ઉત્તરાખંડ : ભારતીય ક્રિકેટ ટીમનો ફાસ્ટ બોલર મોહમ્મદ શમી આ દિવસોમાં નૈનીતાલની સુંદર ખીણોના પ્રવાસે છે. મોહમ્મદ શમીની સામે એક કાર ખાડામાં પડી હતી. મોહમ્મદ શમીએ સોશિયલ મીડિયા પર એક વીડિયોમાં આ જાણકારી આપી છે. તેમની સામેથી જતી એક કાર ખાડામાં પડી હતી. આ દરમિયાન મોહમ્મદ શમીએ પોતાનું વાહન રોક્યું અને કાર સવારની મદદ કરી હતી.
ભારતીય ક્રિકેટ ટીમના ફાસ્ટ બોલર મોહમ્મદ શમીએ એવું તો કર્યું કે તેનો વિડિયો થયો વાયરલ...
Team India Fast Bowler Mohammed Shami : ભારતીય ક્રિકેટ ટીમના ફાસ્ટ બોલર મોહમ્મદ શમીએ અકસ્માતમાં ઘાયલ કાર સવારને મદદ કરી હતી. મોહમ્મદ શમી નૈનીતાલની મુલાકાતે આવ્યો હતો, ત્યારે તેની સામે એક કાર ખાડામાં પડી હતી. જે બાદ તેણે પોતાનું વાહન રોક્યું અને કાર સવારની મદદ કરી અને તેને બીજા વાહનમાં મોકલી દીધો હતો. મોહમ્મદ શમીએ સોશિયલ મીડિયા પર એક વીડિયોમાં આ માહિતી શેર કરી છે.
Etv Bharat
Published : Nov 26, 2023, 12:54 PM IST
અકસ્માત થયેલ લોકોની મદદ કરી : ભારતીય ક્રિકેટ ટીમનો ફાસ્ટ બોલર મોહમ્મદ શમી શનિવારે નૈનીતાલ પહોંચ્યો હતો. નૈનીતાલથી ઘરે પરત ફરતી વખતે, મોહમ્મદ શમીની સામે ઘાટગઢ પાસે દિલ્હીના પ્રવાસીઓની કાર કાબૂ બહાર નીકળી ગઈ અને રસ્તા પરથી પડી ગઈ. આ પછી મોહમ્મદ શમી અને તેની સાથે હાજર લોકોએ કાર રોકી અને ખાઈમાં પડી ગયેલા વાહનમાંથી ઘાયલોને બહાર કાઢ્યા હતા. મોહમ્મદ શમીએ પોતાના સોશિયલ મીડિયા એકાઉન્ટ પર આ ઘટનાની માહિતી શેર કરતા લખ્યું કે ભગવાને આ લોકોને બિજુ જિવન આપ્યું છે. તેઓ નસીબદાર છે કે અકસ્માત દરમિયાન ઘાયલ થયેલા લોકોને થોડી ઈજા થઈ હતી, તેઓને સુરક્ષિત રીતે બચાવીને રસ્તા પર લાવવામાં આવ્યા હતા, ત્યારબાદ તેઓને અન્ય વાહનોમાં તેમના ઘરે મોકલવામાં આવ્યા હતા. મોહમ્મદ શમી જ્યારે અમરોહા તરફ પરત ફરી રહ્યો હતો ત્યારે તેની સામેની કાર બેકાબુ થઈ ગઈ અને લગભગ 50 ફૂટ ઊંડી ખાઈમાં પડી ગઈ હતી.
મોહમ્મદ શમી નૈનીતાલની મુલાકાતે ; નોંધનીય છે કે ભારતીય ક્રિકેટ ટીમનો ફાસ્ટ બોલર મોહમ્મદ શમી આ દિવસોમાં લેક સિટી નૈનીતાલની મુલાકાતે આવ્યો છે. ગઈકાલે મોહમ્મદ શમીએ નૈની તળાવમાં નૌકાવિહારની મજા માણી હતી. જ્યારે મોહમ્મદ શમીએ નૈનીતાલની સુંદર ખીણોનો ભરપૂર આનંદ માણ્યો હતો. શમી તેના મોટા ભાઈની દીકરીઓ યમુના, ફાતિમા અને પિતરાઈ ભાઈ અમીરાને ઘરે લઈ જવા નૈનીતાલની એક ખાનગી શાળામાં પહોંચ્યો હતો. શાળામાં અચાનક મોહમ્મદ શમીને જોઈને શાળાની છોકરીઓ અને શિક્ષકો આશ્ચર્યચકિત થઈ ગયા. મોહમ્મદ શમીએ આ દરમિયાન મીડિયાથી અંતર જાળવી રાખ્યું હતું. સાથે જ મોહમ્મદ શમીએ સોશિયલ મીડિયા પર નૈનીતાલની પોતાની તસવીર અને યાદો શેર કરી છે.