નવી દિલ્હી: ભારતમાં છેલ્લા 24 કલાકમાં કોવિડ-19ના 3,545 નવા કેસ(new Covid cases in India) સામે આવતાં દેશમાં અત્યાર સુધીમાં સંક્રમિત લોકોની સંખ્યા વધીને 4,30,94,938 થઈ ગઈ છે. તે જ સમયે, સારવાર હેઠળ દર્દીઓની સંખ્યા ઘટીને 19,688 થઈ ગઈ છે. શુક્રવારે સવારે 8 વાગ્યે કેન્દ્રીય સ્વાસ્થ્ય મંત્રાલય દ્વારા અપડેટ કરાયેલા ડેટા માંથી(Union Health Ministry data on Covid) આ માહિતી મળી છે. માહિતી અનુસાર, સંક્રમણના કારણે વધુ 27 લોકોના મોત થતાં મૃત્યુઆંક વધીને 5,24,002 થઈ ગયો છે. તે જ સમયે, સારવાર હેઠળના દર્દીઓની સંખ્યા કુલ કેસના 0.05 ટકા છે, જ્યારે રાષ્ટ્રીય સ્તરે ચેપગ્રસ્ત સાજા થવાનો દર 98.74 ટકા હોવાનો અંદાજ છે.
આ પણ વાંચો -રેમડેસિવિર ઈન્જેક્શન વિતરણ મામલે થયેલી PILની ઝડપી સુનાવણીની રજૂઆત HCએ નકારી
3,545 નવા કેસ નોંધાયા -આરોગ્ય મંત્રાલયના જણાવ્યા અનુસાર, દૈનિક ચેપ દર 0.76 ટકા છે, જ્યારે સાપ્તાહિક ચેપ દર 0.79 ટકા છે. મંત્રાલયના જણાવ્યા અનુસાર છેલ્લા 24 કલાકમાં સારવાર હેઠળના દર્દીઓની સંખ્યામાં 31નો ઘટાડો નોંધાયો છે. તે જ સમયે, ચેપમાંથી સ્વસ્થ થયેલા લોકોની સંખ્યા વધીને 4,25,51,248 થઈ ગઈ છે, જ્યારે મૃત્યુ દર 1.22 ટકા નોંધાયો છે. રાષ્ટ્રવ્યાપી રસીકરણ અભિયાન હેઠળ, અત્યાર સુધીમાં દેશભરમાં કોવિડ-19 વિરોધી રસીના 189.81 કરોડથી વધુ ડોઝ આપવામાં આવ્યા છે.