મુકેશ અંબાણીના ઘરની બહાર મળેલી શંકાસ્પદ કાર મામલે જૈશ ઉલ હિંદે જવાબદારી સ્વીકારી

મુકેશ અંબાણીના ઘર એન્ટિલિયા બાહર મળેલી શંકાસ્પદ કાર મામલે તપાસ મુંબઇ ક્રાઇમ બ્રાન્ચ દ્વારા કરવામાં આવી રહી છે. આ કાર ઇસ્ટર્ન એકપ્રેસ હાઇ-વે પરથી ચોરી થઇ હતી. જેની ફરિયાદ કાર માલિકે વિક્રોલી પોલીસ સ્ટેશનમાં નોંધાવામાં આવી હતી. આ સમગ્ર મામલે મુંબઇ પોલીસની 10 ટીમ કામ કરી રહી છે.

• જૈશ ઉલ હિંદે જવાબદારી સ્વીકારી
  
• ઉદ્યોગપતિ મુકેશ અંબાણીના ઘર નજીક વિસ્ફોટકોથી ભરેલી ગાડી મળી
• ATS અને ક્રાઇમ બ્રાંચની ટીમ સ્થળ પર કરી રહી છે તપાસ

મહારાષ્ટ્ર : દેશના સૌથી ધનિક વ્યક્તિ અને ઉદ્યોગપતિ મુકેશ અંબાણીના ઘર એન્ટિલિયાની બાહર મળી સંદિગ્ધ કાર મામલે આતંકી સંગઠન જૈશ ઉલ હિન્દે જવાબદારી સ્વીકારી છે. આ આતંકી સંગઠને ટેલીગ્રામ એપના માધ્યમથી આ વાતની જવાબદારી સ્વીકારી છે. ઉલ્લેખનીય છે કે, થોડા દિવસ અગાઉ આ સંગઠને દિલ્હીમાં ઇઝરાયલના દૂતાવાસ બહાર વિસ્ફોટ કરવાની પણ જવાબદારી લીધી હતી.

સંદેશો મોકલી તપાસ એન્જસીને પડકાર ફેક્યો

આતંકી સંગઠન જૈશ ઉલ હિન્દે એક સંદેશો મોકલી તપાસ એન્જસીને પડકાર ફેક્યો છે. આ મેસેજમાં લખ્યું હતું કે, રોકી શકતા હોય તો રોકી લો, તમારાથી કશું જ કરી શક્યા ન હતા, જ્યારે દિલ્હીમાં માર્યા હતા. તમે મોસાદ સાથે હાથ મેળવ્યો, તેમ છતા તમારાથી કશું જ ન થયું. તમે લોકો પૂરી રીતે નિષ્ફળ નિવડ્યા છો, અને પણ તમે આગળ પણ અસફળ જ રહેશો. સંદેશાના અંતમાં લખ્યું હતું કે, (અંબાણી માટે) તમને ખબર છે, તમારે શું કરવાનું છે. બસ પૈસા ટ્રાન્સફર કરી દો જે તમને પહેલા જણાવવામાં આવ્યા હતા.

જાણો સમગ્ર ઘટનાની વિગતો

મુંબઈમાં ઉદ્યોગપતિ મુકેશ અંબાણીના ઘર નજીક વિસ્ફોટકોથી ભરેલી ગાડી મળી આવી છે. મહારાષ્ટ્રના ગૃહ પ્રધાન અનિલ દેશમુખે કહ્યું કે, એન્ટિલિયાની બહાર પાર્ક કરેલી એક શંકાસ્પદ કારમાંથી જિલેટીન મળી આવ્યા છે. મુંબઈ પોલીસની ટીમ સ્થળ ઉપર પહોંચી તપાસ કરી રહી છે.

દેશના સૌથી ધનિક ઉદ્યોગપતિ મુકેશ અંબાણીના નિવાસસ્થાન એન્ટિલિયાની બહાર શંકાસ્પદ કાર અને 20 જિલેટીન સડીઓ મળી આવી છે. મુંબઈ પોલીસની ટીમ ઘટના સ્થળે પહોંચી ગઈ હતી અને અંબાણીના ઘરની નજીકમાં ઘણી સુરક્ષા ગોઠવવામાં આવી છે.

ઉદ્યોગપતિ મુકેશ અંબાણીના ઘરની બહાર દારૂગોળો ભરેલી સ્કોર્પિયો ઊભી રાખનારા આરોપીની ઓળખ થઈ ચૂકી છે. આ અંગેની માહિતી સૂત્રો તરફથી પ્રાપ્ત થઈ છે. આ સ્કોર્પિયોની પાછળ એક સફેદ રંગની ઈનોવા કાર મુંબઈ પોલીસે શોધી કાઢી છે. મુંબઈ પોલીસે તેની મદદથી જ મુખ્ય આરોપી સુધી પહોંચવાની તૈયારી કરી છે. ક્રાઈમબ્રાન્ચ ઝડપથી જ મુખ્ય આરોપીને પકડવાનો દાવો કરી રહી છે.