ઝાંસીઃ એક વિચિત્ર પ્રેમ કહાની સામે આવી છે. બે છોકરીઓ એકબીજાના પ્રેમમાં પડી હતી. પ્રેમનો રંગ એવો ચડ્યો કે એક છોકરીએ તેનું લિંગ બદલી નાખ્યું. પરંતુ હવે તેની ગર્લફ્રેન્ડ છોકરો થતાં જ લગ્નની ના પાડી દીધી. હવે ગર્લફ્રેન્ડ છોકરાને ફરી છોકરી બનવાનું કહી રહી છે. હાલ આ મામલો કોર્ટમાં પહોંચ્યો છે.
પ્રેમ માટે બદલ્યું લિંગ:લિંગ પરિવર્તન સના (હવે સુહેલ ખાન)ના વકીલ ભાગવત શરણ તિવારીના જણાવ્યા અનુસાર, ઝાંસીમાં રહેતી સના ખાનને યુવતી સોનલ શ્રીવાસ્તવ સાથે પ્રેમ થઈ ગયો હતો. યુવતીએ કહ્યું કે સાથે રહેવા માટે બેમાંથી એકનું પુરુષ હોવું જરૂરી છે. જો તારે મારી સાથે જીવન પસાર કરવું હોય તો તારે મારો છોકરો બનવું પડશે. સના ખાનનું દિલ્હીની ગંગારામ હોસ્પિટલમાં ઓપરેશન થયું અને તે પુરુષ બની ગઈ. તેણે પોતાનું નામ બદલીને સુહેલ ખાન રાખ્યું. તેણે એક હોસ્પિટલમાં સોનલ શ્રીવાસ્તવને નોકરીએ પણ લગાવી દીધી, ત્યાં સોનલને કોઈની સાથે પ્રેમ થઈ ગયો. આ પછી બંને વચ્ચે અંતર આવી ગયું.
લગ્નની ના પાડતાં લીધો કોર્ટનો આશરો:એડવોકેટ ભગવત શરણ તિવારીના જણાવ્યા અનુસાર, થોડા દિવસો પછી સના ખાન (સોહેલ ખાન) તેની પ્રેમિકાને મળ્યો અને તેને જીવનભર તેની સાથે રહેવાના વચનની યાદ અપાવી. સના ખાને કહ્યું કે તેણીના પ્રેમમાં તે છોકરીમાંથી છોકરો બની ગઈ છે, પરંતુ સોનલ પર તેની પણ કોઈ અસર થઈ નથી. સનાએ ઘણી વાર આજીજી કરી પણ સોનલનું દિલ ડગ્યું નહિ. તેણીએ એમ પણ કહ્યું કે 'હું તમારી સાથે રહી શકું એમ નથી. જો તમે મુશ્કેલીમાં હોવ તો જાઓ અને ફરીથી છોકરી બની જાઓ. આ સાંભળીને તે ખૂબ જ પરેશાન થઈ ગઈ અને અંતે તેણે કોર્ટનો આશરો લીધો.
આ પણ વાંચો:Bengaluru road rage incident : કલાકાર મહિલા, યુવકને કારના બોનેટ પર બેસાડી આખા ગામમાં ફરાવ્યો
સોશિયલ મીડિયા પર કરતાં હતા પોસ્ટ:એડવોકેટે એમ પણ જણાવ્યું કે અગાઉ પણ આ યુવતી તેની ગર્લફ્રેન્ડનો તમામ ખર્ચ ઉઠાવતી હતી અને બંને પતિ-પત્નીની જેમ રહેતી હતી. બંને વચ્ચે ઘણો પ્રેમ હતો. બંને સોશિયલ મીડિયા પર પણ પ્રેમથી ભરેલી રીલ પોસ્ટ કરતા હતા, પરંતુ હવે બંને વચ્ચે અણબનાવ છે. 18 સપ્ટેમ્બર 2017ના રોજ બંને યુવતીના લગ્ન કરાર હેઠળ થયા હતા. બંને વચ્ચેના વિવાદ બાદ સના ખાન ઉર્ફે સોહેલ ખાને 30 મે 2022ના રોજ પ્રથમ ઓનલાઈન ફરિયાદ નોંધાવી હતી. આ દાવો 3 જૂને કોર્ટમાં રજૂ કરવામાં આવ્યો હતો. આ પછી સોહેલ ખાનનું નિવેદન નોંધવામાં આવ્યું હતું. બે સાક્ષીઓ રાજુ અહિરવાર અને અજય કુમારના નિવેદનો પણ નોંધવામાં આવ્યા હતા.
સર્જરી પાછળ છ લાખ રૂપિયાનો ખર્ચ:રાજુ અહિરવાર સોહેલ ખાનનો ડ્રાઈવર હતો અને તે સમયે તે તેની સાથે લિંગ પરિવર્તન કરાવવા માટે દિલ્હીની ગંગારામ હોસ્પિટલમાં ગયો હતો. કોર્ટમાંથી સોનલ શ્રીવાસ્તવને સમન્સ મોકલવામાં આવ્યા હતા પરંતુ સોનલ શ્રીવાસ્તવે સમન્સ સ્વીકારવાનો ઈન્કાર કર્યો હતો. આ પછી વોરંટ પણ મોકલવામાં આવ્યું હતું પરંતુ સોનલ શ્રીવાસ્તવ કોર્ટમાં હાજર થઈ ન હતી. આ પછી સોનલ શ્રીવાસ્તવના નામે બિનજામીનપાત્ર વોરંટ જારી કરવામાં આવ્યું હતું. આના પર, 18 જાન્યુઆરીએ પોલીસે સોનલ શ્રીવાસ્તવની તેના સાળા મનીષ ગર્ગના ઘરેથી ધરપકડ કરી અને તેને કોર્ટમાં રજૂ કરી હતી. મેડિકલ તપાસ બાદ કસ્ટડીમાં મોકલવામાં આવી. તેને 19 જાન્યુઆરીએ કોર્ટમાં રજૂ કરવામાં આવ્યો હતો. સોનલના વકીલે જામીન માટે અરજી કરી છે. સોનલને 19 જાન્યુઆરીની સાંજે જામીન મળી ગયા. આ મામલાની આગામી સુનાવણી 23 ફેબ્રુઆરીએ થશે. સોહલ ખાનનું કહેવું છે કે તેણે સર્જરી પાછળ છ લાખ રૂપિયાનો ખર્ચ કર્યો છે.
આ પણ વાંચો:Crime news: ધોરણ 12ની વિદ્યાર્થીનીનો અશ્લીલ વીડિયો બનાવી 3 યુવકોએ આચર્યું દુષ્કર્મ
મામલો કોર્ટમાં પહોંચ્યા બાદ ધમકીઓ:સુહેલ ખાને જણાવ્યું કે સોનલ શ્રીવાસ્તવ સાથે રહેતી હતી. પરંતુ તે મોડી રાત્રે મોબાઈલ પર કોઈની સાથે ગુપ્ત રીતે વાત કરતી હતી. તેણે તેનો વિરોધ કર્યો અને આ વિવાદ અહીંથી શરૂ થયો. મામલો કોર્ટમાં પહોંચ્યા બાદ તેમના પર અનેક રીતે દબાણ કરવામાં આવ્યું હતું અને આજે પણ તેને આ મામલામાંથી ખસી જવાની ધમકી આપવામાં આવી રહી છે.
