રાજસ્થાનમાં ઇન્ડિયન એર ફોર્સનું મિગ 21 એરક્રફ્ટ ક્રેશ થયું, પાયલટ સુરક્ષિત

ઇન્ડિયન એર ફોર્સનું મિગ 21 બાયસન એરક્રફ્ટ શ્રીગંગાનગરના સુરતગઢમાં ટેકનિકલ ખામી સર્જાવાને કારણે ક્રેશ થયું હતું. સદ્દનસીબે આ દુર્ધટનામાં પાયલટનો સુરક્ષિત રીતે બચાવ થયો છે. સેના દ્વારા આ અકસ્માતની તપાસ માટે કોર્ટ ઓફ ઇન્કવાયરીના આદેશ આપવામાં આવ્યો છે.

• ઇન્ડિયન એર ફોર્સનું મિગ 21 એરક્રફ્ટ ક્રેશ
• દુર્ઘટનામાં પાયલટ સુરક્ષિત
• ટેક ઓફ કર્યા બાદ થોડા સમયમાં વિમાન ક્રેશ

જયપુર : રાજસ્થાનના શ્રીગંગાનગર જિલ્લામાં આવેલા સુરતગઢમાં મિગ 21 બાઇસન એરક્રાફ્ટ ક્રેશ થઇ ગયું હતું. સેનાએ આપેલી માહિતી અનુસાર મિગ 21 બાયસન એરક્રાફ્ટ(MIG-21)માં ટેકનિકલ ખામી સર્જાવાને કારણે 8:15 કલાકે ક્રેશ થયું હતું. આ ક્રેશ સુરતગઢના એરબેઝ આસપાસ થયું હતું, જોકે આ દુર્ઘટનામાં પાયલટનો સુરક્ષિત બચાવ થયો છે.

સેના તરફથી કોર્ટ ઓફ ઇન્કવાયરીના આદેશ અપાયા

આ ક્રેશ લેન્ડિંગના કારણો જાણવા માટે સેના તરફથી કોર્ટ ઓફ ઇન્કવાયરીના આદેશ આપવામાં આવ્યા છે. વિમાન ટેનિંગ આપતા ફેરા માટે નીકળ્યું હતું. જે ટેક ઓફ કર્યા બાદ થોડા સમયમાં જ આ વિમાન ક્રેશ થઇ ગયું હતું. આ દુર્ઘટનામાં થયેલા નુકસાનની આકારણી અંગીની કોઇ માહિતી સામે આવી નથી.