- 22 માર્ચ 2020ના રોજ વડાપ્રધાન મોદીએ કરી હતી જાહેરાત
- 1 દિવસ માટે લાગુ કરાયેલો કરફ્યૂ 45 દિવસના લોકડાઉનમાં પરિણમ્યો હતો
- લોકો આજે પણ યાદ કરે છે લોકડાઉન અને જનતા કરફ્યૂની યાદો
લખનઉ: 22 માર્ચ 2020નો દિવસ હજુપણ લોકોના મનમાં તાજો છે. તે દિવસે કોરોના વાઈરસના વધતા જતા સંક્રમણને ધ્યાનમાં રાખીને જાહેર કરફ્યૂ લાદવામાં આવ્યો હતો. જ્યારબાદ 25 માર્ચથી દેશભરમાં 45 દિવસ માટે લોકડાઉન લાદવામાં આવ્યું હતું. આ લોકડાઉન લોકોને ઘણી રીતે યાદગાર હતું. કારણ કે, તેમાં મોટી કંપનીઓથી લઈને ફેક્ટરીઓ સહિતની દરેક વસ્તુઓ બંધ કરી દેવામાં આવી હતી. જ્યારે 150 વર્ષમાં પહેલી વખત રેલવે સેવાઓ પણ બંધ કરવામાં આવી હતી.
જનતા કરફ્યૂના દિવસો આજે પણ છે લોકોને યાદ
22 માર્ચ 2020ના રોજ દેશભરમાં કોરોના વાઈરસના વધી રહેલા સંક્રમણને ધ્યાનમાં રાખીને વડાપ્રધાન નરેન્દ્ર મોદીએ જનતા કરફ્યૂ લાદવામાં આવ્યો હતો. જેને આજે એક વર્ષ પૂર્ણ થઈ ગયું છે, પરંતુ 45 દિવસથી શરૂ કરાયેલા જનતા કરફ્યૂ અને લોકડાઉનની યાદો આજે પણ લોકોના મનમાં તાજી છે. લખનઉના સામાજિક કાર્યકર્તા વિનીતા વિશ્વકર્મા કહે છે કે, "જનતા કરફ્યૂ અને લોકડાઉનના દિવસોથી તેમના જીવનમાં ઘણા પરિવર્તન આવ્યા હતા. કેટલાક અનુભવો સારા હોય છે તો કેટલાક ખરાબ પણ હોય છે. આ દરમિયાન અમે ઘણું શીખ્યા, કેટલાક મળ્યાં અને ઘણું ગુમાવ્યું."
જનતા કરફ્યૂથી લોકડાઉન સુધી પોલીસનું સ્વરૂપ બદલાયું હતું
22 માર્ચે કોરોનાને કારણે સમગ્ર દેશમાં જાહેર કરફ્યૂ લાદવામાં આવ્યો હતો. જેના બે દિવસ બાદ સમગ્ર દેશમાં 45 દિવસ સુધી લકડાઉન લાદવામાં આવ્યું હતું. કોઈને ખબર નહોતી કે, લોકડાઉનના આ દિવસો તેમના જીવનમાં મોટાપાયે પરિવર્તન લાવશે. લોકડાઉન દરમિયાન કાયદો અને વ્યવસ્થા જાળવવાનું કામ કરતા પોલીસ કર્મીઓ એક નવા સ્વરૂપમાં દેખાયા હતા. ભૂખમરાથી માંડીને દરેક જરૂરિયાતમંદોને ઘરો સુધી રાશન પુરૂ પાડવાનું કાર્ય પોલીસ દ્વારા કરવામાં આવ્યું હતું. તે જ સમયે આરોગ્ય કર્મચારીઓ દ્વારા પણ કોઈ સંકોચ વગર અન્ય લોકોની સારવાર અને સેવા માટે સંપૂર્ણ રીતે તૈયાર થઈ ગયા હતા.
