ICCએ કરી 'ટીમ ઓફ ધ ડેકેડ'ની જાહેરાત, એમએસ ધોની અને વિરાટને બનાવ્યા કેપ્ટન

ઈન્ટરનેશનલ ક્રિકેટ કાઉન્સિલે (ICC) પુરૂષોની ટી-20 અને ODI માટે 'ટીમ ઓફ ધ ડેકેડ'ની જાહેરાત કરી દીધી છે. જેમાં ભારતના સૌથી સફળ પૂર્વ કેપ્ટન મહેન્દ્રસિંહ ધોનીને ટી-20 અને ODI બન્ને ફોર્મેટ માટે કેપ્ટન અને વિકેટકીપર બનાવવામાં આવ્યા છે.

• ICCએ કરી 'ટીમ ઓફ ધ ડેકેડ'ની જાહેરાત
• વિવિધ પાંચ કેટેગરી માટે કરી એવોર્ડની જાહેરાત
• એમએસ ધોની અને વિરાટ કોહલીને બનાવ્યા કેપ્ટન

હૈદરાબાદ: ઈન્ટરનેશનલ ક્રિકેટ કાઉન્સિલે (ICC) પુરૂષોની ટી-20 અને ODI માટે 'ટીમ ઓફ ધ ડેકેડ'ની જાહેરાત કરી દીધી છે. જેમાં ભારતના સૌથી સફળ પૂર્વ કેપ્ટન મહેન્દ્રસિંહ ધોનીને ટી-20 અને ODI બન્ને ફોર્મેટ માટે કેપ્ટન અને વિકેટકીપર બનાવવામાં આવ્યા છે.

ICCએ આજે તેની વિવિઘ પાંચ કેટેગરી માટે એવોર્ડની જાહેરાત કરી હતી. જેમાં પુરૂષોની ટેસ્ટ ટીમ, ટી-20 ટીમ અને ODI ટીમ તેમજ મહિલાઓની ODI તેમજ ટી-20 ટીમ ઓફ ધ ડેકેડની જાહેરાત કરવામાં આવી હતી. આ ઉપરાંત પુરૂષ અને મહિલા વિભાગમાં સહયોગી ખેલાડી માટે પણ 'પ્લેયર ઓફ ધ ડેકેડ'ની જાહેરાત કરવામાં આવી હતી.

ICC ટી-20 પુરૂષ કેટેગરી 'ટીમ ઓફ ધ ડેકેડ'માં મહેન્દ્રસિંહ ધોનીને કેપ્ટન અને વિકેટકીપર બનાવવામાં આવ્યો છે. આ ઉપરાંત અન્ય ભારતીય ખેલાડી રોહિત શર્મા, વિરાટ કોહલી અને જસપ્રીત બુમરાહને પણ ટીમમાં સ્થાન આપવામાં આવ્યું છે.

ટીમ આ પ્રમાણે છે...

1. મહેન્દ્રસિંહ ધોની (કેપ્ટન અને વિકેટકીપર)
2. રોહિત શર્મા
3. ક્રિસ ગેલ
4. એરોન ફિંચ
5. વિરાટ કોહલી
6. એબી ડિવિલિયર્સ
7. ગ્લેન મેક્સવેલ
8. કિયરન પોલાર્ડ
9. રાશિદ ખાન
10. જસપ્રીત બુમરાહ
11. લસિથ મલિંગા

આ ઉપરાંત પુરૂષોની ODI ટીમ ઓફ ધ ડેકેડમાં પણ મહેન્દ્રસિંહ ધોનીને કેપ્ટન અને વિકેટકીપર બનાવવામાં આવ્યો છે. ટીમમાં રોહિત શર્મા અને વિરાટ કોહલી જેવા ભારતીય ખેલાડીઓને ટીમમાં સ્થઆન આપવામાં આવ્યું છે.

ટીમ આ પ્રમાણે છે...

1. મહેન્દ્રસિંહ ધોની (કેપ્ટન અને વિકેટકીપર)
2. રોહિત શર્મા
3. ડેવિડ વોર્નર
4. વિરાટ કોહલી
5. એબી ડિવિલિયર્સ
6. શાકિબ અલ હસન
7. બેન સ્ટોક્સ
8. મિચેલ સ્ટાર્ક
9. ટ્રેન્ટ બોલ્ટ
10. ઈમરાન તાહિર
11. લસિથ મલિંગા

પુરૂષોની ટેસ્ટ ટીમ ઓફ ધ ડેકેડમાં વિરાટ કોહલીને કેપ્ટન બનાવવામાં આવ્યો છે. આ ઉપરાંત રવિચંદ્રન અશ્વિનનો પણ ટેસ્ટ ટીમમાં સમાવેશ કરવામાં આવ્યો છે.

ટીમ આ પ્રમાણે છે...

1. વિરાટ કોહલી (કેપ્ટન)
2. એલિસ્ટર કૂક
3. ડેવિડ વોર્નર
4. કેન વિલિયમ્સન
5. સ્ટીવ સ્મિથ
6. કુમાર સંગાકારા
7. બેન સ્ટોક્સ
8. આર. અશ્વિન
9. ડેલ સ્ટેન
10. સ્ટુઅર્ટ બ્રોડ
11. જેમ્સ એન્ડરસન