TRF Terrorist Associate: જમ્મુના બારામુલામાંથી લશ્કર-એ-તૈયબાના આતંકવાદીની કરાઈ ધરપકડ

આ સંયુક્ત ઓપરેશન 2જી બટાલિયન SSB, આર્મી 29 RR અને બારામુલ્લા પોલીસ દ્વારા હાથ ધરવામાં આવ્યું હતું. આ ઓપરેશન દરમિયાન આતંકવાદી સંગઠન ધ રેઝિસ્ટન્સ ફ્રન્ટ (TRF)ના એક સભ્યની હથિયારો સાથે ધરપકડ કરવામાં આવી હતી.

નવી દિલ્હી: ભારતીય સેના અને જમ્મુ-કાશ્મીર પોલીસ તાજેતરના દિવસોમાં આતંકવાદીઓ વિરુદ્ધ અનેક ઓપરેશન ચલાવી રહી છે. સેનાએ તેના તાજેતરના નિવેદનમાં સ્પષ્ટ કર્યું છે કે, જ્યાં સુધી આતંકવાદીઓનો ખાત્મો નહીં થાય ત્યાં સુધી તે પોતાનું ઓપરેશન ચાલુ રાખશે. બુધવારે જમ્મુ પોલીસ અને સુરક્ષા દળોની સંયુક્ત ટીમે સર્ચ ઓપરેશન શરૂ કર્યું હતું. આ ઓપરેશન દરમિયાન આતંકવાદી સંગઠન ધ રેઝિસ્ટન્સ ફ્રન્ટ (TRF)ના એક સભ્યની હથિયારો સાથે ધરપકડ કરવામાં આવી હતી. સત્તાવાર નિવેદન અનુસાર, આતંકવાદીનું નામ અલી મોહમ્મદ ભટ હતું. પોલીસે જણાવ્યું કે, ભાટ પાસેથી AK-47ના 71 જીવંત રાઉન્ડ મળી આવ્યા છે.

આ પણ વાંચો:Smriti Irani targets Rahul : સ્મૃતિ ઈરાનીએ કહ્યું રાહુલ ગાંધીએ સંસદમાંથી ભાગવાને બદલે આવીને માફી માંગવી જોઈએ

ટાર્ગેટ કિલિંગના આરોપીની ધરપકડ: એવું કહેવામાં આવ્યું હતું કે, આ સંયુક્ત ઓપરેશન 2જી બટાલિયન SSB, આર્મી 29 RR અને બારામુલ્લા પોલીસ દ્વારા હાથ ધરવામાં આવ્યું હતું. સત્તાવાર નિવેદન અનુસાર, આતંકવાદી સંગઠન ધ રેઝિસ્ટન્સ ફ્રન્ટના અલી મોહમ્મદ ભટની સિંઘપોરા પટ્ટન ખાતે નાકા ચેકિંગ દરમિયાન ધરપકડ કરવામાં આવી હતી. નોંધપાત્ર રીતે, આના બે દિવસ પહેલા સોમવારે સોપોર પોલીસ અને આર્મી (22RR) ના સંયુક્ત સર્ચ ઓપરેશન દરમિયાન સોપોરમાં એક આતંકવાદી અને ટાર્ગેટ કિલિંગના આરોપીની ધરપકડ કરવામાં આવી હતી.

આ પણ વાંચો:Lawrence Bishnoi interview : પંજાબમાં સિદ્ધુ મૂઝવાલા મર્ડર કેસના આરોપીનો ઈન્ટરવ્યુ, જેલની સુરક્ષા પર ઉઠી રહ્યા છે સવાલ

સર્ચ ઓપરેશન કરાયું: પોલીસ નિવેદન અનુસાર, આતંકવાદી અવૈસ અહેમદ મીર પણ ધ રેઝિસ્ટન્સ ફ્રન્ટ (TRF) માટે કામ કરતો હતો. પોલીસે અહેમદ મીર પાસેથી એક પિસ્તોલ, આઠ ગોળીઓ અને એક હેન્ડ ગ્રેનેડ જપ્ત કર્યો હતો. જણાવવામાં આવ્યું હતું કે, આ કાર્યવાહી ડાંગરપુરા વિસ્તારના મદીના બાગ મોહમાં થઈ હતી. સર્ચ ઓપરેશન દરમિયાન પોલીસની ઘેરાબંધી વધતાં જ એક આતંકીએ ભાગવાનો પ્રયાસ કર્યો હતો, પરંતુ તેને સફળતા ન મળી.