IND VS SA 2ND TEST MATCH : દક્ષિણ આફ્રિકા સામેની બીજી ટેસ્ટ મેચમાં ભારતીય ટીમમાં થઇ શકે છે મોટા ફેરફાર

ભારત અને આફ્રિકા વચ્ચે ટેસ્ટ સિરીઝની બીજી મેચ 3 જાન્યુઆરીથી રમાશે. પ્રથમ મેચમાં તેના નિરાશાજનક પ્રદર્શન બાદ બીજી ટેસ્ટમાં ભારતીય ટીમમાં બે ફેરફાર જોવા મળી શકે છે. વાંચો પૂરા સમાચાર...

નવી દિલ્હી : આફ્રિકા અને દક્ષિણ આફ્રિકા વચ્ચે બે મેચોની શ્રેણીની પ્રથમ ટેસ્ટ મેચ રમાઈ ગઈ છે. પ્રથમ ટેસ્ટ મેચમાં ભારતીય ટીમને આફ્રિકા સામે કારમી હારનો સામનો કરવો પડ્યો હતો. ભારતીય ટીમ બેટિંગ અને બોલિંગમાં કંઈ ખાસ કરી શકી નથી. પ્રથમ દાવમાં રાહુલની સદી અને બીજી ઈનિંગમાં વિરાટની અડધી સદી સિવાય કોઈ બેટ્સમેન સારુ પ્રદર્શન કરી શક્યા નથી. બોલિંગમાં જસપ્રીત બુમરાહે 4 અને મોહમ્મદ સિરાજે બે વિકેટ ઝડપી હતી. બાકીના તમામ બોલરોએ એક-એક વિકેટ લીધી હતી.

પ્રથમ મેચમાં હાર મળી હતી : પ્રથમ ટેસ્ટમાં નિરાશાજનક પ્રદર્શન બાદ બીજી ટેસ્ટ મેચ માટે ભારતીય ટીમમાં બે ફેરફાર થઈ શકે છે. બીજી ટેસ્ટમાં રવિચંદ્રન અશ્નીનના સ્થાને રવિન્દ્ર જાડેજાને ટીમમાં સામેલ કરવામાં આવી શકે છે. રવિચંદ્રન અશ્વિને પ્રથમ દાવમાં 2.16ની ઇકોનોમી સાથે 19 ઓવરમાં 41 રન આપીને 1 વિકેટ લીધી હતી. આ જ ટીમ મેનેજમેન્ટ પ્રસિદ્ધ કૃષ્ણના સ્થાને મુકેશ કુમારને ટીમમાં સામેલ કરી શકે છે. પ્રસિદ્ધ કૃષ્ણાએ પણ પ્રથમ મેચમાં 20 ઓવર ફેંકી હતી પરંતુ તે માત્ર એક જ વિકેટ લઈ શક્યો હતો. તેણે 4.65ની ઈકોનોમી સાથે 93 રન આપ્યા હતા.

મુકેશ કુમારનું પ્રદર્શન : જ્યારે મુકેશ કુમારે અત્યાર સુધી 1 ટેસ્ટ મેચ રમી છે. તેણે એક મેચની બે ઇનિંગ્સમાં બોલિંગ કરી છે. આ દરમિયાન તેણે 10 રન આપીને 2 વિકેટ લીધી છે. જો મુકેશ કુમારને ટીમમાં સામેલ કરવામાં આવે છે તો આ તેની બીજી ટેસ્ટ મેચ હશે.

જાડેજાનું પ્રદર્શન : ભારતના અનુભવી ઓલરાઉન્ડર રવિન્દ્ર જાડેજાની વાત કરીએ તો તે અત્યાર સુધીમાં 67 ટેસ્ટ મેચ રમી ચૂક્યો છે. જાડેજાએ 67 ટેસ્ટ મેચની 98 ઇનિંગ્સમાં 2804 રન બનાવ્યા છે. જેમાં 3 સદી અને 19 અડધી સદી સામેલ છે. જાડેજાનું ટેસ્ટમાં સર્વશ્રેષ્ઠ પ્રદર્શન અણનમ 175 રન છે. બોલિંગની વાત કરીએ તો જાડેજાએ 67 મેચની 128 ઇનિંગ્સમાં બોલિંગ કરી છે. 275 વિકેટ લીધી છે. રવિન્દ્ર જાડેજાનું એક મેચમાં સર્વશ્રેષ્ઠ પ્રદર્શન 42 રનમાં 7 વિકેટ છે.