Big Plan For Independence Day : આ વખતનો સ્વતંત્રતા દિવસનો કાર્યક્રમ છે ખાસ, આ પ્રકારની કરાઇ તૈયારીઓ

આ વખતે સરકારે સ્વતંત્રતા દિવસની ખાસ તૈયારીઓ કરી છે. 77માં સ્વતંત્રતા દિવસ પર લાલ કિલ્લા પર આયોજિત કાર્યક્રમમાં 1800 વિશેષ આમંત્રિતો હાજરી આપશે. જાણો આ ઇવેન્ટમાં બીજું શું ખાસ છે.

નવી દિલ્હી: આ વર્ષે, 77માં સ્વતંત્રતા દિવસ પર, દિલ્હીના લાલ કિલ્લા પર એક મોટો કાર્યક્રમ થશે, જ્યાં વડા પ્રધાન નરેન્દ્ર મોદી રાષ્ટ્રધ્વજ ફરકાવશે અને રાષ્ટ્રને પરંપરાગત સંબોધન કરશે. સરકારના 'જનભાગીદારી' કાર્યક્રમ હેઠળ લગભગ 1,800 'ખાસ મહેમાનો' આ પ્રસંગે હાજરી આપશે. આ કાર્યક્રમ માટે રાષ્ટ્રીય રાજધાનીમાં 12 સ્થળોએ સરકારની વિવિધ યોજનાઓ અને પહેલોને સમર્પિત સેલ્ફી પોઈન્ટ પણ સ્થાપિત કરવામાં આવ્યા છે.

ખેડૂતો, મજૂરો, શિક્ષકો, માછીમારો પણ જોડાશેઃઆ વર્ષે આ કાર્યક્રમમાં મોટી સંખ્યામાં મહેમાનોને આમંત્રણ આપવામાં આવ્યું છે. 1,800 'ખાસ મહેમાનો' હાજરી આપશે. વાઇબ્રન્ટ ગામોના સરપંચો, કિસાન ઉત્પદક સંગઠન યોજનાના પ્રતિનિધિઓ, પ્રધાનમંત્રી કિસાન સન્માન નિધિ યોજના અને પ્રધાનમંત્રી કૌશલ વિકાસ યોજનાના લાભાર્થીઓ, વિસ્ટા પ્રોજેક્ટના શ્રમ યોગીઓ (બાંધકામ કામદારો), ખાદી કામદારો, રસ્તાના નિર્માણ સાથે સંકળાયેલા સરહદી લોકો, અમૃત સરોવર અને હર ઘર જલ યોજના તેમજ પ્રાથમિક શાળાના શિક્ષકો, નર્સો અને માછીમારો પણ સામેલ થશે.

અલગ અલગ પ્રાંતના પૌશાકોમાં લોકો આવશે : 400 થી વધુ સરપંચો સામેલ થશે, સેન્ટ્રલ વિસ્ટા બનાવનાર 50 શ્રમ યોગીઓ પણ હાજર રહેશે. પ્રધાનમંત્રી કિસાન સન્માન નિધિ યોજના અને પ્રધાનમંત્રી કૌશલ વિકાસ યોજનાના 50-50 સહભાગીઓ હાજર રહેશે. દરેક રાજ્ય/કેન્દ્રશાસિત પ્રદેશમાંથી 75 યુગલોને પણ તેમના પરંપરાગત પોશાકમાં લાલ કિલ્લા પર સમારોહના સાક્ષી બનવા આમંત્રણ આપવામાં આવ્યું છે.

ઐતિહાસિક સ્થળોના સેલ્ફી પોઈન્ટ બનાવ્યા : 12 સેલ્ફી પોઈન્ટ બનાવવામાં આવ્યા છે. આ નેશનલ વોર મેમોરિયલ, ઈન્ડિયા ગેટ, વિજય ચોક, નવી દિલ્હી રેલ્વે સ્ટેશન, પ્રગતિ મેદાન, રાજ ઘાટ, જામા મસ્જિદ, મેટ્રો સ્ટેશન, રાજીવ ચોક મેટ્રો સ્ટેશન, દિલ્હી ગેટ મેટ્રો સ્ટેશન, આઈટીઓ મેટ્રો ગેટ, નૌબત ખાના અને શીશ ગંજ ગુરુદ્વારા સહિત 12 સ્થળો પર સરકારની વિવિધ યોજનાઓ અને પહેલોને સમર્પિત સેલ્ફી પોઈન્ટ ઉભા કરવામાં આવ્યા છે.

