આંધ્રપ્રદેશ: આંધ્રપ્રદેશના કુર્નૂલમાં મિત્રએ જ મિત્રની હત્યા કરી નાખી. તેની પાછળનું કારણ એ હતું કે, તે તેની ગર્લફ્રેન્ડને બ્લેકમેલ કરતો હતો. જાન્યુઆરીમાં ચાકુ મારીને કરાયેલ હત્યા કેસમાં પોલીસે ખુલાસો કર્યો છે કે, હત્યા કરનાર વ્યક્તિ કેટલાક ન્યૂડ વીડિયોના નામે આરોપીની પ્રેમિકાને બ્લેકમેલ કરતો હતો.
આ પણ વાંચો:Russia Ukraine war resolution: UNGAમાં યુક્રેન યુદ્ધ પર કરાયો ઠરાવ પસાર, ભારત-ચીન સહિત 32 દેશોએ રાખ્યું અંતર
મોબાઈલમાં રેકોર્ડ કર્યા અશ્લીલ વીડિયો:પોલીસ રિપોર્ટ અનુસાર કુર્નૂલ મંડળના બાલાજીનગરની એરુકલી દિનેશ તેની ડિગ્રીનો અભ્યાસ કરી રહી છે. ફૂલ ડેકોરેટર તરીકે કામ કરતા મલ્લેપોગુ મુરલીકૃષ્ણ (22) સાથે તેની મિત્રતા હતી. રિપોર્ટ અનુસાર, દિનેશે તેની ગર્લફ્રેન્ડના કેટલાક અશ્લીલ વીડિયો પોતાના મોબાઈલમાં રેકોર્ડ કર્યા હતા. એક દિવસ મુરલીકૃષ્ણે ગુપ્ત રીતે તે વીડિયો તેના ફોન પર મોકલ્યા. આ પછી તેણે યુવતીને બોલાવી તેની છેડતી કરવાનું શરૂ કર્યું. તેણે આ વીડિયો પરિવારના સભ્યો અને સંબંધીઓને મોકલવાની ધમકી આપવાનું શરૂ કર્યું. આ ત્રાસથી કંટાળીને યુવતીએ આપઘાતનો પ્રયાસ કર્યો હતો. તેને હોસ્પિટલમાં દાખલ કરવામાં આવ્યો હતો.
છરીના ઘા મારીને હત્યા કરી:આ ઘટના બાદ દિનેશને મુરલીકૃષ્ણ સામે નારાજગી રહેવા લાગી હતી. તેણે તેના અન્ય મિત્ર કિરણ કુમાર સાથે પ્લાનિંગ કર્યું. 25 જાન્યુઆરીના રોજ, દિનેશ અને કિરણ કુમાર મુરલીકૃષ્ણને બાઇક પર શહેરની સીમમાં આવેલા પંચલિંગલા લઇ ગયા હતા. જ્યાં મુરલીકૃષ્ણને છરીના ઘા મારીને હત્યા કરવામાં આવી હતી. ત્યારબાદ એક ઓટો ભાડે લેવામાં આવી અને નન્નુરુ ટોલ પ્લાઝા પાસે એચએનએસએસ કેનાલમાં મૃતદેહને ફેંકી દેવામાં આવ્યો. તેઓએ મૃતકના મોબાઈલ ફોન અને કપડા અલગ અલગ જગ્યાએ ફેંકી દીધા હતા.
આ પણ વાંચો:Wedding in Hospital : લગ્નના એક દિવસ પહેલા દુલ્હન બીમાર પડી તો વરરાજાએ હોસ્પિટલમાં પહેરાવી વરમાલા
પોલીસ કરી રહી છે મૃતદેહની શોધ: જ્યારે મુરલીકૃષ્ણ ઘરે પરત ન ફર્યા ત્યારે તેમના માતા-પિતાએ શક્ય દરેક જગ્યાએ તેમની શોધ કરી. 16મીએ કુર્નૂલ તાલુકા શહેરી પોલીસ સ્ટેશનમાં ફરિયાદ નોંધાઈ હતી. પોલીસે દિનેશની પૂછપરછ કરતાં સમગ્ર રહસ્ય ખુલ્યું હતું. પોલીસ હાંડરી-નીવા કેનાલમાં મૃતદેહની શોધ કરી રહી છે.
