Karnataka Election 2023: કર્ણાટક વિધાનસભા ચૂંટણીનો રસપ્રદ કિસ્સો, બે 'તડીપાર' ઉમેદવારો મેદાનમાં

કર્ણાટક વિધાનસભા ચૂંટણીમાં આ વખતે એવા બે ઉમેદવારોને ટિકિટ મળી છે, જેમને તેમના જ જિલ્લામાંથી તડીપાર કરાવવામાં આવ્યા છે. તેઓ છે વિનય કુલકર્ણી અને જી જનાર્દન રેડ્ડી. ધારવાડ વિધાનસભા મતવિસ્તારમાંથી ચૂંટણી લડી રહેલા કુલકર્ણીને જિલ્લામાં પ્રવેશવાની મંજૂરી નથી. બેલ્લારી જિલ્લામાં પ્રવેશવાની મંજૂરી ન મળવાને કારણે રેડ્ડીએ તેમની પત્નીને અહીં મેદાનમાં ઉતાર્યા છે.

બેંગલુરુ: બે 'તડીપાર' ઉમેદવારો વિનય કુલકર્ણી અને જી. જનાર્દન રેડ્ડી પણ કર્ણાટકમાં 10 મેના રોજ યોજાનારી વિધાનસભાની ચૂંટણીમાં પોતાનું નસીબ અજમાવી રહ્યા છે અને એક અલગ ચૂંટણી ચિત્ર રજૂ કરી રહ્યા છે. કોંગ્રેસના ઉમેદવાર કુલકર્ણી ધારવાડ મતદારક્ષેત્રમાંથી ચૂંટણી લડી રહ્યા છે પરંતુ તેમને જિલ્લામાં પ્રવેશવાની મંજૂરી નથી. જિલ્લાના ગંગાવતી વિસ્તારમાંથી કુલકર્ણીવતી તેમની પત્ની શિવલીલાએ ઉમેદવારી નોંધાવી હતી. જ્યારે રેડ્ડી બેલ્લારી જિલ્લામાં પ્રવેશ પર કોર્ટ દ્વારા લાદવામાં આવેલા પ્રતિબંધને કારણે બેલ્લારીમાં તેમની પત્ની અને પોતે કોપ્પલમાં ચૂંટણી લડી રહ્યા છે.

મતદારોને અપીલ:શિવલીલાએ જણાવ્યું હતું કે અમારા સમર્થકો અમારું સમર્થન કરી રહ્યા છે એ વિશ્વાસ સાથે કે સાહેબ અહીં આવશે. તેમની ગેરહાજરીમાં હું મતદારો પાસેથી આશીર્વાદ માંગું છું કે તેઓ મને 'સાહેબ' માને. તેમના મતદારો સુધી પહોંચવા માટે વીડિયો અને ફોન કોલ્સ જ એકમાત્ર માધ્યમ હોવાથી કુલકર્ણીએ એક વીડિયો સંદેશમાં કહ્યું કે હું તમને અને મારા મતવિસ્તારને સમર્પિત કરીશ. તમે મારી તાકાત છો, જેમણે આજે મને ટેકો આપ્યો છે.

બેલ્લારીના રેડ્ડી બ્રધર્સ: ભૂતપૂર્વ પ્રધાન કુલકર્ણીની નવેમ્બર 2020માં ધરપકડ કરવામાં આવી હતી અને જૂન 2016 માં બીજેપી નેતા અને જિલ્લા પંચાયત સભ્ય યોગેશગૌડા ગૌદરની હત્યાના સંબંધમાં તેમને ન્યાયિક કસ્ટડીમાં મોકલવામાં આવ્યા હતા. તેમને સુપ્રીમ કોર્ટે એ શરતે જામીન આપ્યા હતા કે કોર્ટની પરવાનગી વિના તેમને ધારવાડમાં પ્રવેશવા દેવામાં આવશે નહીં. ધારવાડને કર્ણાટકની સાંસ્કૃતિક રાજધાની તરીકે પણ ઓળખવામાં આવે છે. બેલ્લારીના રેડ્ડી બ્રધર્સ તરીકે જાણીતાજનાર્દન રેડ્ડીનો કિસ્સો કુલકર્ણીથી બહુ અલગ નથી.