15થી 20 ઓગસ્ટ સુધી ઓનલાઈન સેલ્ફી સ્પર્ધા: એક સત્તાવાર રીલીઝમાં કહેવામાં આવ્યું છે કે 'ઉજવણીના ભાગ રૂપે, સંરક્ષણ મંત્રાલય દ્વારા 15-20 ઓગસ્ટ દરમિયાન MyGov પોર્ટલ પર ઓનલાઈન સેલ્ફી સ્પર્ધાનું આયોજન કરવામાં આવશે. લોકોને 12માંથી એક અથવા વધુ ઇન્સ્ટોલેશન પર સેલ્ફી લેવા અને સ્પર્ધામાં ભાગ લેવા માટે MyGov પ્લેટફોર્મ પર અપલોડ કરવા પ્રોત્સાહિત કરવામાં આવ્યા છે. દરેક ઇન્સ્ટોલેશનમાંથી એક એટલે કે બાર વિજેતાઓની પસંદગી ઓનલાઈન સેલ્ફી કોન્ટેસ્ટના આધારે કરવામાં આવશે. દરેક વિજેતાને 10,000 રૂપિયાની ઈનામી રકમ આપવામાં આવશે.

હેલિકોપ્ટર ફૂલોની વર્ષા કરશે: રિલીઝમાં કહેવામાં આવ્યું છે કે ભારતીય સેના આ વર્ષે લાલ કિલ્લા પર સેવાનું સંકલન કરી રહી છે. મેજર નિકિતા નાયર અને મેજર જાસ્મીન કૌર રાષ્ટ્રધ્વજ ફરકાવવામાં વડાપ્રધાનને મદદ કરશે. વડા પ્રધાન રાષ્ટ્રધ્વજ ફરકાવશે ત્યારે, ભારતીય વાયુસેનાના બે એડવાન્સ લાઇટ હેલિકોપ્ટર માર્ક-III ધ્રુવ દ્વારા લાઇન એસ્ટર્ન ફોર્મેશનમાં સ્થળ પર ફૂલોની વર્ષા કરવામાં આવશે.

રક્ષા મંત્રી પીએમનું સ્વાગત કરશેઃલાલ કિલ્લા પર પહોંચવા પર વડાપ્રધાનનું સ્વાગત સંરક્ષણ મંત્રી રાજનાથ સિંહ, સંરક્ષણ રાજ્ય મંત્રી અજય ભટ્ટ અને સંરક્ષણ સચિવ ગિરધર અરમાને કરશે. સંરક્ષણ સચિવ, લેફ્ટનન્ટ જનરલ ધીરજ સેઠ, જનરલ ઓફિસર કમાન્ડિંગ (GOC), દિલ્હી સેક્ટરનો વડાપ્રધાનને પરિચય કરાવશે. ત્યારબાદ, GOC, દિલ્હી ઝોન નરેન્દ્ર મોદીને સલામી સ્થળ પર લઈ જશે, જ્યાં સંયુક્ત આંતર-સેવાઓ અને દિલ્હી પોલીસ ગાર્ડ વડાપ્રધાનને સલામી આપશે. આ પછી વડાપ્રધાન ગાર્ડ ઓફ ઓનરનું નિરીક્ષણ કરશે.

ગાર્ડ ઓફ ઓનર: વડાપ્રધાનની ગાર્ડ ઓફ ઓનર ટુકડીમાં આર્મી, એરફોર્સ અને દિલ્હી પોલીસના એક-એક અધિકારી અને 25-25 કર્મચારીઓ અને નૌકાદળના એક અધિકારી અને 24 કર્મચારીઓનો સમાવેશ થશે. ભારતીય સેના આ વર્ષ માટે સંકલન સેવાની ભૂમિકામાં છે. ગાર્ડ ઓફ ઓનરની કમાન મેજર વિકાસ સાંગવાનના હાથમાં રહેશે. વડાપ્રધાનના ગાર્ડની કમાન્ડ મેજર ઈન્દ્રજીત સચિન કરશે, નૌકાદળની ટુકડીનું નેતૃત્વ લેફ્ટનન્ટ કમાન્ડર એમવી રાહુલ રમણ કરશે અને વાયુસેનાની ટુકડીનું નેતૃત્વ સ્ક્વોડ્રન લીડર આકાશ ગંગાસ કરશે. એડિશનલ ડીસીપી સંધ્યા સ્વામી દિલ્હી પોલીસની ટીમનું નેતૃત્વ કરશે.