નવી દિલ્હી:યુક્રેનમાં ઇન્ડિયન એમ્બેસીએ ગુરુવારે (INDIAN EMBASSY IN UKRAINE) ભારતીય નાગરિકોને ગભરાશો નહીં અને તમે જ્યાં પણ હોવ ત્યાં સુરક્ષિત રહેવા કહ્યું છે. એમ્બેસીએ કહ્યું કે, નાગરિક વિમાનો માટે યુક્રેન એરસ્પેસ બંધ (Airlines suspended from Ukraine) થવાને ધ્યાનમાં રાખીને ભારતીય નાગરિકોને બહાર કાઢવા માટે વૈકલ્પિક વ્યવસ્થા કરવામાં આવી રહી છે. જેવી વ્યવસ્થાને આખરી ઓપ આપવામાં આવશે કે તરત જ દૂતાવાસ તેના વિશે જાણ કરશે.
આ પણ વાંચો:Ukraine Russia crisis : યુક્રેને રશિયા સાથેના રાજનિતિક સંબંધો તોડી નાખ્યા, રાષ્ટ્રપતિએ કરી ઘોષણા
ઇન્ડિયન એમ્બેસીએ 2 એડવાઈઝરી જારી કરી
રશિયાએ યુક્રેન વિરુદ્ધ (Ukraine Russia crisis) લશ્કરી કાર્યવાહી શરૂ કર્યાના થોડા (Russia Attack Ukraine) કલાકોના ગાળામાં ઇન્ડિયન એમ્બેસીએ 2 એડવાઈઝરી (Indian Embassy Advisory) જારી કરી હતી. ભારતીય દૂતાવાસે કહ્યું કે, યુક્રેનની વર્તમાન (Ukraine Helpline for Indian) સ્થિતિ અત્યંત અનિશ્ચિત છે. મહેરબાની કરીને ગભરાશો નહીં અને તમે જ્યાં પણ હોવ ત્યાં સુરક્ષિત રહો, પછી તે ઘરમાં હોય, હોસ્ટેલ હોય કે અન્ય કોઈ રહેઠાણમાં હોય અથવા તેની વચ્ચે ક્યાંક હોય. એમ્બેસીએ જણાવ્યું હતું કે, કિવની મુસાફરી કરનારા, જેમાં કિવનો પશ્ચિમ ભાગ શામેલ છે, તેમને અસ્થાયી રૂપે તેમના શહેરોમાં, પ્રાધાન્યમાં સુરક્ષિત સ્થળોએ પાછા ફરવાની સલાહ આપવામાં આવે છે.
વિદેશ મંત્રાલય યુક્રેન સંકટ પર ઉચ્ચ સ્તરીય બેઠક યોજી રહ્યું છે
ભારતીય દૂતાવાસે બીજા પરામર્શમાં કહ્યું કે, તે આથી યુક્રેનમાં રહેતા તમામ ભારતીયોને જાણ કરવામાં આવે છે કે, યુક્રેનિયન એરસ્પેસ બંધ થવાને કારણે વિશેષ ફ્લાઇટ રદ કરવામાં આવી છે. દૂતાવાસે કહ્યું કે, ભારતીય નાગરિકોને બહાર કાઢવા માટે વૈકલ્પિક વ્યવસ્થા કરવામાં આવી રહી છે. નવી દિલ્હીમાં સત્તાવાર સૂત્રોએ જણાવ્યું કે, વિદેશ મંત્રાલય યુક્રેન સંકટ પર ઉચ્ચ સ્તરીય બેઠક યોજી રહ્યું છે અને આકસ્મિક યોજનાઓ પર કામ ચાલી રહ્યું છે.
ભારતીયોને કેવી રીતે મદદ કરવી તેના પર ધ્યાન કેન્દ્રિત
ભારત પૂર્વ યુરોપિયન દેશમાંથી તેના નાગરિકો, ખાસ કરીને વિદ્યાર્થીઓને મદદ કરવા માટેના પગલાં પર ધ્યાન કેન્દ્રિત કરી રહ્યું છે. ભારત યુક્રેનમાં ઝડપથી બદલાતી પરિસ્થિતિ પર નજીકથી નજર રાખી રહ્યું છે અને ભારતીયોને કેવી રીતે મદદ કરવી તેના પર ધ્યાન કેન્દ્રિત કરી રહ્યું છે.
આ પણ વાંચો:શું સંકેત છે પીએમ ખાનની રશિયા મુલાકાત? આર્થિક સહયોગ સહિતના મુદ્દાઓ પર ચર્ચા
યુક્રેનમાં અત્યારે 20 હજાર ભારતીયોછે
તેમણે જણાવ્યું કે, અમે ઝડપથી બદલાતી સ્થિતિ પર નજીકથી નજર રાખી રહ્યા છીએ. અમારું સંપૂર્ણ ધ્યાન ભારતીય નાગરિકો, ખાસ કરીને વિદ્યાર્થીઓની સુરક્ષા પર છે. વિદેશ મંત્રાલય દ્વારા થોડા દિવસો પહેલા સ્થાપિત કરાયેલા કંટ્રોલ રૂમનો વિસ્તાર કરવામાં આવી રહ્યો છે અને તેને 24 કલાક કામકાજના ધોરણે ચલાવવામાં આવી રહ્યો છે. અંદાજ મુજબ યુક્રેનમાં અત્યારે 20 હજાર ભારતીયો છે. કોંગ્રેસ મીડિયા સેલના વડા રણદીપ સિંહ સુરજેવાલાએ મોદી સરકાર પર નિશાન સાધ્યું છે. સુરજેવાલાએ કહ્યું કે, ભારતીય નાગરિકોને સમયસર બહાર કાઢી શકાયા હોત, પરંતુ તેમ કરવામાં આવ્યું ન હતું.
