મુંબઈઃબોલિવૂડ એક્ટર કાર્તિક આર્યન આ દિવસોમાં પોતાની આગામી ફિલ્મ 'શહઝાદા'ના પ્રમોશનમાં ખૂબ જ વ્યસ્ત છે. તે પોતાની ફિલ્મને સુપરહિટ બનાવવા માટે તમામ પ્રકારની ફોર્મ્યુલા અપનાવી રહ્યો છે. હાલમાં જ કાર્તિક આર્યન એ ફિલ્મનું નવું પોસ્ટર રિલીઝ કર્યું છે, જેમાં ફિલ્મનું એડવાન્સ બુકિંગ પણ જાહેર કરવામાં આવ્યું છે. આ ફિલ્મમાં કાર્તિક આર્યન સાથે બોલિવૂડ એક્ટ્રેસ કૃતિ સેનન પણ જોવા મળશે.
'શહઝાદા'નું નવું પોસ્ટર થયું રિલિઝ : કાર્તિક આર્યને તેની આગામી ફિલ્મ 'શહઝાદા'નું નવું પોસ્ટર ઈન્સ્ટાગ્રામ પર શેર કર્યું છે. જેના કેપ્શનમાં લખ્યું છે કે, 'જ્યારે શહઝાદાની વાત આવે છે, અમે ચર્ચા નથી કરતા, અમે સીધી ટિકિટ બુક કરીએ છીએ.' એડવાન્સ બુકિંગ શરૂ થઈ ગયું છે. નવા પોસ્ટરમાં, કૃતિ સેનન કાર્તિકના માથા પર તાજ પહેરેલી જોઈ શકાય છે. આ દરમિયાન, કેટલાક ચાહકોએ પોસ્ટના કોમેન્ટ બોક્સમાં 'શહઝાદા'ની ટીકા કરી છે. એક યુઝરે લખ્યું, 'સર, અમે ડબિંગ નથી જોતા, અમે નવી સ્ટોરી જોઈએ છીએ.' અન્ય એક યુઝરે લખ્યું, 'માફ કરશો, પરંતુ પહેલાથી જ આલા વૈકુંઠપુરમલો જોયો છે.'