નવી દિલ્હી:કેન્દ્રીય કેબિનેટે બુધવારે દેશમાં 157 સરકારી નર્સિંગ કોલેજો ખોલવાના પ્રસ્તાવને મંજૂરી આપી છે, જેના પર 1570 કરોડ રૂપિયાનો ખર્ચ થશે. કેન્દ્રીય સ્વાસ્થ્ય મંત્રી મનસુખ માંડવિયાએ જણાવ્યું હતું કે વડાપ્રધાન નરેન્દ્ર મોદીની અધ્યક્ષતામાં આર્થિક બાબતોની કેબિનેટ કમિટી (CCEA)ની બેઠકમાં આ પ્રસ્તાવને મંજૂરી આપવામાં આવી હતી. તેમણે કહ્યું કે, આ અંતર્ગત દેશમાં 157 સરકારી નર્સિંગ કોલેજો ખોલવામાં આવશે અને તે આગામી 24 મહિનામાં પૂર્ણ કરીને રાષ્ટ્રને સમર્પિત કરવામાં આવશે. સ્વાસ્થ્ય મંત્રીએ જણાવ્યું કે આ માટે 1570 કરોડ રૂપિયા મંજૂર કરવામાં આવ્યા છે. તેમણે કહ્યું કે આ નિર્ણયનો ઉદ્દેશ્ય દેશમાં નર્સિંગ પ્રોફેશનલ્સની સંખ્યા વધારવાની સાથે ગુણવત્તાયુક્ત, સસ્તું અને સમાવિષ્ટ નર્સિંગ શિક્ષણ પ્રદાન કરવાનો છે.
Delhi liquor scam: દિલ્હી હાઈકોર્ટે સીબીઆઈ પાસેથી સિસોદિયા વિરુદ્ધ પુરાવા માંગ્યા, ગુરુવારે સુનાવણી
કેબિનેટે રાષ્ટ્રીય તબીબી ઉપકરણ નીતિને મંજૂરી આપી:કેન્દ્રીય કેબિનેટે રાષ્ટ્રીય તબીબી ઉપકરણો નીતિને પણ મંજૂરી આપી, જેનો હેતુ દેશમાં તબીબી ઉપકરણોના ક્ષેત્રને પ્રોત્સાહિત કરવાનો અને આત્મનિર્ભરતાને પ્રોત્સાહન આપવાનો છે. આ અંગે આરોગ્ય અને પરિવાર કલ્યાણ મંત્રી મનસુખ માંડવિયાએ જણાવ્યું હતું કે વડાપ્રધાનની અધ્યક્ષતામાં મળેલી કેબિનેટની બેઠકમાં આ નીતિને મંજૂરી આપવામાં આવી હતી. તેમણે કહ્યું કે આ નીતિમાં મેડિકલ ઈક્વિપમેન્ટ સેક્ટરને લઈને છ મુદ્દાની વ્યૂહરચના તૈયાર કરવામાં આવી છે અને તેને લાગુ કરવા માટે એક એક્શન પ્લાન પણ તૈયાર કરવામાં આવ્યો છે.
Mukesh Ambani: કોણ છે મનોજ મોદી? જેને મુકેશ અંબાણીએ 1500 કરોડ રૂપિયાનું ઘર ભેટમાં આપ્યું
આરોગ્ય પ્રધાને જણાવ્યું હતું કે તબીબી ઉપકરણોનું ક્ષેત્ર વર્તમાન 11 અબજ ડોલર (આશરે રૂ. 90,000 કરોડ) થી આગામી પાંચ વર્ષમાં 50 અબજ ડોલર થવાની ધારણા છે. આથી, એવી અપેક્ષા રાખવામાં આવે છે કે આ નીતિ ઍક્સેસ, પોષણક્ષમતા, ગુણવત્તા અને નવીનતાના જાહેર આરોગ્ય ઉદ્દેશ્યોને પૂર્ણ કરશે. તેમણે કહ્યું કે દેશમાં 75 ટકા મેડિકલ સાધનોની આયાત કરવામાં આવે છે. આ સ્થિતિમાં મેડિકલ ઈક્વિપમેન્ટ દેશમાં જ બનાવવા જોઈએ, જરૂરિયાત પૂરી થઈ શકે અને નિકાસ પણ થઈ શકે, આ માટે સર્વશ્રેષ્ઠ પ્રયાસ કરવાની જરૂરિયાત અનુભવાઈ હતી. માંડવિયાએ કહ્યું કે આનાથી દેશમાં તબીબી ઉપકરણોને સર્વગ્રાહી અભિગમના આધારે નિયમન કરવામાં મદદ મળશે. નોંધનીય છે કે ગયા વર્ષે સરકારે નેશનલ મેડિકલ ડિવાઇસ પોલિસી 2022નો ડ્રાફ્ટ ચર્ચા માટે બહાર પાડ્યો હતો.
