ભારતની અગ્નિ-5 મિસાઇલના ટેસ્ટથી કેમ ગભરાયેલું છે ચીન? જાણો આની તાકાત

જો અગ્નિ-5નું આઠમું પરીક્ષણ સફળ રહ્યું તો ભારતીય સેનાને જલદી ઇન્ટર કૉન્ટિનેંટલ મિસાઇલ મળી જશે. આ મિસાઇલની પ્રહાર કરવાની ક્ષમતા 5500 કિલોમીટરથી વધારે છે, જેના કારણે ચીનની ચિંતા વધે તેમાં કોઈ ચોંકવા જેવી વાત નથી. ચીન સંયુક્ત રાષ્ટ્ર સુરક્ષા પરિષદ (UNSC)ના પ્રસ્તાવ 1172ના આધારે અગ્નિ-5 ટેસ્ટિંગનો વિરોધ કરી રહ્યું છે. જાણો અગ્નિ-5 વિશે જેણે એશિયામાં ખળભળાટ મચાવી દીધો છે.

• ભારત ઇન્ટર કોન્ટિનેન્ટલ બેલેસ્ટિક મિસાઇલ અગ્નિ-5નું આઠમું પરીક્ષણ કરશે
• અત્યાર સુધીના તમામ પરીક્ષણ રહ્યા છે સફળ
• દુનિયાના 7 દેશોની પાસે જ ઇન્ટર કોન્ટિનેન્ટલ બેલેસ્ટિક મિસાઇલ
• અગ્નિ-5ની રેન્જમાં આખું પાકિસ્તાન, ચીન અને બ્રિટન પણ

હૈદરાબાદ: હવે ભારત એ એલિટ દેશોમાં સામેલ થઈ જશે જેમની પાસે ન્યુક્લિયર હથિયારોથી સજ્જ ઇન્ટર કોન્ટિનેન્ટલ બેલેસ્ટિક મિસાઇલ (ICBM) છે. ભારત અગ્નિ-5 મિસાઇલનું આઠમીવાર ટેસ્ટિંગ કરવા જઇ રહ્યું છે. આ અગ્નિ-5નો પહેલો યુઝર ટ્રાયલ છે. આ પહેલા અગ્નિ-5ના 7 ટેસ્ટિંગ સફળ રહ્યા છે. આ ટેસ્ટિંગના સફળ થયા બાદ ભારતીય સેના ઇન્ટર કૉન્ટિનેંટલ MIRV મિસાઇલથી સજ્જ થઈ જશે. MIRV મિસાઇલની ખાસિયત એ છે કે તે એક સાથે અનેક જગ્યાએ હુમલો કરી શકે છે, જ્યારે સિંગલ વૉરહેડ મિસાઇલોને સામાન્ય રીતે એક ટાર્ગેટ પર હુમલો કરવા માટે લૉન્ચ કરવામાં આવે છે.

2008થી જ તૈયાર કરવામાં આવી રહી છે અગ્નિ-5

ભારતના ડિફેન્સ રિસર્ચ એન્ડ ડેવલપમેન્ટ ઑર્ગેનાઇઝેશન (DRDO)એ 2008માં અગ્નિ-5 પર કામ શરૂ કર્યું હતું. 19 એપ્રિલ 2012ના ઓરિસ્સામાં આનો પહેલો ટેસ્ટ રેલ મોબાઇલ લોન્ચરથી કરવામાં આવ્યો હતો, જે સફળ રહ્યો. જાન્યુઆરી 2015માં મિસાઇલનો પહેલો કેનિસ્ટર ટેસ્ટ કરવામાં આવ્યો હતો. ત્યારે મિસાઇલને રોડ મોબાઇલ લૉન્ચરથી છોડવામાં આવી હતી. 10 ડિસેમ્બર 2018ના મિસાઇલને સાતમી વાર ટેસ્ટ કરવામાં આવી. સંરક્ષણ મંત્રાલયે અગ્નિ-5ને 2020માં જ સેનામાં સામેલ કરવાની તૈયારી કરી હતી, પરંતુ કોરોના મહામારીના કારણે અંતિમ ટેસ્ટ નહોતો થઈ શક્યો. 8મી વાર ટેસ્ટ સફળ થયા બાદ આને સેનામાં સામેલ કરી દેવામાં આવશે.

ભારતની અગ્નિ મિસાઇલની વિશેષતાઓ

ટાર્ગેટ પર સચોટ પ્રહાર કરી શકે છે અગ્નિ-5

અગ્નિ-5 રિંગ-લેઝર ગાયરોસ્કોપ આધારિત નેવિગેશનના કારણે આ ટાર્ગેટ પર સચોટ પ્રહાર કરી શકે છે. આ મિસાઇલ દોઢ ટન સુધી ન્યુક્લિયર હથિયાર પોતાની સાથે લઈ જઈ શકે છે. આની સ્પીડ મેક 24 છે, એટલે કે ધ્વનિની ગતિથી 24 ઘણી વધારે. અગ્નિ-5ને ક્યાંય પણ સરળતાથી લઈ જઈ શકાય છે. આ મિસાઇલ ન્યુક્લિયર વૉરહેડ લઈ જવામાં સક્ષમ છે અને આની રેન્જ 5500 કિમી છે.

