દિલ્હી: નવા આરોગ્ય પ્રધાનના નિરીક્ષણ બાદ AIIMSની વ્યવસ્થા બદલાઈ, જાણો કઈ સુવિધાઓ ઉપલબ્ધ થશે

દેશની સૌથી મોટી હોસ્પિટલ AIIMS એ તેનો 66 મો સ્થાપના દિવસ ઉજવ્યો હતો. આ દરમિયાન, કોરોના પ્રોટોકોલની સંપૂર્ણ કાળજી લેવામાં આવી હતી. આ પ્રસંગે કેન્દ્રીય આરોગ્ય પ્રધાન મનસુખ માંડવીયા અને આરોગ્ય રાજ્ય પ્રધાન પ્રતિભા પનવારે એઇમ્સ પહોંચીને આ વર્ષે પોતાનો પીજી અભ્યાસ પૂરો કરનાર મેરીટિવ વિદ્યાર્થીઓનું સન્માન કર્યું હતું.

• AIIMS એ શનિવારે તેનો 66મો સ્થાપના દિવસ ઉજવ્યો
• મહામારીના પ્રોટોકોલનું પાલન કરવામાં આવ્યું
• કેન્દ્રીય આરોગ્ય પ્રધાન મનસુખ માંડવિયાએ મુખ્ય અતિથિ તરીકે પધાર્યા

નવી દિલ્હી: કોરોના મહામારીમાં દિવસ અને રાત દર્દીઓની સેવા કરનારી AIIMS એ શનિવારે તેનો 66મો સ્થાપના દિવસ ઉજવ્યો હતો. આ દરમિયાન કોરોના મહામારીના પ્રોટોકોલનું પાલન કરવામાં આવ્યું હતુ. કેન્દ્રીય આરોગ્ય પ્રધાન મનસુખ માંડવિયાએ મુખ્ય અતિથિ તરીકે અને આરોગ્ય રાજ્યપ્રધાન પ્રતિભા પંવાર ખાસ મહેમાન તરીકે પધાર્યા હતા અને વિદ્યાર્થીઓનું સન્માન કર્યું હતું.

આ પણ વાંચો:વેશ બદલીને હૉસ્પિટલોના નિરીક્ષણ માટે ગયા મનસુખ માંડવિયા, સિક્યુરિટી ગાર્ડે માર્યો ડંડો!

કોરોના મહામારીનો સામનો કરવામાં AIIMS ની મોટી ભૂમિકા

AIIMSના સ્થાપના દિવસ નિમિત્તે આરોગ્ય પ્રધાન મનસુખ માંડવિયાએ જણાવ્યું હતું કે, કોરોના મહામારીનો સામનો કરવામાં AIIMS ની મોટી ભૂમિકા છે. કોરોના સમયગાળા દરમિયાન પણ, દર્દીઓને ટેલિમેડિસિન અને ટેલી-કન્સલ્ટેશન દ્વારા એમ્સમાં સતત સેવા આપવામાં આવી રહી હતી. તેમણે માનવ સંસાધન અને વિકાસ મંત્રાલય દ્વારા નેશનલ ઇન્સ્ટિટ્યૂટ રેન્કિંગ ફ્રેમવર્ક દ્વારા એઈમ્સના 22000 કર્મચારીઓને દેશમાં નંબર વન મેડિકલ ઈન્સ્ટિટ્યૂટ બનાવવા બદલ અભિનંદન પાઠવ્યા હતા.

સંશોધન ક્ષેત્રે પણ AIIMSનું વિશ્વમાં પ્રતિષ્ઠિત સ્થાન

મનસુખ માંડવિયાએ જણાવ્યું હતું કે, વિજ્ઞાન વિષય સાથે અભ્યાસ કરતા તમામ વિદ્યાર્થીઓની પ્રથમ પસંદગી એમ્સ, દેશની સૌથી મોટી હોસ્પિટલ અને મેડિકલ કોલેજમાં અભ્યાસ કરવાનો છે. તેની ગુણવત્તા જાળવવી જરૂરી છે. AIIMS માં, દેશના શ્રેષ્ઠ મગજ વાળા વિદ્યાર્થી અભ્યાસ કરે છે અને તેમની સેવા આપે છે. સંશોધન ક્ષેત્રે પણ AIIMS વિશ્વમાં પ્રતિષ્ઠિત સ્થાન ધરાવે છે.

આ પણ વાંચો:AIIMSનો લોગો જાહેર, ગુજરાતની કલા અને સંસ્કૃતિની ધરોહરનો સમાવેશ

એમ્સના તબીબી વ્યાવસાયિકોની પ્રશંસા કરી

રાજ્ય આરોગ્યપ્રધાન પ્રતિભા પનવારે કોરોના સમયગાળા દરમિયાન દર્દીઓને શ્રેષ્ઠ સારવાર આપવા માટે એમ્સના તબીબી વ્યાવસાયિકોની પ્રશંસા કરી હતી. તેમણે કહ્યું કે એઇમ્સ દેશભરમાં શૈક્ષણિક, સંશોધન અને દર્દીઓની સંભાળના ક્ષેત્રમાં પ્રતિષ્ઠિત સ્થાન ધરાવે છે. AIIMS માત્ર દેશના વિદ્યાર્થીઓને આકર્ષિત કરતું નથી, પરંતુ અમેરિકા, ઈંગ્લેન્ડ, ઓસ્ટ્રેલિયા અને જર્મની જેવા વિકસિત દેશોના વિદ્યાર્થીઓ પણ AIIMS તરફ આકર્ષિત થઈ રહ્યા છે. અત્યાધુનિક સુવિધાથી સજ્જ, AIIMS પોતે ઔષધ ક્ષેત્રે એક ઉત્તમ સંસ્થા છે.