે અમરિંદર સિંહે અમિત શાહ સાથે લગભગ એક કલાક મુલાકાત કરી

બલવીર ગિરીના નામ પર અંતિમ મહોર લાગી શકે છે

મહંત નરેન્દ્ર ગિરીના નિધન બાદ બલવીર ગિરી તેમના અનુગામી હોવાનું કહેવાય છે. કારણ કે પંચાયતી અખાડા શ્રી નિરંજનીના પંચ પરમેશ્વરોની વાતચીતમાં એવું નક્કી કરવામાં આવ્યું છે કે, મહંત નરેન્દ્ર ગિરીની ઇચ્છા મુજબ બલવીર ગિરીને બાધમ્બરી મઠના અનુગામી બનાવવામાં આવશે. આજની બેઠકમાં ઉત્તરાધિકારી તરીકે બલવીર ગિરીના નામ પર અંતિમ મહોર લાગ્યા બાદ તેમને અનુગામી તરીકે જાહેર કરવામાં આવશે.

આ પણ વાંચો : પાટણમાં નવરાત્રિને લઈ વાજિંત્રોના ધંધાર્થીઓમાં ઉત્સાહનો સંચાર

સ્યુસાઇડ નોટમાં માનસિક મુશ્કેલીનો ઉલ્લેખ

20 સપ્ટેમ્બરના રોજ મહંત નરેન્દ્ર ગિરીનો મૃતદેહ બાધમ્બરી મઠ આશ્રમના રૂમમાં લટકતો મળી આવ્યો હતો. આવી સ્થિતિમાં શિષ્યોએ દરવાજો તોડી લાશને નીચે લાવી હતી. આ સાથે મહંત નરેન્દ્ર ગિરીના રૂમમાંથી પોલીસ ને લગભગ 6-7 પાનાની સુસાઈડ નોટ પણ મળી આવી છે. સ્યુસાઇડ નોટમાં માનસિક મુશ્કેલીનો ઉલ્લેખ છે. સ્યુસાઈડ નોટમાં મહંત નરેન્દ્ર ગિરીના શિષ્ય આનંદ ગિરી પર પણ તેમને હેરાન કરવાનો આરોપ છે.