- DRDOએ અદ્યતન ચાફ ટેકનોલોજી વિકસાવી
- દુશ્મન મિસાઇલ એટેક સામે નૌકા જહાજોની સુરક્ષા માટે ઉપયોગ
- ચાફ ટેકનોલોજીનો સફળ વિકાસએ આત્મનિર્ભર ભારત તરફનું એક બીજું પગલું
જોધપુર: ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન (DRDO)એ દુશ્મન મિસાઇલ એટેક સામે નૌકા જહાજોની સુરક્ષા માટે અદ્યતન ચાફ ટેકનોલોજી વિકસાવી છે. DRDO લેબોરેટરી, ડિફેન્સ લેબોરેટરી જોધપુર (DLJ)એ ભારતીય નૌકાદળની ગુણાત્મક આવશ્યકતાઓને પૂર્ણ કરીને આ મહત્વપૂર્ણ તકનિકના ત્રણ પ્રકારો વિકસિત કર્યા છે. જેમાં શોર્ટ રેન્જ ચાફ રોકેટ (SRCR), મીડિયમ રેન્જ ચાફ રોકેટ (MRCR) અને લોંગ રેંજ ચાફ રોકેટ (LRCR)નો સમાવેશ થાય છે. DLJ દ્વારા અદ્યતન ચાફ ટેકનોલોજીનો સફળ વિકાસએ આત્મનિર્ભર ભારત તરફનું એક બીજું પગલું છે.
આ પણ વાંચો :DRDOએ બ્રહ્મોસ સુપરસોનિક ક્રૂઝ મિસાઈલનું સફળ પરીક્ષણ કર્યું
રાજનાથસિંહે DRDO, ભારતીય નૌકાદળને અભિનંદન આપ્યા
તાજેતરમાં ભારતીય નૌસેનાએ અરબી સમુદ્રમાં તેના જહાજ પર ત્રણેય પ્રકારના પરીક્ષણો કર્યા અને તે કામગીરીને સંતોષકારક જણાઈ હતી. ચાફએ એક નિષ્ક્રીય, ખર્ચાળ ઇલેક્ટ્રોનિક તકનિક છે. જેનો ઉપયોગ દુશ્મનનાં રડાર અને રેડિયો ફ્રિક્વન્સી (RF) મિસાઇલ સિકર્સથી નૌકાદળના જહાજોને સુરક્ષિત કરવા માટે થાય છે. આ સિદ્ધિ બદલ સંરક્ષણ પ્રધાન રાજનાથસિંહે DRDO, ભારતીય નૌકાદળને અભિનંદન આપ્યા છે. નૌસેનાના વાઇસ ચીફ વાઇસ એડમિરલ જી. અશોક કુમારે ટૂંકા ગાળામાં સ્વદેશી ક્રિટિકલ ટેક્નોલોજીના વિકાસમાં DRDOના પ્રયાસોની પ્રશંસા કરી હતી અને જથ્થાબંધ ઉત્પાદન માટે મંજૂરી આપી હતી.
આ પણ વાંચો :બસ્તર એરપોર્ટ નજીક DRDOનું ડ્રોન ક્રેશ થયું
ચાફ ટેક્નોલોજી આવી રીતે બચાવે છે જહાજોને
DRDOએ ટૂંકા, મધ્યમ અને લાંબા અંતરના ચાફ રોકેટનું પરીક્ષણ કર્યું છે. જ્યારે જહાજ દુશ્મનના પ્રદેશમાં હોય, ત્યારે તેનો ઉપયોગ રડારથી બચવા માટે થઈ શકે છે. ચાફનું રોકેટ હવામાં ફાયર કરવામાં આવે છે. જે ખૂબ જ સરસ કણોનું એક વાદળ બનાવે છે. રડારમાં તે વાદળ જ દેખાય છે. તે ટાર્ગેટ જ મેન મિસાઇલ છે જેને ફાયર કરવામાં આવે છે.
