કોલકાતા: તૃણમૂલ કોંગ્રેસે તેના સાંસદ મહુઆ મોઇત્રા સાથે જોડાયેલા વિવાદથી અંતર જાળવવાનું નક્કી કર્યું છે. મોઇત્રા પર સંસદમાં પ્રશ્નો પૂછવા માટે લાંચ લેવાનો આરોપ છે. આરોપ છે કે હિરાનંદાની ગ્રુપના સીઈઓ દર્શન હિરાનંદાની, જે રિયલ એસ્ટેટથી લઈને એનર્જી સુધીના વિવિધ ક્ષેત્રોમાં બિઝનેસ કરે છે, તેણે મોઇત્રાને અદાણી ગ્રુપ વિશે સંસદમાં પ્રશ્નો પૂછવા માટે પૈસા આપ્યા હતા.
અદાણી અંગે સવાલો કરવાનો આરોપ : હિરાનંદાનીએ તાજેતરમાં દાવો કર્યો હતો કે મોઇત્રાએ વડાપ્રધાન નરેન્દ્ર મોદીને બદનામ કરવા અને શરમાવવા માટે અદાણી પર નિશાન સાધ્યું હતું. હિરાનંદાનીએ એફિડેવિટમાં આ દાવો કર્યો હતો. તૃણમૂલ કોંગ્રેસના પશ્ચિમ બંગાળ એકમના જનરલ સેક્રેટરી અને પ્રવક્તા કુણાલ ઘોષે કહ્યું, 'આ મુદ્દે પાર્ટી પાસે કહેવા માટે કંઈ નથી. અમને લાગે છે કે આ વિવાદ જેની આસપાસ કેન્દ્રિત છે તે વ્યક્તિ તેનો જવાબ આપવા માટે સૌથી યોગ્ય છે.
પાર્ટી આ વિવાદથી દુર જોવા મળી : તૃણમૂલ કોંગ્રેસના અન્ય એક વરિષ્ઠ નેતાએ કહ્યું કે પાર્ટી નેતૃત્વ કોઈપણ વિવાદમાં પડવા તૈયાર નથી અને તેથી તે તેનાથી અંતર જાળવી રાખશે. આ ઘટના પર પ્રતિક્રિયા આપતા ભારતીય જનતા પાર્ટી (BJP)ના નેતા રાહુલ સિન્હાએ કહ્યું કે પશ્ચિમ બંગાળની સત્તાધારી પાર્ટી તેની જવાબદારીમાંથી છટકી શકે નહીં.
મોઇત્રા સામે માનહાનિનો કેસ દાખલ કરાયો : તેમણે કહ્યું કે, 'જ્યારે પણ તેના નેતાઓની ધરપકડ થાય છે અથવા મુશ્કેલીમાં મુકાય છે ત્યારે તૃણમૂલ કોંગ્રેસ હંમેશા તેની જવાબદારી ટાળવાનો પ્રયાસ કરે છે. તૃણમૂલ કોંગ્રેસ એ જણાવવાની જરૂર છે કે તે મહુઆ મોઇત્રાને સમર્થન આપે છે કે નહીં. આ અઠવાડિયાની શરૂઆતમાં, બીજેપી સાંસદ નિશિકાંત દુબે અને વકીલ જય અનંત દેહદરાયએ આરોપ લગાવ્યો હતો કે મોઇત્રાએ સંસદમાં પ્રશ્નો પૂછવાના બદલામાં હિરાનંદાની પાસેથી લાંચ લીધી હતી. તેના જવાબમાં મોઇત્રાએ તેમની સામે દિલ્હી હાઈકોર્ટમાં માનહાનિનો કેસ દાખલ કર્યો હતો. દુબેની ફરિયાદ લોકસભા સ્પીકર ઓમ બિરલાએ સંસદની એથિક્સ કમિટીને મોકલી છે.
- Mahua Moitra Controversy: મહુઆ મોઇત્રાની અરજી પર સુનાવણી પહેલા એડવોકેટ દેહાદ્રઈનો મોટો આરોપ
- Mahua Moitra Controversy: TMC સાંસદની મહુઆ મોઇત્રાની અરજી પર 31 ઓક્ટોબરે સુનાવણી
