નવી દિલ્હી: વડા પ્રધાન નરેન્દ્ર મોદીએ 77માં સ્વતંત્રતા દિવસના અવસર પર મંગળવારે લાલ કિલ્લાની પ્રાચી પરથી બોલતા કહ્યું કે તેઓ 2024 માં સત્તામાં પાછા ફરશે અને દેશની સિદ્ધિઓને વિસ્તૃત કરશે. પીએમ મોદીએ કહ્યું કે આગામી પાંચ વર્ષ અભૂતપૂર્વ વિકાસના છે. 2047નું સ્વપ્ન સાકાર કરવાની સૌથી મોટી સોનેરી ક્ષણ આગામી પાંચ વર્ષ છે. આગલી વખતે 15મી ઓગસ્ટે હું આ લાલ કિલ્લા પરથી દેશની ઉપલબ્ધિઓ અને વિકાસને તમારી સમક્ષ મુકીશ.
આઝાદીના 100 વર્ષની ઉજવણી: તેમણે કહ્યું કે હું દ્રઢપણે માનું છું કે 2047માં જ્યારે દેશ આઝાદીના 100 વર્ષની ઉજવણી કરશે ત્યારે દેશ વિકસિત ભારત હશે. હું આ આપણા દેશની ક્ષમતા અને ઉપલબ્ધ સંસાધનોના આધારે કહું છું. તેમણે કહ્યું કે સમયની જરૂરિયાત એ છે કે આપણે ભ્રષ્ટાચાર, વંશવાદ અને તુષ્ટિકરણ આ ત્રણ બુરાઈઓ સામે લડવું પડશે.
વિપક્ષ પર PMના વાર:પીએમ મોદીએ તેમના સ્વતંત્રતા દિવસના ભાષણની શરૂઆત 'મારા પ્રિય 140 કરોડ પરિવારના સભ્યો' સાથે કરી હતી. વડાપ્રધાને લોકોને ભ્રષ્ટાચાર, ભત્રીજાવાદ અને તુષ્ટિકરણમાંથી મુક્તિ મેળવવા આહ્વાન કર્યું હતું. તેમણે કહ્યું કે ભ્રષ્ટાચાર અને તુષ્ટિકરણની રાજનીતિએ દેશને નુકસાન પહોંચાડ્યું છે. તેમણે કહ્યું કે જે રાજકીય પક્ષો વંશવાદી રાજકારણમાં માને છે તેમનો એક જ મંત્ર છે - પરિવારની પાર્ટી, પરિવાર દ્વારા અને પરિવાર માટે.
વિકસિત દેશ બનાવવાની કેન્દ્રની પ્રતિબદ્ધતા: પીએમના ભાષણના સમાપન બાદ રાષ્ટ્રીય રાજધાનીમાં લાલ કિલ્લા પર ત્રિરંગાના ફુગ્ગા છોડવામાં આવ્યા હતા. તેમના સંબોધન બાદ પીએમ મોદીએ NCC કેડેટ્સ સાથે મુલાકાત કરી હતી. આ વર્ષનો સ્વતંત્રતા દિવસ 'આઝાદી કા અમૃત મહોત્સવ' ઉજવણીની પરાકાષ્ઠાએ ચિહ્નિત કરશે. જેનું લોકાર્પણ વડાપ્રધાન દ્વારા 12 માર્ચ, 2021 ના રોજ, ગુજરાતના અમદાવાદ ખાતેના સાબરમતી આશ્રમ ખાતે કરવામાં આવ્યું હતું. પીએમ મોદીએ અગાઉ 2047 સુધીમાં ભારતને વિકસિત દેશ બનાવવાની કેન્દ્રની પ્રતિબદ્ધતાને રેખાંકિત કરી હતી. જે દેશની આઝાદીનું શતાબ્દી વર્ષ હશે.
- Independence Day 2023: સ્વતંત્રતા દિવસ પર દર વર્ષે અલગ લુકમાં દેખાય છે PM, જાળવી રાખી સાફાની પરંપરા
- Independence Day 2023: PM મોદીએ લાલ કિલ્લા પરથી રાષ્ટ્રધ્વજ ફરકાવ્યો, મહાત્મા ગાંધીને આપી શ્રદ્ધાંજલિ