આ પણ વાંચો:Karnataka election 2023: કર્ણાટક વિધાનસભા ચૂંટણીમાં કુલ 5,102 ઉમેદવારી પત્રો ભરાયા

ગેરકાયદેસર ખાણકામના કેસમાં તડીપાર:સર્વોચ્ચ અદાલતે કર્ણાટકના બેલ્લારી અને આંધ્રપ્રદેશના અનંતપુર અને વાયએસઆર કુડ્ડાપાહ જિલ્લાઓમાં રેડ્ડી પર ગેરકાયદેસર ખાણકામના કેસમાં પ્રવેશવા પર પ્રતિબંધ મૂક્યો છે. રેડ્ડીએ ભાજપથી અલગ થઈને 'કલ્યાણ રાજ્ય પ્રગતિ પક્ષ' (KRPP) નામની પાર્ટી બનાવી. તેમના ભાઈઓ જી કરુણાકર રેડ્ડી અને જી સોમશેખર રેડ્ડી હજુ પણ ભાજપ સાથે છે અને પક્ષની ટિકિટ પર અનુક્રમે બેલ્લારી (શહેર) અને હરપનહલ્લીથી ચૂંટણી લડી રહ્યા છે. જનાર્દન રેડ્ડીને બેલ્લારીમાં પ્રવેશવાની મંજૂરી ન હોવાથી રેડ્ડીએ કોપ્પલ જિલ્લામાં પડોશી ગંગાવતી મતવિસ્તારમાંથી ચૂંટણી લડવાનું નક્કી કર્યું. KRPP નેતાએ તેમની પત્ની લક્ષ્મી અરુણાને બેલ્લારી (સિટી) મતવિસ્તારમાંથી તેમના ભાઈ સોમશેખરા રેડ્ડી સામે મેદાનમાં ઉતાર્યા છે.

આ પણ વાંચો:KARNATAKA ELECTION 2023: કર્ણાટકમાં કોંગ્રેસના નેતા ડીકે શિવકુમારનું નામાંકન પત્ર સ્વીકારાયું

20થી 28 બેઠકો જીતવાનું લક્ષ્ય: ઉમેદવારી પત્ર ભરવાના દિવસે લક્ષ્મી અરુણાની આંખોમાં આંસુ હતા, કારણ કે ઉમેદવારી પત્ર ભરતી વખતે તેમના પતિ તેમની સાથે ન હતા. તેમણે રિંગરોડ, એરપોર્ટ, સુપરસ્પેશિયાલિટી હોસ્પિટલ અને પીવાના પાણી જેવા પ્રોજેક્ટને પૂર્ણ કરવા માટે મતદારોના આશીર્વાદ માંગ્યા હતા, જે જનાર્દન રેડ્ડીએ શરૂ કર્યા હતા પરંતુ "અધવચ્ચે જ અટકાવી દેવામાં આવ્યા હતા." જનાર્દન રેડ્ડીએ કહ્યું હતું કે, "હું ફક્ત તે મતવિસ્તારો પર ધ્યાન કેન્દ્રિત કરી રહ્યો છું જ્યાં ચૂંટણી જીતવા માટે મારી પાસે તક છે. મારું લક્ષ્ય 20 થી 28 બેઠકો જીતવાનું છે. હું ઉપલબ્ધ તાકાત સાથે બૂથ સ્તર પર પાર્ટીનું નિર્માણ કરી રહ્યો છું." તડીપાર જનાર્દન રેડ્ડી તેમની પત્ની અથવા પક્ષ દ્વારા બેલ્લારી જિલ્લામાં ઊભા કરાયેલા અન્ય ઉમેદવારો માટે પ્રચાર કરી શકતા નથી.

(PTI-ભાષા)