રાજ્યપાલનુ પેજ થયુ હેક, રિકવરી માટે મથામણ શરુ

કેરળના રાજ્યપાલનું ફેસબુક પેજ હેક કરવામાં આવ્યું છે.(Kerala Gov Facebook page hacked) આ માહિતી ખુદ ગવર્નર આરિફ મોહમ્મદ ખાને ટ્વીટ કરીને આ જાણકારી આપી છે.

કેરળ:કેરળના રાજ્યપાલનું ફેસબુક પેજ હેક કરવામાં આવ્યું છે. ગવર્નર આરિફ મોહમ્મદ ખાને ટ્વીટ કરીને આ જાણકારી આપી. કેરળ રાજભવન પીઆરઓએ એક નિવેદન જારી કરીને કહ્યું હતુ કે, "રાજ્યપાલ આરિફ મોહમ્મદ ખાનનું ફેસબુક પેજ શનિવાર સવારથી હેક થયું હોવાનું જાણવા મળ્યું છે. (Kerala Gov Facebook page hacked)આ બાબતની જાણ કરવામાં આવી છે અને પેજને પુનઃસ્થાપિત કરવાના પ્રયાસો ચાલુ છે."

કેરળ રાજભવનના PROનુ ટ્વીટ:

ગયા મહિને, કેરળના રાજ્યપાલે આરોપ મૂક્યો હતો કે, ડિસેમ્બર 2019 માં કન્નુર યુનિવર્સિટીમાં આયોજિત એક કાર્યક્રમમાં મુખ્યમંત્રી કાર્યાલયમાં કામ કરતા એક વરિષ્ઠ નેતા તેમના પર થયેલા હુમલામાં સામેલ હતા. આ દરમિયાન રાજ્યપાલ આરિફે કહ્યું કે, કન્નુરમાં ઘણા પોલીસ કર્મચારીઓની હાજરીમાં મારા પર હુમલો કરવામાં આવ્યો હતો.

ANI ટ્વીટ:

બંધારણીય પદોઃઆરિફ મોહમ્મદ ખાન મોદી સરકારના સમર્થક માનવામાં આવે છે. આ કારણે કેન્દ્ર સરકારે તેમને મહત્વપૂર્ણ બંધારણીય પદો આપ્યા છે. તેણે CAA થી NRC સુધી પોતાનું સમર્થન વ્યક્ત કર્યું છે અને ટ્રિપલ તલાકના મુદ્દા પર સુપ્રીમ કોર્ટના નિર્ણયોનો વિરોધ કરી રહેલા નેતાઓ અને ઇસ્લામિક ઉલેમાને નિશાન બનાવ્યા છે.

તેમની વિરુદ્ધ નિવેદનોઃકટ્ટરવાદ સામે આરીફ મોહમ્મદ ખાનના આ સ્ટેન્ડને કારણે કટ્ટરવાદીઓ પણ તેમના પર ગુસ્સે છે અને તેમની વિરુદ્ધ નિવેદનો આપી રહ્યા છે. આરિફ રાજીવ ગાંધીની સરકારમાં કેબિનેટ મંત્રી પણ રહી ચૂક્યા છે. આ પછી તેઓ લાંબા સમય સુધી બસપા તરફથી લોકસભા સાંસદ પણ રહ્યા હતા.