ચાવલા ગેંગરેપ કેસ: આરોપીઓને નિર્દોષ છોડવાના સુપ્રીમ કોર્ટના નિર્ણયને દિલ્હી સરકાર પડકારશે

લેફ્ટનન્ટ ગવર્નરે ચાવલા ગેંગરેપના આરોપીઓને નિર્દોષ જાહેર કરવાના સુપ્રીમ કોર્ટના નિર્ણય સામે રિવ્યુ પિટિશન દાખલ કરવાની મંજૂરી આપી દીધી છે. (review petition in Chhawla case )આ મામલે ઉત્તરાખંડના રાજ્યસભા સાંસદ અનિલ બલુનીએ શુક્રવારે દિલ્હીના લેફ્ટનન્ટ ગવર્નર સાથે મુલાકાત કરી હતી. તેમને આ મામલે રિવ્યુ પિટિશન દાખલ કરવા વિનંતી કરી હતી.

નવી દિલ્હી: રાજધાનીમાં ચાવલા દુષ્કર્મ અને હત્યાના કેસમાં, લેફ્ટનન્ટ ગવર્નર વિનય કુમાર સક્સેનાએ દિલ્હી સરકારને ત્રણ આરોપીઓને નિર્દોષ જાહેર કરવા સામે રિવ્યુ પિટિશન દાખલ કરવાની મંજૂરી આપી છે. (review petition in Chhawla case )હવે સોલિસિટર જનરલ તુષાર મહેતા આ સનસનાટીભર્યા કેસમાં સરકારનો પક્ષ રજૂ કરશે. ફેબ્રુઆરી 2012માં દિલ્હીના ચાવલામાં દુષ્કર્મ અને હત્યાના કેસમાં સુપ્રીમ કોર્ટે 7 નવેમ્બરે આ ગેંગરેપના ત્રણેય દોષિતોને નિર્દોષ જાહેર કર્યા હતા, જ્યારે અગાઉ હાઈકોર્ટ અને નીચલી અદાલતે તેમને ફાંસીની સજા સંભળાવી હતી. કોર્ટે કહ્યું હતું કે ફરિયાદ પક્ષ પૂરતા પુરાવા રજૂ કરી શક્યું નથી.

આરોપીઓને દોષિત ઠેરવ્યા:દિલ્હી સરકાર ચાવલા ગેંગરેપ અને હત્યા કેસમાં ત્રણ આરોપીઓને મુક્ત કરવા અને સુપ્રીમ કોર્ટના નિર્ણય વિરુદ્ધ રિવ્યુ પિટિશન દાખલ કરશે.(SUPREME COURT) લેફ્ટનન્ટ ગવર્નરે કેસનું પ્રતિનિધિત્વ કરવા માટે સોલિસિટર જનરલ તુષાર મહેતા અને એડિશનલ સોલિસિટર જનરલ ઐશ્વર્યા ભાટીની નિમણૂકને પણ મંજૂરી આપી છે. ઘટનાના ત્રણ દિવસ બાદ પીડિતાનો વિકૃત મૃતદેહ મળી આવ્યો હતો અને તેના શરીર પર ઊંડા ઘા પણ જોવા મળ્યા હતા. આ કેસમાં નીચલી કોર્ટે ત્રણ આરોપીઓને દોષિત ઠેરવ્યા હતા.

શિકાર શોધે છે:દિલ્હી હાઈકોર્ટે 19 વર્ષની છોકરી સાથે સામૂહિક દુષ્કર્મના કેસમાં ફાંસીની સજા સંભળાવતા આરોપીઓ માટે ખૂબ જ આકરી ટીપ્પણી કરી હતી. હાઈકોર્ટે કહ્યું હતું કે, આ તે હિંસક પ્રાણીઓ છે, જેઓ રસ્તાઓ પર પોતાનો શિકાર શોધે છે. જો કે બાદમાં સુપ્રીમ કોર્ટની બેન્ચે આ નિર્ણયને રદ કર્યો હતો. આ ઘટનાએ સમગ્ર દેશને હચમચાવી નાખ્યો હતો. પોલીસ દ્વારા દાખલ કરવામાં આવેલી ચાર્જશીટ મુજબ, ગુનેગારોએ પીડિતાની આંખોમાં એસિડ રેડ્યું અને તેના પ્રાઈવેટ પાર્ટને ગરમ લોખંડથી સળગાવી દીધા. આ સાથે તેણે ક્રૂરતાની તમામ હદો પાર કરીને તેના પ્રાઈવેટ પાર્ટમાં તૂટેલી બોટલો નાખી દીધી હતી.

બાળકીનો વિકૃત મૃતદેહ :પોલીસ રિપોર્ટ અનુસાર, યુવતી તેની ઓફિસથી પરત ફરી રહી હતી ત્યારે દિલ્હીના કુતુબ વિહાર વિસ્તારમાંથી ત્રણ શખ્સોએ તેનું અપહરણ કર્યું હતું. આ કેસની ફરિયાદ પર પશ્ચિમ દિલ્હીના ચાવલા પોલીસ સ્ટેશનમાં અપહરણનો કેસ નોંધવામાં આવ્યો હતો. આ પછી, 13 ફેબ્રુઆરીએ પોલીસે ત્રણેય આરોપીઓની ધરપકડ કરી અને તેમની કાર જપ્ત કરી હતી. બાદમાં હરિયાણાના રેવાડી જિલ્લાના રોધાઈ ગામમાં એક ખેતરમાંથી બાળકીનો વિકૃત મૃતદેહ મળી આવ્યો હતો.