અગ્નિ-5ની રેન્જમાં ચીન અને પાકિસ્તાન

અગ્નિ-5ની રેન્જમાં આફ્રિકા, યુરોપ અને એશિયાના કેટલાક ભાગ આવશે. આ મિસાઇલની રેન્જમાં ચીનના અનેક મોટા શહેરો પણ આવશે, જ્યારે આખું પાકિસ્તાન આની રેન્જમાં હશે. અત્યારે દુનિયાના 7 દેશોની પાસે જ ઇન્ટર કોન્ટિનેન્ટલ બેલેસ્ટિક મિસાઇલ છે. આમાં રશિયા, અમેરિકા, ચીન, ફ્રાન્સ, ઇઝરાઇલ, બ્રિટન, ચીન અને ઉત્તર કોરિયા સામેલ છે. ભારત આ ક્લબમાં સામેલ થનારો દુનિયાનો આઠમો દેશ હશે. ભારતે જૂન 2021માં અગ્નિ પ્રાઇમનું પણ ટેસ્ટિંગ કર્યું હતું. આ ઉપરાંત અગ્નિ-6ના ડેવલપમેન્ટ પર પણ કામ ચાલી રહ્યું છે.

ભારતની અગ્નિ મિસાઇલની વિશેષતાઓ

પાકિસ્તાનની શાહીનથી બમણી શક્તિશાળી છે અગ્નિ-5

પાકિસ્તાન પાસે હત્ફ સિરીઝની 9 મિસાઇલો છે. હત્ફ-4 અથવા શાહીનની પ્રહાર ક્ષમતા 750 કિમી છે. હત્ફ-5 એટલે કે ઘૌરી 1500 કિલોમીટર સુધી લક્ષ્ય સાધી શકે છે. હત્ફ-6 અથવા શાહીન-2 મિસાઇલની રેન્જ 2000 કિલોમીટર છે. પાકિસ્તાનની પાસે શાહીન-3 મિસાઇલ છે. મધ્યમ અંતર સુધી પ્રહાર કરનારી આ બેલેસ્ટિક મિસાઇલની પ્રહાર ક્ષમતા 2750 કિલોમીટર છે. આ મિસાઇલો પરમાણુ અને પારંપરિક હથિયાર પોતાની સાથે લઈ જઈ શકે છે.

ચીનની પાસે છે દુનિયાનો વિનાશ કરી શકે તેવી DF-41

ચીનની પાસે DF સિરીઝવાળી ઇન્ટર કૉન્ટિનેંટલ બેલેસ્ટિક મિસાઇલોનો ભંડાર છે. આંતરખંડીય બેલિસ્ટિક મિસાઈલ DF-41 મિસાઇલ 15 હજાર કિલોમીટર સુધી હુમલો કરવામાં સક્ષમ છે. આના વડે તે 30 જ મિનિટમાં અમેરિકા પર અણુ હુમલો કરી શકે છે. સેન્ટર ફૉર સ્ટ્રેટેજીક એન્ડ ઇન્ટરનેશનલ સ્ટડીના મિસાઇલ ડિફેન્સ પ્રોજેક્ટ પ્રમાણે DF-41 એવી મિસાઇલ છે જેના દ્વારા એક સાથે 10 અલગ-અલગ ટાર્ગેટ પર એક સાથે નિશાન સાધી શકાય છે. આ ઉપરાંત ચીનની DF-31 મિસાઇલની રેન્જ 8000 કિલોમીટર છે.

હુમલાથી પહેલા અંતરિક્ષમાં જાય છે ઇન્ટર કોન્ટિનેન્ટલ બેલેસ્ટિક મિસાઇલ

બેલેસ્ટિક મિસાઇલનો ટ્રાવેલિંગ રૂટ અર્ધ ચંદ્રાકાર અથવા ઑર્બિટલ હોય છે. આ મિસાઇલને ફર્સ્ટ ફેઝમાં ગાઇડ કરવામાં આવે છે, ત્યારબાદ તે ઑર્બિટલ મિકેનિક્સ તેમજ બેલેસ્ટિક્સ પ્રમાણે ખુદ કામ કરે છે. આ લૉન્ચ થવાના થર્ડ ફેઝમાં ટાર્ગેટને ભેદે છે. આ દરમિયાન બેલેસ્ટિક મિસાઇલ 2 વખત એરસ્પેસ અને એકવાર અંતરિક્ષમાં જાય છે. પોતાના ટાર્ગેટને નક્કી કરવા તે પૃથ્વીની ચારેય બાજુ જરૂરી અંતર કાપે છે.

24 હજારથી 27 હજાર કિલોમીટર પ્રતિ કલાકની ગતિ

ટેકઑફ બાદ રોકેટ મિસાઇલને 2થી 3 મિનિટ હવામાં ધકેલે છે, જેનાથી તે અંતરિક્ષમાં પહોંચી જાય છે, ત્યારે પહેલું રોકેટ મિસાઇલથી અલગ થાય છે. ત્યારબાદ બીજા રોકેટની મદદથી અંતરિક્ષમાં બેલેસ્ટિક મિસાઇલ અર્ધ ચંદ્રાકાર અથવા સબ ઑર્બિટલ રૂટ પર ચાલીને ટાર્ગેટની નજીક જાય છે. આ સમયે મિસાઇલની સ્પીડ 24 હજારથી 27 હજાર કિલોમીટર પ્રતિ કલાકની હોઈ શકે છે. ટાર્ગેટ મળતા જ મિસાઇલ ફરી અંતરિક્ષથી નીકળીને એર સ્પેસમાં આવી જાય છે અને તેની કેટલીક મિનિટની અંદર પોતાના નક્કી કરવામાં આવેલા ટાર્ગેટ પર પ્રહાર કરે છે.

વધુ વાંચો: Agni Prime Missile - અબ્દુલ કલામ ટાપુ પરથી અગ્નિ પ્રાઇમ મિસાઇલનું સફળ પરિક્ષણ

વધુ વાંચો: DRDOએ દુશ્મનના મિસાઇલ એટેક સામે નૌકા જહાજોની સુરક્ષા માટે અદ્યતન ચાફ ટેકનોલોજી વિકસાવી