KARGIL VIJAY DIWAS: વડા પ્રધાન મોદીએ કારગિલના શહિદોને શ્રદ્ધાજંલી આપી

કારગિલ વિજય દિવસની 22મી વર્ષગાઠ પર પીએમ મોદીએ યુદ્ધમાં શહિદ થયેલા શહિદોને નમન કર્યું હતું અને તેમની બહાદુરીને સલામ કર્યુ હતું. પીએમએ કહ્યું કે કારગિલ યુદ્ધના શહિદોની બહાદુરી દેશવાસીઓને દરરોજ પ્રેરણા આપે છે. રક્ષામંત્રી રાજનાથ સિંહએ ત્રણે સેના પ્રમુખની સાથે દિલ્હીમાં રાષ્ટ્રીય યુદ્ધ સ્મારક પર શ્રદ્ધાજલી અર્પિત કરી.

• વડાપ્રધાન મોદીએ શહિદોને આપી શ્રદ્ધાજંલી
• રાજનાથ સિંહે શહિદ સ્મારક પર શ્રદ્ધાજંલી અર્પણ કરી
• સેનાના ત્રણેય વડાઓ પણ શ્રદ્ધાજંલી અર્પણ કરી

દિલ્હી : પ્રધાનમંત્રી નરેન્દ્ર મોદીએ સોમવારે કારગિલ વિજય દિવસની 22મી વર્ષગાઠ પર પાકિસ્તાન સાથે થયેલા યુદ્ધમાં શહિદ થયેલા શહિદોને યાદ કર્યા હતા અને કહ્યું હતું કે તેમની બહાદુરી દેશવાસીઓને દરરોજ પ્રેરીત કરે છે. વડાપ્રધાન મોદીએ ટ્વીટ કર્યું હતું કે, આપણે તેમના બલિદાનને યાદ કરીએ છે, આપણે તેમની બહાદુરીને યાદ કરીએ છે. આજે કારગિલ દિવસ પર આપણે તેમને શ્રધ્ઘાજંલી અર્પણ કરીએ છે , જેમણે દેશની રક્ષા કરતા પોતાના જીવ ન્યોછાવર કરી દીધા હતા. તેમની બહાદુરી આપણને પ્રેરણા આપે છે. વડાપ્રધાને પાછલા વર્ષે માસિક રેડિયો કાર્યક્રમ કાર્યક્રમ મન કિ બાતની એક કડીમાં કારગિલના શહિદો વિશે દેશવાસીઓ સાથે વિસ્તારથી સંવાદ કર્યો હતો. તેમણે પોતાના ટ્વીટની સાથે આ સંવાદના કેટલાક અંશ પણ ટ્વીટ કર્યા હતા.

આ પણ વાંચો :Kargil Vijay Diwas 2021 : "મારી માં આહિરાણીને કેજો, મે સામી છાતીયે ગોળી ખાદ્યી છે પીઠ પર નહીં"...

રક્ષામંત્રીએ રાષ્ટ્રીય યુદ્ધ સ્મારક પર શ્રદ્ધાજંલી આપી

કારગિલ વિજય દિવસના અવસર પર રક્ષા મંત્રી રાજનાથ સિંહ અને રાજ્ય રક્ષામંત્રી અજય ભટ્ટએ દિલ્હીના રાષ્ટ્રીય યુદ્ધ સ્મારક પર શ્રદ્ધાજંલી અર્પણ કરી હતી. આ પહેલા સેના પ્રમુખ જનરલ મનોજ મુંકુદ નરવાણે, વાયુ સેના પ્રમુખ એર ચીફ માર્શલ એ.કે.એસ ભદૌરીયા , નેવીના વાઈસ ચીફ એડમિરલ જી. અશોક કુમાર અને CISCના વાઈસ એડમિરલ અતુલ જૈને રાષ્ટ્રીય યુદ્ધ સ્મારક પર શ્રદ્ધાજંલી અર્પણ કરી હતી.

આ પણ વાંચો : રાજ્યમાં આજથી ધો-9 થી 11ના વર્ગો શરૂ

કારગિલ યુદ્ધ

ભારત અને પાકિસતાનની સેના વચ્ચે 1999માં કારગિલમાં પર્વતોમાં જંગ થયું હતું અને પછી ભારતે કારગિલના પહાડોને ફરી પોતાના કબ્જામાં લઈ લીધી હતી. આ યુદ્ધની શરૂઆત ત્યારે થઈ હતી જ્યારે પાકિસ્તાની સૈનિકોએ કારગિલના ઉંચા પહાડો પર કબ્જો કરી પોતાનું ઠેકાણું બનાવ્યું હતું.