IT raid: આવકવેરા વિભાગે 94 કરોડ રોકડા, 8 કરોડની જ્વેલરી, 30 લક્ઝરી ઘડિયાળો જપ્ત કરી

આવકવેરા વિભાગે ઘણા રાજ્યોમાં દરોડા પાડ્યા છે અને લગભગ 94 કરોડ રૂપિયાની રોકડ રિકવર કરી છે. આ કાર્યવાહી 12 ઓક્ટોબરથી ચાલી રહી હતી. વિભાગે બેંગલુરુ અને પડોશી તેલંગાણા અને આંધ્રપ્રદેશના કેટલાક શહેરો તેમજ દિલ્હીમાં 55 જગ્યાઓને આવરી લીધી હતી.

બેંગલુરુ: આવકવેરા વિભાગે કર્ણાટક અને કેટલાક અન્ય રાજ્યોમાં સરકારી કોન્ટ્રાક્ટરો અને રિયલ એસ્ટેટ ડેવલપર્સ પર દરોડા પાડીને રૂ. 94 કરોડની રોકડ તેમજ રૂ. 8 કરોડની કિંમતના સોના અને હીરાના દાગીના અને 30 લક્ઝરી ઘડિયાળો જપ્ત કરી છે. સેન્ટ્રલ બોર્ડ ઑફ ડાયરેક્ટ ટેક્સે સોમવારે જણાવ્યું હતું કે, 12 ઑક્ટોબરે સર્ચ શરૂ કરવામાં આવ્યું હતું અને વિભાગ દ્વારા બેંગલુરુ અને પડોશી તેલંગાણા અને આંધ્રપ્રદેશના કેટલાક શહેરો તેમજ દિલ્હીમાં 55 જગ્યાઓ આવરી લેવામાં આવી (ncome Tax department) હતી.

રોકડ અને દાગીના જપ્ત:આવકવેરા ચોરીના આરોપોને ધ્યાનમાં રાખીને, કોન્ટ્રાક્ટરો, રિયલ એસ્ટેટ ઉદ્યોગસાહસિકો અને તેમના સંબંધીઓના ઘરો અને ઓફિસો સહિત લગભગ 55 સ્થળોએ આઇટી સર્ચ કરવામાં આવ્યું છે. આ કેસમાં 94 કરોડની રોકડ સાથે 8 કરોડની કિંમતના સોના અને હીરાના દાગીના અને 30 લક્ઝરી ઘડિયાળો મળી આવી હતી. આઇટી વિભાગે એક અખબારી યાદીમાં જણાવ્યું હતું કે યોગ્ય દસ્તાવેજોના અભાવે રોકડ અને દાગીના જપ્ત કરવામાં આવ્યા હતા.

બેંગલુરુમાં કોન્ટ્રાક્ટર અંબિકાપતિના પુત્ર અને અન્ય લોકોના ઘરે દરોડા:2 ઑક્ટોબરે, જ્યારે IT અધિકારીઓએ બેંગલુરુમાં કોન્ટ્રાક્ટર અંબિકાપતિના પુત્ર અને અન્ય લોકોના ઘરે દરોડા પાડ્યા હતા, ત્યારે લગભગ 42 કરોડ રૂપિયાની વસૂલાત કરવામાં આવી હતી. અંબિકાપતિના પુત્ર પ્રદીપના ઘરમાં સોફા નીચે 22 બોક્સમાંથી 42 કરોડ રૂપિયાની નોટો મળી આવી હતી. અધિકારીઓએ દરોડા દરમિયાન મળેલા સોનાના દાગીના અને નાણાં એકત્ર કર્યા, ગણ્યા અને જપ્ત કર્યા.