મમતાનો હુંકાર : 2024ની ચૂંટણીમાં Modi vs Country થશે

પશ્ચિમ બંગાળના મુખ્યપ્રધાન અને TMC નેતા મમતા બેનર્જી (Mamata Banerjee)એ કહ્યું હતું કે, તે દેશભરમાં "ખેલા હોગા" (Poore desh me khela hoga). એક સવાલના જવાબમાં મમતાએ કહ્યું હતું કે, 2024 (Mamata 2024 Elections) ની ચૂંટણી આવશે, ત્યારે 'મોદી વિરુદ્ધ દેશ' (Modi vs Country) હશે. તેમણે કહ્યું કે, આપણે સચા દિવસો જોવા છે, અચ્છે દિન ઘણા જોયા. ઉલ્લેખનીય છે કે, મમતા બેનર્જી હાલ દિલ્હીના પ્રવાસે છે.

• 2024ની લોકસભાની ચૂંટણી 'મોદી વિરુદ્ધ દેશ' થશે
• કોરોનામાં પ્રિયજનો ગુમાવ્યા છે તેઓ માફ નહીં કરે
• સરકાર માટે GDP એટલે ગેસ, ડીઝલ, પેટ્રોલ

નવી દિલ્હી: મુખ્યપ્રધાન મમતા બેનર્જી(Mamata Banerjee)એ કહ્યું હતું કે, હું રાજકીય જ્યોતિષી નથી. જો કે, તેમણે એમ પણ કહ્યું કે, 2024ની લોકસભાની ચૂંટણી 'મોદી વિરુદ્ધ દેશ' (Modi vs Country) હશે. નરેન્દ્ર મોદી 2019માં લોકપ્રિય હતા. કોરોના મહામારીના સંદર્ભમાં મમતાએ કહ્યું હતું કે, આજે તેમણે મૃતદેહોનો રેકોર્ડ રાખ્યો નથી, અંતિમ સંસ્કારોને નકારવામાં આવ્યા હતા અને મૃતદેહોને ગંગા નદીમાં ફેંકી દેવામાં આવ્યા હતા. જેણે તેમના પ્રિયજનો ગુમાવ્યા છે તેઓ ભૂલશે નહીં અને માફ કરશે નહીં.

આ પણ વાંચો:વિપક્ષી એકતા માટેની મમતાની કવાયત પહેલા કોંગ્રેસના સાંસદે છેડ્યો સોનિયા રાગ

પશ્ચિમ બંગાળના મુખ્યપ્રધાન અને TMC નેતા મમતા બેનર્જીનો દિલ્હી પ્રવાસ

મારો ફોન પહેલાથી ટેપ થઈ ચૂક્યો છે : મમતા

પેગાસસ જાસૂસી કેસ(Mamata Pegasus Snooping) અંગે મમતાએ કહ્યું, 'મારો ફોન પહેલાથી ટેપ થઈ ચૂક્યો છે. જો અભિષેકનો (મુખર્જી) ફોન ટેપ થઈ જાય, અને હું તેની સાથે વાત કરું છું, તો પછી મારો ફોન આપોઆપ ટેપ થઈ જશે. પેગાસસે દરેકના જીવનને જોખમમાં મૂક્યું છે.

આ પણ વાંચો:મમતા બેનર્જી સોમવારે દિલ્હી જવા રવાના થતાં પહેલા પ્રધાનમંડળને મળશે

સોનિયા ગાંધી અને અરવિંદ કેજરીવાલ સાથે મુલાકાત

મંગળવારે જ દિલ્હી પહોંચેલી મમતાએ કહ્યું કે, આજે બુધવારે મારી સોનિયાજી અને અરવિંદ કેજરીવાલ સાથે મુલાકાત છે. તે મમતા સોનિયા ગાંધીને મળવા પહોંચ્યા હતા. પત્રકારો સાથે વાત કરતી વખતે મમતા બેનર્જીએ પણ ફુગાવાને લઈને મોદી સરકાર પર નિશાન સાધ્યું હતું. તેમણે કહ્યું કે, સરકાર માટે GDP એટલે ગેસ, ડીઝલ, પેટ્રોલ. મમતાએ કહ્યું કે, ભાજપ ખોટા સમાચારો ચલાવે છે, પૈસા અને શક્તિનો ઉપયોગ કરે છે. આ દેશના લોકો તેને સત્તાથી હાંકી કાઢશે.

ગુજરાત બંગાળ પર કબજો

મમતા બેનર્જીએ દક્ષિણ દિનાજપુરમાં ચૂંટણી રેલીમાં લોકોને સંબોધન કરતાં તેમણે કહ્યું, 'તમારે જોવું પડશે કે બંગાળ, બંગાળમાં જ રહે છે. ગુજરાત બંગાળ પર કબજો કરવા માટે સક્ષમ ન થવું જોઈએ. બંગાળ દિલ્હીના હાથમાં ન હોવું જોઈએ. અમે દિલ્હીના હાથમાં બંગાળ નહીં છોડીએ.