Published : Jan 17, 2024, 11:10 AM IST
|Updated : Jan 17, 2024, 11:33 AM IST
હૈદરાબાદ: ભારતની સૌથી મોટી પેસેન્જર એરલાઈન ઈન્ડિગોએ પોતાની સિસ્ટમ અપગ્રેડ કર્યા બાદ મંગળવારે રાત્રે ઓફલાઈન થઈ ગઈ, જેના કારણે મુસાફરો માટે વધુ એક મુશ્કેલીભરી સ્થિતિ પેદા થઈ ગઈ .
એરલાઈને તેની વેબસાઈટ અને તેના તમામ સોશિયલ મીડિયા હેન્ડલ્સ પર પોતાની ફ્લાઇટ મોડની જાહેરાત કરી છે. જોકે કંપનીએ બુધવારે સવારે 8.30 વાગ્યે સેવા પરત કાર્યરત થઈ જશે તેવું વચન આપ્યું હતું, તેમ છતાં નવીનતમ અપડેટ દર્શાવે છે કે વેબસાઇટ હજુ પણ અપગ્રેડની પ્રક્રિયામાંથી પસાર થઈ રહી છે.
ઈન્ડિગોએ પોતાની જાહેરાતમાં જણાવ્યું હતું કે, તેની વેબસાઈટ, મોબાઈલ એપ અને કોલ સેન્ટર કામ કરશે નહીં અને તેથી ચોક્કસ સમયમર્યાદામાં કોઈ બુકિંગ અને સુધારા-વધારા કરવામાં આવશે નહીં. એરલાઈને જણાવ્યું કે "અમે ફ્લાઇટ મોડ પર છીએ. ગ્રાહકોને શ્રેષ્ઠ અનુભવ આપવા માટે અમારી સિસ્ટમ અપગ્રેડ કરવાની પ્રક્રિયામાંથી પસાર થઈ રહ્યાં છીએ"
ઇન્ડિગોએ જણાવ્યું હતું કે, "જ્યારે અમે અવિરત ફ્લાઇટ ઓપરેશનને સુનિશ્ચિત કરી રહ્યા છીએ, ત્યારે સેલ્ફ બેગેજ ડ્રોપ અને ડિજી યાત્રા અનુપલબ્ધ રહેશે, અને અમારી વેબસાઇટ, મોબાઇલ એપ્લિકેશન અને સંપર્ક કેન્દ્રને અસર થવાના કારણે કોઈ બુકિંગ/મોડિફિકેશન/વેબ ચેક-ઇન થઈ શકશે નહીં''
સેવા બંધ થવાથી દેશભરના મુસાફરોને ઘણી અસુવિધા થઈ છે. જેમ કે મુસાફરોને ટિકિટ બુકિંગ, ફ્લાઇટ એડજસ્ટમેન્ટ અથવા વેબ ચેક-ઇન કરવામાં મુશ્કેલીઓ નડી.સિસ્ટમ બંધ થવાથી વિવિધ એરપોર્ટ પર અસ્તવ્યસ્ત સ્થિતિ પણ સર્જાઈ, કારણ કે મુસાફરોને જાતે જ માહિતી માંગવી પડી હતી. તેના કારણે ઈન્ડિગોના કાઉન્ટર્સ પર લાંબી કતારો અને વિવાદો પણ સર્જાયા હતા.
